"قازاقستان تەمٸر جولى" (قتج) ۇلتتىق تەمٸرجول تاسىمالداۋشىسى ەلييا نازارباەۆانىڭ تەمٸرجول بيلەتتەرٸن ساتۋمەن اينالىساتىن Instant Payments كومپانيياسىمەن كەلٸسٸمشارتىن بۇزدى. بۇل تۋرالى "ۇلت اقپارات" Stan.kz اقپارات اگەنتتٸگٸنە سٸلتەمە جاساپ حابارلايدى.
قتج باسقارما تٶراعاسىنىڭ ورىنباسارى ەنۋار احمەتجانوۆتىڭ ايتۋىنشا, 1 جەلتوقساننان باستاپ Instant Payments كومپانيياسىمەن كەلٸسٸمشارت بۇزىلعان.
"1 جەلتوقساننان باستاپ "Instant Payments" كومپانيياسىمەن كەلٸسٸم-شارت بۇزىلدى, قازٸر "موبيلدٸ پورتال" جشس جۇمىس ٸستەيدٸ. كومپانييا كونكۋرستىق نەگٸزدە تاڭدالدى. ولار بيلەتتەردٸ ەلەكتروندى ساتۋ بويىنشا قىزمەت كٶرسەتەدٸ. بٸز ولارعا ەر ساتىلعان بيلەت ٷشٸن 29 تەڭگە تٶلەيمٸز. بۇل جەكە كومپانييا, يەسٸنٸڭ كٸم ەكەنٸن تەكسەرٸپ كٶرە الاسىزدار. بٸراق ول كومپانييالىق باسشىلىعىندا تانىمال ادامدار جوق, ەگەر سٸز وسىنى مەڭزەپ تۇرساڭىز", – دەدٸ احمەتجانوۆ.
سونىمەن قاتار احمەتجانوۆ بيلەتتەردٸ ساتىپ الۋ تەرتٸبٸ ٶزگەرٸسسٸز قالعانىن اتاپ ٶتتٸ.
"بٸز بيلەتتەردٸ ساتىلىمعا شىعارامىز, بۇل كومپانييا بيلەتتەردٸ اگەنتتەر ارقىلى ونلاين نەمەسە كاسسا ارقىلى ساتۋدى ۇيىمداستىرادى. قازٸر بيلەتتەردٸ ٷستەمەاقىسىز قتج كاسسالارىنان نەمەسە بٸزدٸڭ سايت ارقىلى ساتىپ الۋعا بولادى", – دەدٸ ەنۋار احمەتجانوۆ.
ەسكە سالساق, بۇعان دەيٸن "قازاقستان تەمٸر جولى" ۇلتتىق كومپانيياسىنىڭ باسقارما تٶراعاسى نۇرلان ساۋرانباەۆ ايلىق جالاقىسى قانشا ەكەنٸن ايتقانى تۋرالى جازعان ەدٸك.
