فوتو: kursiv.media
2019 جىلى جٶندەۋگە جابىلعان استاناداعى “قازاقستان” سپورت سارايى ەلٸ كٷنگە دەيٸن قولدانىسقا بەرٸلمەدٸ. بٸر جىلدان كەيٸن كەشەندٸ جٶندەپ, كەيٸن پايدالانۋعا بەرۋ ٷشٸن شەتەلدٸك ينۆەستور تارتىلاتىن ەدٸ. ال 2021 جىلى استانا ەكٸمٸ سپورت كەشەنٸ اپاتتىق جاعدايدا تۇرعانىن, تٸپتٸ سٷرٸلۋٸ مٷمكٸن ەكەنٸن مەلٸمدەدٸ. ودان كەيٸن عيمارات سلوۆاكييالىق ColosseoEAS كومپانيياسىنا جٶندۋگە بەرٸلەدٸ. بٸراق تيٸستٸ جۇمىستار جٷرگٸزٸلمەگەن. بىلتىر قالا ەكٸمٸ جاڭا ينۆەستور ٸزدەپ جاتقانىن حابارلادى, دەپ جازادى «ۇلت اقپارات» MNU Newsroom -گە سٸلتەمە جاساپ.
2000 جىلى سالىنا باستاعان “قازاقستان” سپورت سارايى بٸر جىلدان كەيٸن پايدالانۋعا بەرٸلدٸ. جالپى اۋدانى 22000 م², 4 قاباتتى عيمارات ٸشٸندە 8 جولعا ارنالعان 50 مەترلٸك باسسەين, 5000 كٶرەرمەن سىياتىن حوككەي مۇز الاڭى جەنە باسقا دا جاتتىعۋ زالدارى بار.
ودان بٶلەك, كەشەن ٸشٸندە 80 ورىندى قوناق ٷي, مەيرامحانا مەن كافە جۇمىس ٸستەيدٸ. “قازاقستان” كەشەنٸنٸڭ باستى ەرەكشەلٸگٸ – مۇز الاڭى مەن باسسەيننٸڭ بٸر شاتىردىڭ استىنا بٸرٸگۋٸ.
استانالىق “بارىس” حوككەي كلۋبى كونتينەنتالدى حوككەي ليگاسىندا ەلدەگٸ ويىندارىن وسى سپورت سارايىندا ٶتكٸزٸپ كەلدٸ. كلۋب تالابىمەن كەشەن العاش رەت 2007 جىلى جٶندەۋدەن ٶتتٸ.
2019 جىلدىڭ سەۋٸرٸندە كٷردەلٸ جٶندەۋ جۇمىستارى قاجەت دەپ تانىلىپ, كەشەن جۇمىسى توقتاتىلدى. استانا قالاسى ەكٸمدٸگٸ باقىلاۋىنداعى “استانا” ەلەۋمەتتٸك-كەسٸپكەرلٸك كورپوراتسيياسى عيماراتقا تەكسەرۋ جٷرگٸزٸپ, كٷردەلٸ جٶندەۋ جٷرگٸزۋ العىشارتىن انىقتادى.
زەرتتەۋ نەتيجەسٸندە دەنەكەرلەنگەن جەنە بولتتى قوسىلىستاردىڭ فيزيكالىق توزۋى كورروزييالىق دەفورماتسيياعا ۇشىراعان. سونداي-اق, ساپاسىز قۇرىلىس ماتەريالدارىنا بايلانىستى قاسبەتتٸڭ كەراميكالىق پليتالارى دا جارامسىز. قاسبەتتٸڭ تەحنيكالىق جاعدايى قاناعاتتانارلىقتاي ەمەس جەنە شەكتەۋلٸ جۇمىس ٸستەيتٸن قۇرىلىس رەتٸندە باعالانادى.
2021 جىلدىڭ اقپان ايىندا استانا قالاسىنىڭ سول كەزدەگٸ ەكٸمٸ التاي كٶلگٸنوۆ عيماراتتىڭ اپاتتى جاعدايدا تۇرعانىن, سوعان بايلانىستى كٷردەلٸ جٶندەۋ جاسالاتىنىن, تٸپتٸ عيماراتتى تولىعىمەن بۇزۋعا تۋرا كەلۋٸ مٷمكٸن ەكەنٸن ايتقان ەدٸ.
سول جىلى ەكٸمدٸك سپورت كەشەنٸن جاڭعىرتۋ ٷشٸن سلوۆاكييالىق سolosseoEAS كومپانيياسىمەن مەملەكەتتٸك-جەكەمەنشٸك ەرٸپتەستٸك تۋرالى شارتقا قول قويادى. شارتقا سەيكەس, الدىمەن اپاتتىق قۇرىلىمداردى بٶلشەكتەۋ, سودان كەيٸن نىساندى جاڭارتۋ جوسپارلاندى. جۇمىس 2022 جىلدىڭ باسىندا باستالىپ, 2024-كە قاراي بٸتۋٸ كەرەك بولعان ەدٸ.
Informburo.kz سايتىنىڭ دەرەگٸنشە, سolosseoEAS كومپانيياسى جوبالىق قۇجاتتاماعا مەملەكەتتٸك ساراپتامانى كەش الادى. ەكٸمدٸك ٶكٸلٸنٸڭ مەلٸمدەۋٸنشە, وعان كومپانييا قىزمەتكەرلەرٸنٸڭ قۇجاتتاردى رەتتەۋدٸ كەشٸكتٸرگەنٸ نەگٸز بولعان. سونىڭ ەسەبٸنەن جوبانى ٸسكە اسىرۋ قۇنى 16,8 ملرد تەڭگەدەن 24,8 ملرد تەڭگەگە, ياعني 8 ميللياردقا ٶزگەرەدٸ. سلوۆاك كومپانيياسى بۇل سوممانى قازاقستاندىق بانكتەن كرەديتكە الماق بولعان. بٸراق, قورىتىندىنىڭ كەشٸگۋٸ سەبەبٸنەن بانكتان كرەديت الۋ مٷمكٸندٸگٸ جٷزەگە اسپاعان.
استانا قالاسىنىڭ ەكٸمٸ جەڭٸس قاسىمبەك ٶتكەن جىلدىڭ قىركٷيەك ايىندا سپورت سارايىن جٶندەۋ جۇمىستارىنىڭ جٷرمەۋ سەبەبٸن تٷسٸندٸرٸپ, سپورت نىسانىنىڭ قاشان اشىلاتىنىن ايتتى.
“سپورت كەشەنٸ اپاتتىق جاعدايدا بولعان سوڭ ەكٸ جىل بۇرىن نىساندى جاڭعىرتۋ جۇمىسى باستالعان. ٶكٸنٸشكە قاراي, ينۆەستور قۇرىلىس جۇمىسىن تولىق جٷرگٸزە المادى. جۇمىس بٸر ورىندا توقتاپ تۇردى. دەگەنمەن بٸر كەزدەرٸ تانىمال بولعان نىساننىڭ وسىنداي كٷيدە تۇرۋىنا بٸز جول بەرمەيمٸز”, – دەپ جازدى ەكٸم ٶزٸنٸڭ Instagram پاراقشاسىندا.
ەلوردا ەكٸمٸ سپورت ورتالىعى 2024 جىلى, ياعني بيىل اشىلاتىن ايتقان. دەسە دە, بيىل ناۋرىز ايىندا Tengrinews.kz پورتالىنىڭ جازۋىنشا, استانا قالاسىنىڭ دەنە شىنىقتىرۋ جەنە سپورت باسقارماسى سپورت كەشەنٸن جاڭعىرتۋ اياقتالاتىنىن, بٸراق بيۋدجەتتٸك-ينۆەستيتسييالىق جوبالار اياسىندا ٸسكە اساتىنىن مەلٸمدەگەن. بارلىق جٶندەۋ جۇمىستارى 2026-2027 جىلدارى اياقتالادى دەپ بولجانعان.
Cپورت سارايىنىڭ قۇرىلىسىنا قاتىستى استانا ەكٸمدٸگٸنە حات جولدادى. بٸراق ەزٸرگە جاۋاپ كەلمەدٸ.
