قازاقستان شيكٸزاتتىق ەمەس تاۋارلار ەكسپورتىن 29 ملرد دولارعا ۇلعايتادى. بۇل نىسانداردى سالۋ قر ۇلتتىق ەكونوميكا مينيسترلٸگٸ ەزٸرلەگەن «قازاقستاندىقتاردىڭ ەل-اۋقاتىن ارتتىرۋعا باعىتتالعان ورنىقتى ەكونوميكالىق ٶسۋ» ۇلتتىق جوباسى اياسىندا قاراستىرىلعان, دەپ حابارلايدى قازاقپارات.
قر ۇەم مەلٸمەتٸنشە, جوبانىڭ «شيكٸزاتتىق ەمەس ەكسپورتتى ٸلگەرٸلەتۋ» باعىتىندا 2025 جىلعا قاراي شيكٸزاتتىق ەمەس ەكسپورت كٶلەمٸن 41 ملرد اقش دوللارىنا دەيٸن ٶسٸرۋ مٸندەتٸ شەشٸلەدٸ. ول ٷشٸن جاڭا ەكسپورتتاۋشىلاردى شىعارۋعا جەنە جۇمىس ٸستەپ جاتقان ەكسپورتتاۋشىلاردىڭ قۇزىرەتتەرٸن ارتتىرۋعا باعىتتالعان ەكسپورتتىق اكسەلەراتسييا باعدارلاماسىن دامىتۋ جالعاسادى. 1 000 بەلسەندٸ ەكسپورتتاۋشىنىڭ سىرتقى نارىقتارعا شىعۋى قامتاماسىز ەتٸلەدٸ. سونىمەن قاتار 350-گە جۋىق ەكسپورتتاۋشىنى ەلەكتروندىق ساۋدا پلاتفورمالارىنا (Alibaba, Amazon, OZON) شىعارۋ جوسپارلانعان. مەملەكەتتٸك ەتالونداردىڭ حالىقارالىق تالاپتارعا سەيكەستٸگٸن قامتاماسىز ەتۋ ٷشٸن سىناق زەرتحانالىق بازالارىنىڭ 30 پايىزى (250-دەن استام) جاڭعىرتىلادى.
ەكسپورتتاۋشىلاردى سىرتقى نارىقتارعا ٸلگەرٸلەتۋ ٷشٸن ەكسپورت الدىنداعى جەنە ەكسپورتتىق قارجىلاندىرۋ; ساقتاندىرۋ, اينالىم قاراجاتىن تولىقتىرۋعا قارجىلاندىرۋ; ەكسپورتتاۋشىلاردىڭ شىعىندارىن ٶتەۋ (ساۋدا سٶرەلەرٸ مەن ساۋدا الاڭدارىن جالعا الۋ, شەتەلدٸك سەرتيفيكاتتاۋدان, اككرەديتتەۋدەن, ينسپەكتسييادان ٶتۋ, تاۋارلاردى شەتەلدە جارنامالاۋ, شەتەلدٸك كٶرمەلەرگە, فورۋمدارعا, جەرمەڭكەلەرگە, كونكۋرستارعا قاتىسۋ); ەكسپورتتاۋشىلاردىڭ كٶلٸك شىعىندارىن ٶتەۋ قامتاماسىز ەتٸلەدٸ.
«نەتيجەسٸندە شيكٸزاتتىق ەمەس تاۋارلاردىڭ ەكسپورتى 14-تەن 29 ملرد اقش دوللارىنا ۇلعايادى. كٶرسەتٸلەتٸن قىزمەتتەر ەكسپورتىنىڭ ٶسۋٸ 2,4 ەسەنٸ (5-تەن 12 ملرد اقش دوللارى) قۇرايدى», - دەپ اتاپ ٶتەدٸ مينيسترلٸكتەن.
ايتا كەتەيٸك, قر پرەزيدەنتٸ جارلىعىمەن «قازاقستاندىقتاردىڭ ەل-اۋقاتىن ارتتىرۋعا باعىتتالعان ورنىقتى ەكونوميكالىق ٶسۋ» ۇلتتىق جوباسى بەكٸتٸلگەن بولاتىن. جوبا 5 باعىتتان تۇرادى جەنە 6 نەگٸزگٸ مٸندەت پەن 13 كٶرسەتكٸش ايقىندالعان.
