دەرٸلٸك زاتتاردى, مەديتسينالىق ماقساتتاعى بۇيىمداردى جەنە مەديتسينا تەحنيكاسىن ساراپتاۋ ۇلتتىق ورتالىعى باس ديرەكتورى ارنۇر نۇرتاەۆ قازاقستان شەتەلدەن ساتىپ الاتىن ۆاكتسينالارعا قانداي تالاپتار قوياتىنىن ايتىپ بەردٸ, - دەپ حابارلايدى قازاقپارات.
«قازٸر قوعامدا ۆاكتسيناعا قاتىستى ەرتٷرلٸ پٸكٸر بار. قارسى تاراپتاردىڭ بٸرٸ «مەن ەكپەگە قارسى ەمەسپٸن, بٸراق ولار ساپالى بولۋى كەرەك» دەگەندٸ العا تارتادى. بٷگٸن تاعى دا قازاقستانعا قانداي ۆاكتسينالار ەكەلٸنەتٸنٸن جەنە قالاي پايدالانىلاتىنىن ايتىپ بەرەيٸن. ەڭ بٸرٸنشٸ كەزەكتە ۆاكتسينالارعا قويىلاتىن تالاپتار: ولار قاۋٸپسٸز ەرٸ قورعانىس يممۋنيتەتٸن كٶتەرە الاتىنداي, ەپيدەميولوگييالىق تۇرعىدا تيٸمدٸ بولۋى كەرەك», - دەدٸ ارنۇر نۇرتاەۆ دەنساۋلىق ساقتاۋ مينيسترلٸگٸنٸڭ ونلاين باسپاسٶز مەسليحاتىندا.
ارنۇر نۇرتاەۆ شەتەلدٸك ۆاكتسينالارعا قويىلاتىن وسى تالاپتار قالاي قاداعالاناتىنىن ايتىپ بەردٸ. ونىڭ ايتۋىنشا قازٸرگٸ تاڭدا مەملەكەتتٸك تٸزٸلٸمدە 64 ۆاكتسينا تٸركەلگەن. الدىن الۋ ەكپەلەرٸنٸڭ ۇلتتىق كٷنتٸزبەسٸندە بالالارعا ارنالعان 11 ۆاكتسينا بار. ناقتىراق ايتقاندا بالالارعا تۋبەركۋلەز, ۆ گەپاتيتتٸ ۆيرۋس, پوليوميەليت, كٶكجٶتەل, ديفتەرييا, سٸرەسپە, قىزىلشا, قىزامىق, ەپيدەمييالىق پاروتيت, گەموفيلدٸ جەنە پنەۆموكوكك ينفەكتسيياسىنا قارسى ەكپە جاسالادى.
«ۆاكتسينانىڭ قاۋٸپسٸزدٸگٸ مەن ساپاسىن بٸزدٸڭ دەرٸلٸك زاتتاردى, مەديتسينالىق ماقساتتاعى بۇيىمداردى جەنە مەديتسينا تەحنيكاسىن ساراپتاۋ ۇلتتىق ورتالىعى باعالايدى. ۆاكتسينانى مەملەكەتتٸك تٸركەۋ كەزٸندە, ياعني نارىققا ەنگٸزەردە بٸر, تٸركەۋدەن ٶتكەننەن كەيٸن تاعى بٸر تەكسەرەمٸز. بۇل رەتتە تۇتاس ساراپشىلار توبى جۇمىس جٷرگٸزەدٸ. ساراپشىلار توبى العاشقى كەزەڭدٸ ٶندٸرٸس شارتتارىن باعالاۋدان باستايدى. بۇل كەزەڭدە ورتالىق ساراپشىلارى ٶندٸرٸس الاڭىنا بارىپ, ناقتىلانعان الگوريتم نەگٸزٸندە باعالاۋ جٷرگٸزەدٸ. بٸز ۆاكتسينا ەزٸرلەيتٸن كەسٸپورىننىڭ ٸشكٸ ٶندٸرٸستٸك قاۋٸپسٸزدٸگٸن قايتا تەكسەرەمٸز. عيماراتتىڭ تالاپقا سەيكەستٸگٸ تەكسەرٸلەدٸ. ەگەر بٸزدٸڭ ستاندارتتارعا ساي كەلمەي قالسا ٶندٸرۋشٸمەن سول جەردە-اق كەلٸسٸم بۇزىلادى. مۇنداي كەلٸسٸمدٸ قىتايلىق, ٷندٸستاندىق, تٸپتٸ ەۋروپالىق ەرٸپتەستەرٸمٸزبەن دە بۇزعانبىز», - دەدٸ ول.
ۆاكتسينانى تەكسەرۋدٸڭ ەكٸنشٸ كەزەڭٸ – قۇجاتتار ساراپتاماسى. ياعني قۇجاتتاردىڭ بەرٸنٸڭ دە قازاقستان رەسپۋبليكاسىنىڭ زاڭناماسىنا سەيكەستٸگٸ تەكسەرٸلەدٸ.
«بٸز ەۋ باستان-اق ەۋروپالىق تەكسەرۋ ستاندارتتارىن تاڭداپ العانبىز. ول ٶتە قاتاڭ. ول ەرەجەلەردٸ ٶندٸرۋشٸلەردٸڭ كٶبٸ جاقتىرمايدى. سەبەبٸ بۇل ستاندارتتاردىڭ ۋاقىتى تىم ۇزاق. الايدا بۇل جەردە مەسەلە ازاماتتاردىڭ دەنساۋلىعىنا قاتىستى بولعاندىقتان بٸز ەلەمنٸڭ ٷزدٸك ستاندارتتارىن تاڭداعان جٶن دەپ شەشتٸك. ٷشٸنشٸ كەزەڭ – مامانداندىرىلعان (فارماتسەۆتيكالىق جەنە فارماكولوگييالىق دەپ ەكٸگە بٶلٸنەتٸن) ساراپتاما. اتالمىش كەزەڭدە ۆاكتسينانىڭ شىنىندا دا دەنساۋلىققا قاۋٸپسٸز جەنە تيٸمدٸ ەكەنٸن انىقتايمىز», - دەدٸ ول.
مامانداندىرىلعان ساراپتامادان كەيٸن ۆاكتسينالار اناليتيكالىق ساراپتامادان ٶتەدٸ. تٶرتٸنشٸ كەزەڭدە ۆاكتسينالارعا قاۋٸپسٸز ەكەنٸ تۋرالى قورىتىندى بەرٸلسە, بەسٸنشٸ كەزەڭدە تٸركەۋ كۋەلٸگٸ تاپسىرىلادى. التىنشى كەزەڭدە ۆاكتسينا تٸركەۋدەن ٶتكەننەن كەيٸنگٸ قاداعالاۋدا بولادى.
