قاڭتار-تامىز ارالىعىندا قازاقستاننان 44 ملن توننا مۇناي ەكسپورتتالىپ, جوسپار 100 پايىز ورىندالدى, دەپ حابارلايدى قازاقپارات.
ٷكٸمەت وتىرىسىندا ەنەرگەتيكا مينيسترٸ ماعزۇم مىرزاعاليەۆ وسىنداي مەلٸمەت ۇسىندى.
«كٶرسەتٸلگەن كەزەڭدە 56,1 ملن توننا مۇناي جەنە كوندەنسات ٶندٸرٸلدٸ. بۇل – وسى جىلعا جوسپارلانعان كٶرسەتكٸشتٸڭ 99,3 پايىزى. ەسەپتٸك كەزەڭدە «قاراشىعاناق» جوباسىندا جوسپاردىڭ تولىق ورىندالماۋى بايقالادى. ياعني, كەستەدەن قالىپ بارادى. سەبەبٸ, ورىنبور گاز ٶڭدەۋ زاۋىتىندا جٶندەۋ جۇمىستارىنىڭ جٷرگٸزٸلۋٸنە بايلانىستى گاز قابىلداۋ شەكتەلدٸ», - دەگەن مينيستر مۇناي-گاز سالاسىنداعى ٸرٸ كومپانييالاردىڭ كٶرسەتكٸشتەرٸنە توقتالدى.
«تەڭٸز» جوباسىندا اتالعان كەزەڭدە 17,1 ملن توننا مۇناي ٶندٸرٸلدٸ. ياعني وسى جىلعى جوسپار 100 پايىز ورىندالدى. قاشاعان نەمەسە سولتٷستٸك كاسپيي جوباسىندا مۇناي ٶندٸرۋ كٶلەمٸ 10,2 ملن تونناعا جەتٸپ, جوسپار اسىرا ورىندالدى. «قاراشىعاناق» جوباسى بويىنشا 7,8 ملن توننا مۇناي ٶندٸرٸلٸپ, جوسپار 93 پايىز ورىندالدى. وسى ەسەپتٸ كەزەڭدە 44 ملن توننا مۇناي ەكسپورتتالدى. ياعني 8 ايدىڭ جوسپارى 100 پايىز ورىندالدى», - دەدٸ ۆەدومستۆو باسشىسى.
ونىڭ ايتۋىنشا, گاز ٶندٸرۋ جوسپارى 98 پايىز ورىندالعان.
«گازعا كەلسەك, ەسەپتٸ كەزەڭدە 35,5 ملرد تەكشە مەتر گاز ٶندٸرٸلدٸ. بۇل وسى جىلعا جوسپارلانعان كٶرسەتكٸشتٸڭ 98 پايىزىنا تەڭ. گاز ٶندٸرٸسٸنٸڭ تٶمەندەۋٸ مۇناي ٶندٸرۋ كٶلەمٸنە تٸكەلەي بايلانىستى. ٶيتكەنٸ ول مۇناي ٶندٸرۋ كەزٸندە الىناتىن ٸلەسپە گاز بولىپ وتىر. تاۋارلىق گازدىڭ ٸشكٸ تۇتىنۋ كٶلەمٸ جوسپارمەن سالىستىرعاندا 12 پايىز ٶسٸپ, 11,6 ملرد تەكشە مەترگە جەتتٸ», - دەدٸ مينيستر.
