قازاقستان دەنساۋلىق ساقتاۋ مينيسترلٸگٸ قىتاي ەكپەسٸ "سامۇرىق-قازىنا" قورىنىڭ جۇمىسشىلارىنا الىنعانىن حابارلادى. ال قور "ەكپەدەن قالسا, حالىق اراسىندا قىتاي ەكپەسٸن العىسى كەلەتٸندەرگە بەرٸلەتٸنٸن" ايتتى.
"سامۇرىق-قازىنا" قورىنىڭ سايتىنداعى اقپاراتقا ساي, الىنعان ەكپە "500 مىڭ ادامعا سالۋعا جەتەدٸ". قور "جۇمىسشىلارى مەن ولاردىڭ وتباسىنا تولىق ەكپە سالۋدى كٶزدەيدٸ". "سامۇرىق-قازىنا" باسپاسٶز قىزمەتٸ "ەكپە شىعارۋشىنى تاڭداماعانىن" ايتتى.
"سك-فارماتسييانىڭ" مەلٸمەتٸ بويىنشا, "سامۇرىق-قازىنا" العان ەكپە Hayat-Vax دەپ اتالادى جەنە ول باە ەلٸندەگٸ Gulf Pharmaceutical Industries Julphar كومپانيياسىندا شىعارىلعان. پرەپاراتتى پەكيندەگٸ Sinopharm كومپانيياسىنىڭ بيولوگييالىق ٶنٸمدەر ينستيتۋتى جاساعان.
ەكپە ٶلتٸرٸلگەن ۆيرۋستان جاسالعان جەنە +2+8 گرادۋستا ساقتالادى. سەۋٸر سوڭىنا دەيٸن 400 مىڭ دوزا, ال مامىردا 600 مىڭ دوزا جەتكٸزۋ كٶزدەلگەن.
"سك-فارماتسييا" ازاتتىققا بٸر دوزا 31,1 دوللارعا الىنعانىن (جالپى قۇنى – 31,1 ملن دوللار) حابارلادى. ال دەنساۋلىق ساقتاۋ مينيسترلٸگٸ ەكپەنٸڭ قازاقستاندا "ۋاقىتشا تٸركەۋ كۋەلٸگٸ" بارىن مەلٸمدەدٸ.
قازٸر قىتايدىڭ CanSino, Sinopharm جەنە Sinovac Biotech كومپانييالارى كوروناۆيرۋسقا قارسى ەكپە شىعارعان. رەسمي پەكين بۇل ەكپەلەر ەلەمنٸڭ ونداعان ەلٸندە ەگۋگە رۇقسات الدى دەيدٸ.
بيىل سەۋٸردە قىتاي ٶزٸ شىعارعان ەكپەنٸڭ تيٸمدٸلٸگٸ تٶمەن ەكەنٸن مويىنداعان. بۇل قىتاي شەنەۋنٸكتەرٸنٸڭ ەكپەنٸڭ قورعاۋ مٷمكٸندٸگٸ تٶمەن ەكەنٸن العاش مويىنداۋى ەدٸ. برازيلييادا جٷرگٸزٸلگەن زەرتتەۋ كەزٸندە Sinovac ەكپەسٸنٸڭ تيٸمدٸلٸگٸ 50,4 پايىزدى كٶرسەتكەن.
"سامۇرىق-قازىنا" ەل-اۋقات قورى 2006 جىلى كۆازيمەملەكەتتٸك سەكتورداعى ونداعان كومپانييانىڭ بٸرٸگۋٸنەن كەيٸن قۇرىلعان. قوردىڭ اكتيۆٸ 63 ملرد دوللاردى قۇرايدى. قور سايتىندا حولدينگتٸڭ ميسسيياسى "قازاقستاننىڭ ەل-اۋقاتىن كٶتەرۋ جەنە بولاشاققا جاعداي جاساۋ" دەپ كٶرسەتٸلگەن.
قازٸر قازاقستان حالىققا نەگٸزٸنەن رەسەيلٸك "سپۋتنيك V" ەكپەسٸ سالىنىپ جاتىر. 26 سەۋٸردەن باستاپ قازاقستان عالىمدارى جاساعان QazCovid-in ەكپەسٸ دە سالىنا باستادى.
