قازاقستاننىڭ دەنساۋلىق ساقتاۋ مينيسترلٸگٸ رەسەيمەن ارادا كوروناۆيرۋستان ۆاكتسينا پاسپورتتارىن ٶزارا تانۋ تۋرالى كەلٸسٸمدٸ بەكٸتۋدٸ قولداپ وتىر.
بۇل تۋرالى سەناتتىڭ جالپى وتىرىسىنان كەيٸن تٸلشٸلەرگە سۇحبات بەرگەن قر دەنساۋلىق ساقتاۋ ۆيتسە-مينيسترٸ — باس مەملەكەتتٸك سانيتارلىق دەرٸگەرٸ ايجان ەسماعامبەتوۆا مەلٸم ەتتٸ, دەپ حابارلايدى قازاقپارات.
«ۆاكتسينالاۋ پاسپورتتارىنا توقتالساق, رەسەي فەدەراتسيياسىنان كەلٸسٸم سىرتقى ٸستەر مينيسترلٸگٸ ارقىلى بٸزگە كەلدٸ. قر دەنساۋلىق ساقتاۋ مينيسترلٸگٸ بۇل تۇرعىدا ٶزٸنٸڭ ۇستانىمىن جارييالادى, ياعني بٸز وسى كەلٸسٸمگە قول قويۋعا دايىنبىز. قازٸرگٸ كەزدە قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸمەن تيٸستٸ جۇمىستار جٷرگٸزٸلٸپ جاتىر, بۇل باعىتتا تەحنيكالىق مەسەلەلەردٸ رەتتەۋ كەرەك», - دەدٸ ا. ەسماعامبەتوۆا.
وسى ورايدا ول تسيفرلىق دامۋ مينيسترلٸگٸ تيٸستٸ قورىتىندى جاساعاننان كەيٸن, بۇل قۇجات قر سىرتقى ٸستەر مينيسترلٸگٸ ارقىلى رەسەيدٸڭ تيٸستٸ ورگاندارىنا جولداناتىنىن ايتتى.
دەگەنمەن ۆيتسە-مينيستر پاسپورتتاردى ٶزارا تانۋ مەرزٸمٸ تۋرالى ناقتى مەرزٸمدٸ ناقتىلاي المادى.
«ناقتى مەرزٸم تۋرالى ايتا المايمىن, بٸز ٶزٸمٸزدٸڭ ۇستانىمدى جارييالادىق. ەندٸگٸ مەسەلە تەحنيكالىق سيپاتتا. بۇل قادامدار قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸنٸڭ قۇزىرەتٸمەن بايلانىستى», - دەدٸ ەسماعامبەتوۆا.
30 ناۋرىزدا قر دەنساۋلىق ساقتاۋ مينيسترلٸگٸ رەسەيمەن ارادا كوروناۆيرۋستان ۆاكتسيناتسييا پاسپورتتارىن ٶزارا تانۋ تۋرالى كەلٸسٸمنٸڭ جوباسىن كەلٸسۋگە الدى.
بۇدان بۇرىن حابارلانعانداي, بيىل ناۋرىز ايىندا قر باس سانيتار دەرٸگەرٸنٸڭ جاڭا قاۋلىسى بويىنشا قازاقستان رەسپۋبليكاسىندا كوروناۆيرۋس ينفەكتسيياسىنا قارسى ۆاكتسيناتسييا قۇجاتتارى جارامدى ەلدەردٸڭ تٸزٸمٸ جاڭاردى.
جاڭارتىلعان تٸزٸمدە اڭارتىلعان تٸزٸمگە 30-دان استام مەملەكەت كٸرٸپ وتىر.
