قازاقستان پرەزيدەنتٸ ەلشٸلەردەن سەنٸم گراموتالارىن قابىلدادى, دەپ حابارلايدى "ۇلت اقپارات" اقورداعا سٸلتەمە جاساپ.
رەسٸم بارىسىندا مەملەكەت باسشىسى نۇرسۇلتان نازارباەۆقا شۆەتسييا كورولدٸگٸنٸڭ تٶتەنشە جەنە ٶكٸلەتتٸ ەلشٸسٸ ماتس فويەر, كۋبا رەسپۋبليكاسىنىڭ تٶتەنشە جەنە ٶكٸلەتتٸ ەلشٸسٸ ەميليو پەۆيدا پۋپو, ٷندٸستان رەسپۋبليكاسىنىڭ تٶتەنشە جەنە ٶكٸلەتتٸ ەلشٸسٸ پرابحات كۋمار, ۇلىبريتانييا جەنە سولتٷستٸك يرلاندييا قۇراما كورولدٸگٸنٸڭ تٶتەنشە جەنە ٶكٸلەتتٸ ەلشٸسٸ مايكل دجون گيففورد سەنٸم گراموتاسىن تاپسىردى.
مەملەكەت باسشىسى رەسٸمگە قاتىسۋشىلاردى قازاقستانداعى ديپلوماتييالىق ميسسييالارىنىڭ رەسمي تٷردە باستالۋمەن قۇتتىقتاپ, ولاردىڭ جاۋاپتى ەرٸ مەرتەبەلٸ ميسسييالارى ەلدەرٸمٸز اراسىنداعى ىنتىماقتاستىقتى جان-جاقتى دامىتۋعا سەپتٸگٸن تيگٸزەتٸنٸنە سەنٸم بٸلدٸردٸ.
– سٸزدەردٸڭ جۇمىستارىڭىز قىزىقتى جەنە جاۋاپتى كەزەڭگە تۇسپا-تۇس كەلٸپ وتىر. تەحنولوگييالىق رەۆوليۋتسييا جاڭا سىن-قاتەر ەكەلۋمەن قاتار, كەز-كەلگەن ەلدٸڭ دامۋىندا سەرپٸلٸس جاساۋعا مٷمكٸندٸك بەرەدٸ. سوندىقتان قازاقستان حالقىنا «تٶرتٸنشٸ ٶنەركەسٸپتٸك رەۆوليۋتسييا جاعدايىنداعى دامۋدىڭ جاڭا مٷمكٸندٸكتەرٸ» اتتى جولداۋىمدى جارييالادىم, – دەدٸ نۇرسۇلتان نازارباەۆ.
قازاقستان پرەزيدەنتٸ ەلەمنٸڭ وزىق دامىعان 30 ەلٸنٸڭ قاتارىنا قوسىلۋدى جەدەلدەتۋ ٷشٸن قاجەتتٸ زاماناۋي تەحنولوگييالاردى پايدالانۋدىڭ ماڭىزدىلىعىن اتاپ ٶتتٸ.
– مەن جولداۋدا ەكونوميكانى, ەلەۋمەتتٸك سالانى, سونداي-اق مەملەكەتتٸك باسقارۋ ٸسٸن دامىتۋدىڭ نەگٸزگٸ باعىتتارى بويىنشا ناقتى ون مٸندەت قويدىم, – دەدٸ مەملەكەت باسشىسى.
نۇرسۇلتان نازارباەۆ قازاقستاننىڭ حالىقارالىق ارەنادا بەلسەندٸ پوزيتسييا ۇستانىپ كەلە جاتقانىن ايتىپ, 2017 جىلى استانادا ٶتكەن بٸرقاتار ٸس-شارانىڭ نەتيجەلەرٸنە نازار اۋداردى. ولاردىڭ قاتارىندا يميدجدٸك تۇرعىدان عانا ەمەس, سونداي-اق ەكونوميكالىق تۇرعىدان وڭ ەسەرٸ بولعان حالىقارالىق «ەكسپو-2017» مامانداندىرىلعان كٶرمەسٸن, شانحاي ىنتىماقتاستىق ۇيىمىنىڭ سامميتٸ مەن يسلام ىنتىماقتاستىعى ۇيىمىنىڭ عىلىم جەنە تەحنولوگييالار جٶنٸندەگٸ سامميتٸن اتاعان جٶن.
– سيريياارالىق قاقتىعىستاردى رەتتەۋدٸڭ جاڭا تەتٸگٸ رەتٸندەگٸ استانا پروتسەسٸ اياسىنداعى وڭ نەتيجەلەر بٸزدٸڭ ەلدٸڭ دەربەس جەنە بەيتاراپ الاڭ رەتٸندە تاڭدالۋىنىڭ دۇرىستىعىن كٶرسەتتٸ جەنە ونى ەلەمدٸك قوعامداستىق مويىندادى, – دەدٸ قازاقستان پرەزيدەنتٸ.
مەملەكەت باسشىسى قازاقستاننىڭ بۇۇ قاۋٸپسٸزدٸك كەڭەسٸنٸڭ تٶراعاسى رەتٸندە قاراستىراتىن مەسەلەلەرٸنە جان-جاقتى توقتالىپ, جاھاندىق ورگاننىڭ بارلىق مٷشەلەرٸنٸڭ ٶزارا ىمىرا مەن كونسەنسۋسكە كەلۋٸ ٷشٸن بەلسەندٸ تٷردە كٷش جۇمىلدىرۋدىڭ ماڭىزدى ەكەنٸن ايتتى.
– بٸز تاراتپاۋ رەجٸمٸن دەيەكتٸ تٷردە نىعايتۋ مەن كەڭەيتۋ ارقىلى عالامدى يادرولىق قارۋدان ازات ەتۋ, سونداي-اق جاھاندىق سوعىس قاۋپٸنٸڭ الدىن الىپ, ونى تولىق جويۋ ٷشٸن ەلەمدٸك قوعامداستىقتىڭ كٷش-جٸگەرٸن جۇمىلدىرا بەرۋگە نيەتتٸمٸز, – دەدٸ نۇرسۇلتان نازارباەۆ.
قازاقستان پرەزيدەنتٸ ۇلىبريتانييا جەنە سولتٷستٸك يرلاندييا قۇراما كورولدٸگٸنٸڭ تٶتەنشە جەنە ٶكٸلەتتٸ ەلشٸسٸنە ارناعان سٶزٸندە ەكونوميكالىق باعىت ەلٸمٸزدٸڭ شەتەلدٸك ەرٸپتەستەرمەن ىنتىماقتاستىعىنىڭ باستى ٶزەگٸ بولىپ سانالاتىنىن اتاپ ٶتتٸ.
– ەلدەرٸمٸزدٸڭ ىنتىماقتاستىعى ٶزارا قۇرمەت پەن سەنٸمگە بەرٸك نەگٸزدەلگەن. بٷگٸندە ۇلىبريتانييا قازاقستاننىڭ ٸرٸ ينۆەستورلارىنىڭ جەنە ساۋدا ەرٸپتەستەرٸنٸڭ بٸرٸ بولىپ سانالادى, – دەدٸ مەملەكەت باسشىسى.
نۇرسۇلتان نازارباەۆ شۆەتسييامەن ىنتىماقتاستىقتى دامىتۋعا ايرىقشا مەن بەرەتٸنٸن اتاپ ٶتٸپ, شۆەتسييا ريكسداگىنىڭ سپيكەرٸ ۋربان اليننٸڭ ەلٸمٸزگە ساپارى ٶتكەن جىلدىڭ باستى وقيعاسىنا اينالعانىن ايتتى.
قازاقستان پرەزيدەنتٸ نۇرسۇلتان نازارباەۆ پرابحات كۋماردى ٷندٸستاننىڭ شانحاي ىنتىماقتاستىق ۇيىمىنىڭ تولىق مٷشەسٸ بولۋىمەن قۇتتىقتاپ, قازاقستان ٷندٸستان رەسپۋبليكاسىن ماڭىزدى سىرتقى ساياسي جەنە ساۋدا سەرٸكتەسٸ رەتٸندە قاراستىراتىنىن اتاپ ٶتتٸ.
– ەلدەرٸڭٸز شانحاي ىنتىماقتاستىق ۇيىمىنىڭ جۇمىسىنا تىڭ سەرپٸن بەرٸپ, مەرتەبەسٸن ارتتىرادى دەپ سەنەمٸن, – دەدٸ مەملەكەت باسشىسى.
سونىمەن قاتار, نۇرسۇلتان نازارباەۆ سوڭعى جىلدارى قازاقستان-كۋبا قارىم-قاتىناستارى ايتارلىقتاي جاندانعانىن اتاپ ٶتٸپ, ەلدەرٸمٸزدٸڭ ساۋدا-ەكونوميكالىق جەنە ساياسي ىنتىماقتاستىعىن نىعايتۋ ٷشٸن ناقتى جۇمىستاردى جالعاستىرۋ قاجەت ەكەنٸن ايتتى.
سوڭىندا قازاقستان پرەزيدەنتٸ ديپلوماتتاردى تاعى دا قۇتتىقتاپ, الداعى جۇمىستارىنا تابىس تٸلەدٸ.
.jpeg)