الماتىدا سۋرەتشٸ ەسەل سابىرجانقىزى قازاقستان پرەزيدەنتٸ قاسىم-جومارت توقاەۆتىڭ پورترەتٸن ەرەكشە تەسٸلمەن – سٶزدەر جازۋ ارقىلى سالدى. وسىدان كەيٸن مەملەكەت باسشىسى وعان العىس حات جولداپ, دەنساۋلىق پەن جەتٸستٸك تٸلەگەن, دەپ حابارلايدى قازاقپارات اگەنتتٸگٸ.
سۋرەتشٸ پورترەتتٸ قر پرەزيدەنتٸنٸڭ اتى-جٶنٸن قايتالاپ جازۋ ارقىلى سالعان.
«مۇنداي تەحنيكا سۋرەتشٸلەر اراسىندا ٶتە تانىمال, سيمۆول گرافيكاسى دەپ اتالادى. ياعني ەلدەبٸر زاتتاردان نە ەلەمەنتتەردەن پورترەت سالۋ. وسىعان ۇقساس جۇمىستارىم بار: دٸنمۇحامەد قوناەۆ, كەرەي مەن جەنٸبەك حاندار, كەنەسارى حان پورترەتتەرٸ. بٸراق ولاردى «كٸشكەنتاي ادامداردان» سالدىم. ال مۇندا باسقاشا تەسٸل قولدانۋدى جٶن كٶردٸم – پرەزيدەنتتٸ سٶزدەردەن سالدىم. وسىلايشا, قاسىم-جومارت كەمەلۇلىنا قولداۋ بٸلدٸرگٸم كەلدٸ. سٶزدەردەن سۋرەت سالۋ – العاشقى تەجٸريبەم», - دەيدٸ ەسەل.
ول ٶز جۇمىسىن Instagram-عا سالعان. ۆيدەو بٷگٸنگٸ كٷنٸ 3 ميلليوننان استام قارالىم جينادى. بۇل سۋرەتشٸ ٷشٸن – جاڭا رەكورد.
«بٸرەر كٷن بۇرىن پرەزيدەنت ەكٸمشٸلٸگٸنەن حابارلاستى, ماعان ەلدەبٸر نەرسە بەرگٸسٸ كەلەتٸندەرٸن ايتتى. كەيٸن ماعان مەملەكەت باسشىسىنان كونۆەرت الىپ كەلدٸ. پرەزيدەنت مەنٸڭ جۇمىسىمدى كٶرگەن ەكەن, وعان بەرٸ ۇناعان. حاتتا: «سەن سيياقتى تالانتتى جاستار كٶپ بولسا, ەلٸمٸزدٸڭ كەلەشەگٸ جارقىن بولادى», - دەپ جازىلعان. سونداي-اق زور دەنساۋلىق پەن جەمٸس تٸلەگەن. شىنىمدى ايتسام, پرەزيدەنتتٸڭ ٶزٸنەن مۇنداي رەاكتسييا بولادى دەپ كٷتپەگەن ەدٸم. شەكسٸز قۋانىشتىمىن», - دەيدٸ سۋرەتشٸ.
ونىڭ ايتۋىنشا, پرەزيدەنتتٸڭ پورترەتٸ ساتىلىپ كەتكەن. قازٸر كارتينانىڭ كوپيياسىن جاساپ جاتىر.
ەسەلدٸڭ سٶزٸنشە, ول جۇمىس بارىسىن كامەراعا جيٸ تٷسٸرەدٸ. سەبەبٸ ادامدار سونداي ۆيدەولاردى قاراعاندى ۇناتادى. سونداي-اق ول قاندايدا بٸر تۇلعانى, تانىمال ادامدى سالۋ يدەياسى اياق استى كەلەتٸنٸن اتاپ ٶتتٸ. «مىسالعا, باتىرحان شٷكەنوۆتٸڭ پورترەتٸ بار. ونى باتىردىڭ تۋعان كٷنٸ قۇرمەتٸنە سالدىم. گەنناديي گولوۆكيننٸڭ پورترەتٸن ونىڭ جەكپە-جەگٸ الدىندا سالدىم. ديماش قۇدايبەرگەندٸ – ونىڭ «سامالتاۋ» ەنٸن ەستٸگەننەن كەيٸن. سونداي-اق باۋىرجان مومىشۇلىنىڭ جەنە ٶزگە تانىمال تۇلعالاردىڭ بەينەلەرٸ سالىنعان كارتينالارىم بار», - دەدٸ ول.
