مەملەكەت باسشىسىنىڭ نيۋ-يورككە جاساعان ساپارىنىڭ العاشقى كٷنٸنە قۇرىلعان رەسمي باعدارلاماسى امەريكالىق ٸرٸ كومپانييالاردىڭ باسشىلارى قاتىسقان جيىن ٶتكٸزۋٸمەن تٷيٸندەلدٸ, دەپ حابارلايدى "ۇلت اقپارات" اقورداعا سٸلتەمە جاساپ.
قاسىم-جومارت توقاەۆ ٶز سٶزٸندە قازاقستان-امەريكا بيزنەس-قاۋىمداستىعىنىڭ ٶكٸلدەرٸن قاۋىمداستىقتىڭ قۇرىلعانىنا 20 جىل تولۋىمەن قۇتتىقتاپ, وسى ٸس-شارانى ۇيىمداستىرعانى ٷشٸن ريزاشىلىعىن بٸلدٸردٸ.
پرەزيدەنت سٶز باسىندا ەلباسى نۇرسۇلتان نازارباەۆتىڭ 2018 جىلدىڭ قاڭتار ايىنداعى اقش-قا ساپارى اياسىندا جاسالعان قازاقستاندىق-امەريكالىق كەڭەيتٸلگەن ستراتەگييالىق ەرٸپتەستٸك تۋرالى بٸرلەسكەن مەلٸمدەمەگە قول قويىلعانىنا توقتالىپ, سول كەزدەن باستاپ ەكٸ ەل اراسىنداعى ساۋدا-ەكونوميكالىق جەنە ينۆەستيتسييالىق ىنتىماقتاستىقتىڭ ايتارلىقتاي نىعايا تٷسكەنٸن اتاپ ٶتتٸ.
مەملەكەت باسشىسى اقش قازاقستان ەكونوميكاسىنىڭ ٸرٸ ينۆەستورلارىنىڭ بٸرٸ ەكەنٸن دە ايتتى. بٷگٸندە بٸزدٸڭ ەلٸمٸزگە امەريكالىق ينۆەستورلار جالپى كٶلەمٸ 45 ميلليارد دوللاردان استام قارجى سالعان. قازاقستاندا 500-دەن اسا امەريكالىق كومپانييا جۇمىس ٸستەيدٸ.
– 2018 جىلى قازاقستانعا تٸكەلەي تارتىلعان امەريكالىق ينۆەستيتسييالار كٶلەمٸ 5,3 ميلليارد دوللارعا جەتٸپ, جاڭا رەكورد ورناتتى. ال ٶزارا ساۋدا كٶلەمٸ ەكٸ ەسەگە ارتىپ, 2018 جىلى 2,8 ميلليارد دوللاردى قۇرادى, – دەدٸ قاسىم-جومارت توقاەۆ.
قازاقستاننىڭ ەكونوميكالىق مٷمكٸندٸكتەرٸ تۋرالى ايتقان پرەزيدەنت امەريكالىق بيزنەسمەندەردٸڭ نازارىن ەل دامۋىنداعى ٷش ماڭىزدى مەسەلەگە اۋداردى. ولار: قولايلى ينۆەستيتسييالىق احۋال, نارىق پەن كوممۋنيكاتسييانى دامىتۋ جەنە ادامي كاپيتالدى نىعايتۋ.
مەملەكەت باسشىسى امەريكالىق سەرٸكتەستەرگە قازاقستان ٷكٸمەتٸنٸڭ ينۆەستيتسييالىق احۋالدى جاقسارتۋ ماقساتىندا زاڭ ٷستەمدٸگٸن, كەلٸسٸم-شارتتارعا قول سۇعىلماۋىن جەنە زيياتكەرلٸك مەنشٸك قۇقىعىن قورعاۋدى قامتاماسىز ەتۋ باعىتىنداعى جۇمىستاردى جالعاستىرا بەرەتٸنٸن جەتكٸزدٸ. ونىڭ ايتۋىنشا, ينۆەستورلارمەن جۇمىس ٸستەۋدەگٸ باستى مەسەلە تۇراقتىلىق پەن اشىقتىقتى ساقتاۋ بولىپ تابىلادى.
ەڭگٸمە بارىسىندا قازاقستاننىڭ ەنەرگەتيكا, اۋىل شارۋاشىلىعى, قارجى جەنە ادامي كاپيتال سالالارىنداعى ەلەۋەتٸ تۋرالى دا ايتىلدى. سونىمەن قاتار, قاسىم-جومارت توقاەۆ ەلٸمٸزدٸڭ كٶلٸك-لوگيستيكالىق مٷمكٸندٸكتەرٸنە دە جەكە توقتالدى.
– قازاقستان شىعىس پەن باتىستى جالعايتىن ماڭىزدى كٶلٸك حابى بولىپ ەسەپتەلەدٸ. ترانسكونتينەنتالدىق باعىتتاردىڭ 70 پايىزدان استامى قازاقستان اۋماعى ارقىلى ٶتەدٸ, – دەپ اتاپ ٶتتٸ قازاقستان پرەزيدەنتٸ.
سٶز سوڭىندا قاسىم-جومارت توقاەۆ امەريكانىڭ ٸسكەر توپ ٶكٸلدەرٸنە ەل پرەزيدەنتٸ رەتٸندە قازاقستان مەن اقش اراسىنداعى ەكونوميكالىق ەرٸپتەستٸكتٸڭ ارتۋىنا كٷش-جٸگەرٸن جۇمسايتىنىن ايتتى.
وسى كٷنٸ مەملەكەت باسشىسى تاعى دا بٸرقاتار ٸرٸ حالىقارالىق كومپانييالاردىڭ باسشىلارىمەن كەزدەسۋ ٶتكٸزدٸ.
پرەزيدەنت «Royal Dutch Shell» كومپانيياسىنىڭ باس اتقارۋشى ديرەكتورى بەن ۆان باردەنمەن مۇناي-گاز جوبالارىن جٷزەگە اسىرۋ جٶنٸندەگٸ ىنتىماقتاستىق جايىن تالقىلادى.
مەملەكەت باسشىسى «JPMorgan Chase & Co.» ترانسۇلتتىق كومپانيياسى ديرەكتورلار كەڭەسٸنٸڭ تٶراعاسى جەنە باس اتقارۋشى ديرەكتورى دجەيمي دايمونمەن قارجى ينستيتۋتتارى ارقىلى ٶزارا ٸس-قيمىل مەسەلەسٸن قارادى.
«Tyson Fresh Meats» كومپانيياسىنىڭ پرەزيدەنتٸ ستيۆ ستاۋففەرمەن جەنە «Valmont Industries» كومپانيياسىنىڭ باس اتقارۋشى ديرەكتورى ستيۆ كانەۆسكيمەن كەزدەسۋٸندە اۋىل شارۋاشىلىعى سالاسىنداعى ينۆەستيتسييالىق جوبالاردى ٸسكە اسىرۋ مەسەلەلەرٸ قوزعالدى.
«Plug' n Play» كومپانيياسىنىڭ باس اتقارۋشى ديرەكتورى سايد اميديمەن, «500 Startups» ستارتاپ-اكسەلەراتورىنىڭ جەنە ۆەنچۋرلٸك قورىنىڭ ۆيتسە-پرەزيدەنتٸ, باسقارۋشى سەرٸكتەسٸ بەدي يانگپەن كەزدەسۋ كەزٸندە ستارتاپ-جوبالار سالاسىنداعى ىنتىماقتاستىق پەرسپەكتيۆالارى سٶز بولدى.
سونداي-اق, قازاقستان پرەزيدەنتٸ «Amazon Web Services» كومپانيياسىنىڭ جاھاندىق مەملەكەتتٸك ساياسات جٶنٸندەگٸ ۆيتسە-پرەزيدەنتٸ مايكل پۋنكپەن ەلەكتروندى ساۋدا سالاسىنداعى ٶزارا ٸس-قيمىل جاعدايىن تالقىلادى.
