قازاقستان پرەزيدەنتٸ «سامۇرىق-قازىنا» ۇەق» اق باسقارما تٶراعاسى احمەتجان ەسٸموۆتٸ قابىلدادى, – دەپ حابارلايدى اقوردا.
مەملەكەت باسشىسىنا كومپانييالار توبىنداعى قازٸرگٸ احۋال تۋرالى باياندالدى. احمەتجان ەسٸموۆتٸڭ ايتۋىنشا, داعدارىس پەن كارانتين كەزەڭٸ باستالعالى بەرٸ «سامۇرىق-قازىنا» كومپانييالار توبىنا قاراستى ٶندٸرۋشٸ كەسٸپورىنداردا جۇمىس ورىندارىن قىسقارتۋعا, ەڭبەكاقىنى كەشٸكتٸرۋگە جول بەرٸلمەگەن.
قور مەن كومپانييالار توبىنىڭ قارجىلىق ورنىقتىلىعىن كٷشەيتۋ جٶنٸندەگٸ بۇعان دەيٸن جٷرگٸزٸلگەن شارالار ٶتكەن جىلداردا جينالعان سىرتقى قارىزدى 8 ميلليارد دوللارىنا ازايتۋعا مٷمكٸندٸك بەردٸ. بۇل 1 تريلليون تەڭگە كٶلەمٸندە قارجى شىعىنىنىڭ الدىن الۋعا مٷمكٸندٸك بەردٸ. سونىمەن قاتار كٶلەمٸ 1 ميلليارد دوللارى بولاتىن كٷردەلٸ ەرٸ وپەراتسييالىق شىعىندار وڭتايلاندىرىلدى.
قور قاسىم-جومارت توقاەۆتىڭ ساتىپ الۋ جٷيەلەرٸ ارقىلى ەل ەكونوميكاسىنا قولداۋ كٶرسەتۋ جٶنٸندەگٸ تاپسىرمالارىن ورىندايدى. بيىل جىل باسىنان بەرٸ «سامۇرىق-قازىنا» كومپانييالار توبى 250 مىڭعا جۋىق ادام جۇمىس ٸستەيتٸن وتاندىق كەسٸپورىندارعا 9 مىڭ تاپسىرىس بەرگەن. بۇدان بٶلەك قازاقستاندىق كەسٸپورىنداردى قولداۋ جەنە جاڭا ٶندٸرٸس ورىندارىن اشۋ باعدارلاماسى جٷزەگە اسىرىلىپ جاتىر.
كەزدەسۋدە احمەتجان ەسٸموۆ قاسىم-جومارت توقاەۆقا جەكەشەلەندٸرۋ باعدارلاماسىنىڭ جٷزەگە اسىرىلۋ بارىسى تۋرالى ەسەپ بەردٸ.
