قر پارلامەنتٸ مەجٸلٸسٸنٸڭ جالپى وتىرىسىندا «قازاقستان مەن ۋكراينا اراسىنداعى قىلمىستىق ٸستەر بويىنشا قۇقىقتىق كٶمەك تۋرالى شارتتى راتيفيكاتسييالاۋ تۋرالى» زاڭ جوباسى ماقۇلداندى, دەپ حابارلايدى قازاقپارات.
«قازاقستان مەن ۋكراينا اراسىنداعى قىلمىستىق ٸستەر بويىنشا قۇقىقتىق كٶمەك تۋرالى شارتتى راتيفيكاتسييالاۋدى ۇسىنىپ وتىرمىز. شارتقا 2018 جىلدىڭ 29 قازانىندا قول قويىلعان. جالپى, قازٸر ەكٸ ەل اراسىنداعى قىلمىستىق ٸستەر بويىنشا قۇقىقتىق كٶمەك 1993 جىلعى مينسك كونۆەنتسيياسى بويىنشا جٷزەگە اسىرىلۋدا. سودان بەرٸ شيرەك عاسىر ٶتتٸ. كٶپ نەرسە ٶزگەردٸ. ەسٸرەسە زاڭناماعا ەلەۋلٸ ٶزگەرٸستەر جاسالدى. جاڭا تەرگەۋ امالدارى پايدا بولدى. مۇنداي پروتسەسس ۋكراينادا دا بار. ەسكەرتە كەتەرلٸگٸ, كونۆەنتسييا مەن ۇسىنىلىپ وتىرعان شارت اراسىندا ەشقانداي قايشىلىق جوق. كەرٸسٸنشە ولار بٸر-بٸرٸن تولىقتىرادى, بٸراز نورمانى ناقتىلايدى», - دەدٸ اتالعان قۇجات تۋرالى بايانداما جاساعان قر باس پروكۋروردىڭ ورىنباسارى مارات احمەتجانوۆ.
وسى رەتتە ول ۇسىنىلىپ وتىرعان شارتقا توقتالدى.
«بۇل شارت قىلمىستىق ٸستەر بويىنشا قۇقىقتىق كٶمەك بەرۋ مەسەلەسٸن رەتتەيدٸ. ەكٸ ەلدٸڭ قۇزىرلى ورگاندارىنا كٷدٸكتٸ مەن ايىپتالۋشىنىڭ كٸنەسٸن دەلەلدەۋ بويىنشا كەشەندٸ تەرگەۋ امالدارىن قامتيدى. ەرينە, شارت ٷلگٸلٸك نەگٸزدە جاسالعان. مۇنداي ەكٸجاقتى شارت 27 ەلمەن بار. دەگەنمەن, بۇل كەلٸسٸمنٸڭ بٸرقاتار ەرەكشەلٸگٸن ايتار بولساق, الدىمەن قۇجات قۇقىق قورعاۋ ورگاندارىنىڭ ۋكراينالىق ەرٸپتەستەرمەن تٸكەلەي بايلانىس جاساۋعا مٷمكٸندٸك بەرەدٸ. بۇل ەكٸ جاق ٷشٸن دە ماڭىزدى نورما جەنە قىلمىسپەن كٷرەس باعىتىندا ٶزارا سەنٸمدٸ بٸلدٸرەدٸ. ودان باسقا تەرگەۋ جۇمىسىنىڭ جەدەلدٸگٸن ارتتىرادى. بٸرقاتار قۇزىرلى ورگان اراسىندا مۇنداي تٸكەلەي بايلانىس ادام قۇقىقتارىنا قاتىستى بولماۋى تيٸس. سەبەبٸ بۇل مەسەلە پروكۋراتۋرا ورگاندارىنىڭ قۇزٸرەتٸنە جاتادى», - دەدٸ ول.
ونىڭ اتاپ ٶتۋٸنشە, تاعى بٸر ەرەكشەلٸك شارت بويىنشا قاجەت جاعدايدا بٸرلەسكەن تەرگەۋ توپتارىن قۇرۋعا بولادى.
«شارتتى راتيفيكاتسييالاۋ ەكونوميكالىق-ەلەۋمەتتٸك جەنە ساياسي كەرٸ ەسەر ەتپەيدٸ. ونى ٸسكە اسىرۋ بيۋدجەتتەن قوسىمشا قارجى تالاپ ەتپەيدٸ»», - دەدٸ مارات احمەتجانوۆ.
مەجٸلٸس دەپۋتاتتارى اتالعان قۇجاتتى تالقىلاۋدان كەيٸن ماقۇلداپ, سەنات قاراۋىنا جٸبەرۋ تۋرالى شەشٸم قابىلدادى.
