QR Parlamenti Májilisiniń jalpy otyrysynda «Qazaqstan men Ýkraina arasyndaǵy qylmystyq ister boiynsha quqyqtyq kómek týraly shartty ratifikatsiialaý týraly» zań jobasy maquldandy, dep habarlaidy QazAqparat.
«Qazaqstan men Ýkraina arasyndaǵy qylmystyq ister boiynsha quqyqtyq kómek týraly shartty ratifikatsiialaýdy usynyp otyrmyz. Shartqa 2018 jyldyń 29 qazanynda qol qoiylǵan. Jalpy, qazir eki el arasyndaǵy qylmystyq ister boiynsha quqyqtyq kómek 1993 jylǵy Minsk konventsiiasy boiynsha júzege asyrylýda. Sodan beri shirek ǵasyr ótti. Kóp nárse ózgerdi. Ásirese zańnamaǵa eleýli ózgerister jasaldy. Jańa tergeý amaldary paida boldy. Mundai protsess Ýkrainada da bar. Eskerte keterligi, konventsiia men usynylyp otyrǵan shart arasynda eshqandai qaishylyq joq. Kerisinshe olar bir-birin tolyqtyrady, biraz normany naqtylaidy», - dedi atalǵan qujat týraly baiandama jasaǵan QR Bas prokýrordyń orynbasary Marat Ahmetjanov.
Osy rette ol usynylyp otyrǵan shartqa toqtaldy.
«Bul shart qylmystyq ister boiynsha quqyqtyq kómek berý máselesin retteidi. Eki eldiń quzyrly organdaryna kúdikti men aiyptalýshynyń kinásin dáleldeý boiynsha keshendi tergeý amaldaryn qamtidy. Árine, shart úlgilik negizde jasalǵan. Mundai ekijaqty shart 27 elmen bar. Degenmen, bul kelisimniń birqatar ereksheligin aitar bolsaq, aldymen qujat quqyq qorǵaý organdarynyń ýkrainalyq áriptestermen tikelei bailanys jasaýǵa múmkindik beredi. Bul eki jaq úshin de mańyzdy norma jáne qylmyspen kúres baǵytynda ózara senimdi bildiredi. Odan basqa tergeý jumysynyń jedeldigin arttyrady. Birqatar quzyrly organ arasynda mundai tikelei bailanys adam quqyqtaryna qatysty bolmaýy tiis. Sebebi bul másele prokýratýra organdarynyń quziretine jatady», - dedi ol.
Onyń atap ótýinshe, taǵy bir erekshelik shart boiynsha qajet jaǵdaida birlesken tergeý toptaryn qurýǵa bolady.
«Shartty ratifikatsiialaý ekonomikalyq-áleýmettik jáne saiasi keri áser etpeidi. Ony iske asyrý biýdjetten qosymsha qarjy talap etpeidi»», - dedi Marat Ahmetjanov.
Májilis depýtattary atalǵan qujatty talqylaýdan keiin maquldap, Senat qaraýyna jiberý týraly sheshim qabyldady.
