قازاقستان پاندەمييا كەزٸندە قاۋٸپسٸز سايلاۋ ٶتكٸزۋدٸڭ ٷلگٸسٸن كٶرسەتتٸ. بۇل تۋرالى گەرمانييانىڭ بۋندەستاگ دەپۋتاتى م. حەلدانىڭ سىرتقى ساياسي مەسەلەلەر جٶنٸندەگٸ كەڭەسشٸسٸ, گەرمانييانىڭ سىرتقى ساۋدا جەنە فەدەرالدى اسسوتسياتسيياسىنىڭ ەكونوميكالىق دامۋ كەڭەسشٸسٸ ۋرس ۋنكاۋف مەلٸم ەتتٸ, دەپ حابارلايدى قازاقپارات.
«نۇر-سۇلتان قالاسىنداعى بٸرنەشە سايلاۋ ۋچاسكەسٸندە بايقاۋشى بولدىم. باقىلاۋ بارىسىندا بايقاعانىم قازاقستانداعى سايلاۋ ۇلتتىق زاڭناماعا جەنە حالىقارالىق ستاندارتقا ساي ٶتٸپ جاتىر. بارلىق داۋىس بەرۋشٸگە تەڭ قۇقىق بەرٸلگەن. ادامدار بٸر ورىندا كٶپ شوعىرلانباۋى ٷشٸن بارلىق شارا قاراستىرىلىپتى. بۇل قۋانتارلىق جاعداي. جالپى قازاقستاننان بٶلەك, بۇعان دەيٸن دە شەتەلدە ٶتكەن سايلاۋلاردا بايقاۋشى بولدىم. ونىڭ قاتارىندا ەزەربايجان ەلٸندە ٶتكەن سايلاۋدا تەۋەلسٸز بايقاۋشى بولسام, وڭتٷستٸك افريكا, ماداگاسكار, كونگو دەموكراتييالىق رەسپۋبليكاسىندا ٶتكەن سايلاۋلاردا حالىقارالىق ساراپشى رەتٸندە قاتىستىم. ول كەزدە ەلەمدە كوروناۆيرۋس ٸندەتٸ جوق ەدٸ. سوندىقتان اراقاشىقتىقتى ساقتاۋ, ماسكا تاعۋ مٸندەتتەلمەدٸ. بٷگٸن قازاقستان پاندەمييا كەزٸندە قاۋٸپسٸز سايلاۋ ٶتكٸزۋدٸڭ ٷلگٸسٸن بٷكٸل ەلەمگە كٶرسەتتٸ. مەن بارعان ەربٸر سايلاۋ ۋچاسكەسٸندە سانيتارلىق تالاپتار قاتاڭ ساقتالعان», - دەدٸ ۋرس ۋنكاۋف ەلوردادا تەۋەلسٸز حالىقارالىق بايقاۋشىلاردىڭ قاتىسۋىمەن ٶتكەن باسپاسٶز مەسليحاتىندا.
سونداي-اق, گەرمانييا ٶكٸلٸ قازاقستانعا سايلاۋ بايقاۋشىسى رەتٸندە وسىمەن التىنشى رەت تابان تٸرەگەنٸن تٸلگە تيەك ەتتٸ.
