قر پرەمەر-مينيسترٸ اسقار ماميننٸڭ تٶراعالىعىمەن ٶتكەن ٷكٸمەتتٸڭ سەلەكتورلىق وتىرىسىندا 2020 جىلعى ەگٸن جيناۋ جۇمىستارىنىڭ بارىسى قارالدى.
ەگٸن جيناۋ ناۋقانىنىڭ باستالۋى تۋرالى اۋىل شارۋاشىلىعى مينيسترٸ س. وماروۆ, جانار-جاعارماي ماتەريالدارىمەن قامتاماسىز ەتۋ تۋرالى ەنەرگەتيكا مينيسترٸ ن. نوعاەۆ, ٶڭٸرلەردەگٸ احۋال تۋرالى اقمولا وبلىسىنىڭ ەكٸمٸ ە. مارجىقپاەۆ, قوستاناي وبلىسىنىڭ ەكٸمٸ ا. مۇحامبەتوۆ, سولتٷستٸك قازاقستان وبلىسىنىڭ ەكٸمٸ ق. اقساقالوۆ, قاراعاندى وبلىسىنىڭ ەكٸمٸ ج. قاسىمبەك باياندادى, دەپ حابارلايدى "ۇلت اقپارات" primeminister.kz پورتالىنا سٸلتەمە جاساپ.
قازٸرگٸ ۋاقىتتا بارلىق ٶڭٸرلەر جاپپاي ەگٸن جيناۋعا كٸرٸستٸ.
بيىل 22,7 ملن گا جەرگە ەگٸن ەگٸلدٸ, بۇل 2019 جىلعى دەڭگەيدەن 439 مىڭ گا جەرگە ارتىق. دەندٸ داقىلدار 15,9 ملن گا (ونىڭ ٸشٸندە بيداي – 12,1 ملن گا), مايلى داقىلدار 2,9 ملن گا, ماقتا 125,8 مىڭ گا, قانت قىزىلشاسى 20,9 مىڭ گا, كٶكٶنٸس-باقشا ٶنٸمدەرٸ جەنە كارتوپ 457,4 مىڭ گا, جەمشٶپ داقىلدارى 3,3 ملن گا القاپقا ەگٸلدٸ.
ەگٸن جيناۋ جۇمىستارىن جٷرگٸزۋ ٷشٸن ارزانداتىلعان ديزەل وتىنىنىڭ قاجەتتٸ كٶلەمٸ — 395 مىڭ توننا (اۋىل شارۋاشىلىعى تاۋارىن ٶندٸرۋشٸلەر ٷشٸن ورتاشا باعا — شامامەن 147 تەڭگە/ليتر) انىقتالدى. رەسپۋبليكادا 145 مىڭ تراكتور, 75 مىڭ تراكتور تٸركەمەسٸ, 38 مىڭ استىق جيناۋ كومباينى, 15 مىڭ دەستەلەگٸش, 39 مىڭ جٷك اۆتوموبيلٸ بار.
اگروٶنەركەسٸپتٸك كەشەن سۋبەكتٸلەرٸن قولداۋ ٷشٸن «اگرارلىق نەسيە كورپوراتسيياسى» اق رەسپۋبليكالىق بيۋدجەتتەن 70 ملرد تەڭگە كٶلەمٸندە بيۋدجەتتٸك نەسيە بٶلدٸ, ولار 3,4 ملن گا ەگٸس القاپتارىن قامتي وتىرىپ, تولىعىمەن اٶك-تٸڭ 2400 سۋبەكتٸسٸنە بەرٸلدٸ. مەملەكەت باسشىسىنىڭ تاپسىرماسى بويىنشا «قاراپايىم زاتتار ەكونوميكاسى» باعدارلاماسى اياسىندا 100 ملرد تەڭگە بٶلٸندٸ, سونداي-اق ازىق-تٷلٸك كەلٸسٸمشارت كورپوراتسيياسى اۋىل شارۋاشىلىعى ٶنٸمدەرٸن فورۆاردتىق تٷردە ساتىپ الدى.
«ٷكٸمەت تاراپىنان ەگٸن جيناۋ جۇمىستارىن قارجىلاي جەنە ماتەريالدىق-تەحنيكالىق قامتاماسىز ەتۋ ٷشٸن بارلىق قاجەتتٸ شەشٸمدەر قابىلداندى. جالپى العاندا, قابىلدانعان شارالاردىڭ ەسەبٸنەن وسى جىلى استىقتىڭ بولجامدى جالپى جينالىمى 18 ملن توننا دەڭگەيٸندە (2019 جىلعا قاراعاندا 3,4% ٶسٸم) جوسپارلانىپ وتىر. قازاقستان ٶزٸن استىقپەن تولىق قامتاماسىز ەتەدٸ. ەكسپورت ەلەۋەتٸ دە جاقسى بولادى», — دەدٸ ا. مامين.
ٷكٸمەت باسشىسى استىق جيناۋدى ساپالى ەرٸ ۋاقىتىلى جٷرگٸزۋ, اۋىل شارۋاشىلىعى تاۋارىن ٶندٸرۋشٸلەردٸ جانار-جاعارماي ماتەريالدارىمەن قامتاماسىز ەتۋ, سونىمەن قاتار جينالعان ٶنٸمدٸ ۋاقىتىلى قابىلداۋ جەنە تيٸستٸ ساقتاۋ جاعدايلارىن ەرەكشە باقىلاۋ بويىنشا بارلىق قاجەتتٸ شارالاردى قابىلداۋدى تاپسىردى.
