قازاقستان رەسپۋبليكاسىنىڭ ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ ٶزبەكستان رەسپۋبليكاسىنىڭ سۋ شارۋاشىلىعى مينيسترٸ شاۆكات حامراەۆپەن كەزدەسۋ ٶتكٸزدٸ, دەپ حابارلايدى "ۇلت اقپارات".
ەكولوگييا, گەولوگييا جەنە تابيعي رەسۋرستار مينيسترلٸگٸنٸڭ باسپاسٶز حاتشىسى سامال يبراەۆا Facebook-تەگٸ پاراقشاسىندا جازعانداي, قازاقستان پرەزيدەنتٸ قاسىم-جومارت توقاەۆ پەن ٶزبەكستان باسشىسى شاۆكات ميرزيەەۆتٸڭ قول جەتكٸزگەن كەلٸسٸمٸن جٷزەگە اسىرۋ اياسىندا تاراپتار ەكٸ ەل اراسىنداعى سۋ شارۋاشىلىعىنىڭ ماڭىزدى سالالارىن تالقىلادى. كەزدەسۋدٸڭ باستى ماقساتتارىنىڭ بٸرٸ – ساردوبا سۋ قويماسىنىڭ تاعدىرى. قازاقستاننىڭ ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ سۋ قويماسىنىڭ جارىلۋى ٶزبەكستانمەن بٸرگە قازاقستاندا تۇراتىن حالىققا دا ٷلكەن ەكونوميكالىق شىعىن ەكەلگەنٸن مەلٸم ەتكەن.
«كەلٸسسٶزدەر بارىسىندا بٸز ساردوبا سۋ قويماسى بويىنشا شەشٸمدٸ بٸرلەسە قابىلداۋ تۋرالى شەشٸمگە كەلدٸك. سۋ قويماسىنا حالىقارالىق جەنە قازاقستاندىق ساراپشىلاردىڭ قاتىسۋىمەن تەحنيكالىق اۋديت جٷرگٸزٸلەدٸ. ونىڭ قورىتىندىسى بويىنشا وسى سۋ قويماسىنىڭ تاعدىرى شەشٸلەدٸ», - دەپ پٸكٸر بٸلدٸردٸ كەزدەسۋ قورىتىندىسى جايلى ماعزۇم مىرزاعاليەۆ.
سونىمەن قاتار تاراپتار ترانسشەكارالىق سۋ قويمالارىن باسقارۋ, پايدالانۋ مەن كٷزەتۋ ٸستەرٸن بٸرلەسە جٷرگٸزە ٷشٸن ٷكٸمەتارالىق كەلٸسٸم ەزٸرلەپ, قول قوياتىنى جايلى كەلٸسٸمگە كەلگەن. تاراپتار وسى جىلدىڭ 15 ماۋسىمىنا دەيٸن سۋ قاتىناستارى سالاسىنداعى ىنتىماقتىق بويىنشا جول كارتاسىن ەزٸرلەپ, بەكٸتۋگە كەلٸستٸ. كەزدەسۋگە قاتىسۋشىلار ودان بٶلەك 2020 جىلى سىردارييا ٶزەنٸ بويىنشا ۆەگەتاتسييالىق كەزەڭدٸ ٶتكٸزۋ شارالاردى ٶتكٸزۋدٸ ٶزارا ماقۇلداستى.
«نەگٸزگٸ گيدروقۇرىلىمدار مەن سۋ شارۋاشىلىعى ۋچاسكەلەرٸنە مونيتورينگ پەن باقىلاۋ جٷرگٸزۋ بويىنشا بٸرلەسكە جۇمىستى ۇيىمداستىرۋ تۋرالى شەشٸمگە قول جەتكٸزٸلدٸ», - دەدٸ ماعزۇم مىرزاعاليەۆ.
كەزدەسۋگە قاتىسۋشىلار سىردارييا ٶزەنٸنٸڭ سۋ رەسۋرسىنىڭ شارۋاشىلىق ٷيلەسٸمٸ بويىنشا بٸرلەسكەن جۇمىستى جٷرگٸزۋگە كەلٸسٸپ, قارادارييا مەن شىرشىق ٶزەندەرٸنە سۋ جٸبەرۋ ليميتٸن تالقىلاۋ مٷمكٸندٸگٸن قاراستىردى.
