قازاقستان مەن تٷركييا قورعانىس مينيسترلٸكتەرٸ ەسكەري تاريف جەنە مەلٸمەتتەر الماسۋ سالالارىندا ەكٸ حاتتاما دايىنداپ جاتىر. بۇل تۋرالى قر قورعانىس مينيسترٸ نۇرلان ەرمەكباەۆ ايتتى, دەپ حابارلايدى قازاقپارات.
«بٷگٸن تٷركييا قورعانىس مينيسترٸ حۋلۋسي اكار قورعانىس ۆەدومستۆوسىنىڭ باسشىسى رەتٸندە قازاقستانعا العاش رەت رەسمي ساپارمەن كەلٸپ وتىر. ٶزدەرٸڭٸز بٸلەتٸندەي, تٷركييا بٸزدٸڭ ستراتەگييالىق ەرٸپتەسٸمٸز سانالادى. بٸزدٸڭ ستراتەگييالىق ەرٸپتەستٸكتٸڭ بەرٸك نەگٸزٸن ەڭ الدىمەن ەكٸ مەملەكەت باسشىلارىنىڭ ٶتە جاقىن, سەنٸمدٸ ەرٸ دوستىق قارىم-قاتىناسى قالاپ وتىر. 2018 جىلعى قىركٷيەكتە قر تۇڭعىش پرەزيدەنتٸ – ەلباسى نۇرسۇلتان نازارباەۆتىڭ تٷركيياعا رەسمي ساپارى بارىسىندا ماڭىزدى قۇجاتتارعا قول قويىلدى. ول - ەسكەري ىنتىماقتاستىق جٶنٸندەگٸ كەلٸسٸم جەنە قۇپييا مەلٸمەتتەردٸ ساقتاۋ جٶنٸندەگٸ كەلٸسٸم. ال ەندٸ قۇقىقتىق بازانى نىعايتۋ باعىتىندا ەسكەري تاريف جەنە مەلٸمەتتەر الماسۋ سالالارىندا تاعى ەكٸ حاتتاما دايىندالىپ جاتىر», - دەدٸ نۇرلان ەرمەكباەۆ تٷرٸك ەرٸپتەسٸمەن كەزدەسۋدەن كەيٸنگٸ بريفينگتە.
قر قورعانىس مينيسترٸ, تٷرٸك ەرٸپتەسٸمەن جٷزدەسۋ بارىسىنا ەكٸ ەلدٸڭ اراسىنداعى ىنتىماقتاستىقتىڭ باسىم باعىتتارى ايقىندالعانىن ايتتى.
«ونىڭ ٸشٸندە ەڭ الدىمەن بٸرلەسكەن وقۋ-جاتتىعۋ, بٸرلەسكەن ەسكەري جەنە جاۋىنگەرلٸك دايارلىق, ەكٸنشٸدەن, ەسكەري بٸلٸم بەرۋ مەسەلەسٸ بار. اتاپ ايتقاندا, تٷركييا بٸزگە تاپشى ماماندىقتار بويىنشا ەسكەري قىزمەتشٸلەردٸ, مامانداردى دايىندايدى. ونىڭ ٸشٸندە گيدروگرافييا, ەسكەري تەڭٸز سالاسىندا جەنە كيبەرقاۋٸپسٸزدٸك سالاسىندا ٶتە ماڭىزدى جوعارى دەڭگەيدەگٸ مامانداردى دايىنداپ بەرەدٸ. بٸز ٶز تاراپىمىزدان بىلتىر العاش رەت ۇلتتىق قورعانىس ۋنيۆەرسيتەتٸمٸزدە بٸر توپ تٷرٸك ەسكەري قىزمەتشٸنٸ دايىندادىق. مۇنداي ٶزارا تيٸمدٸ, پايدالى ىنتىماقتاستىقتى دامىتاتىن بولامىز. ودان باسقا كەلەسٸ جىلعى جالپى جوسپارلاردى دا تالقىلادىق جەنە ەسكەري تەحنيكالىق سالاداعى باستى باسىمدىقتار مەن باعىتتار بويىنشا ٶزارا پٸكٸر الماستىق. ال ناقتى كەلٸسسٶز بٸزدٸڭ يندۋسترييا جەنە ينفراقۇرىلىمدىق دامۋ مينيسترلٸگٸمەن جٷرگٸزٸلەدٸ», - دەدٸ ول.
«بٸز ەكٸ ەلدٸڭ اراسىندا قورعانىس سالاسىنداعى ىنتىماقتاستىقتى ودان ارى كەڭەيتۋگە قاتىستى مەسەلەلەردٸ تالقىلادىق. پرەزيدەنتتەر دەڭگەيٸندە ەلدەرٸمٸزدٸڭ اراسىندا تىعىز ديالوگ پەن ىنتىماقتاستىق ورناعاندىقتان جۇمىسىمىز بارىنشا جەڭٸل بولدى. بٸز قول جەتكٸزٸلگەن ۋاعدالاستىقتارعا قاتىستى مەسەلەلەردٸ تالقىلادىق», - دەدٸ حۋلۋسي اكار.
