فوتو: اقوردا
قاسىم-جومارت توقاەۆ پەن سەردار بەردٸمۇحامەدوۆ كەڭەيتٸلگەن قۇرامدا كەلٸسسٶز جٷرگٸزدٸ, دەپ حابارلايدى Ult.kz.
ەڭگٸمەلەسۋ بارىسىندا مەملەكەتتەر باسشىلارى ەكٸجاقتى ىنتىماقتاستىقتىڭ باسىم باعىتتارىن تالقىلادى. اتاپ ايتقاندا, ساۋدا-ەكونوميكالىق, مەدەني-گۋمانيتارلىق جەنە كٶلٸك-لوگيستيكالىق ىقپالداستىق مەسەلەلەرٸ قاراستىرىلدى.
ەنەرگەتيكا, ٶنەركەسٸپ كووپەراتسيياسى, اۋىل شارۋاشىلىعى, IT, بٸلٸم بەرۋ جەنە مەديتسينا سالالارىنداعى بٸرلەسكەن جوبالاردى ٸسكە اسىرۋعا باسا نازار اۋدارىلدى.
– قازاق پەن تٷرٸكمەن – ەجەلدەن دوستىعى جاراسقان تۋىس حالىقتار. بٸزدٸڭ تاريحىمىز جەنە ماقسات-مۇراتىمىز – ورتاق, مەدەني-رۋحاني قۇندىلىقتارىمىز – بٸر. بٸز تٷرٸكمەنستانمەن ىنتىماقتاستىقتى تاتۋ كٶرشٸلٸك جەنە ٶزارا قولداۋ رۋحىندا بارىنشا نىعايتۋعا ايرىقشا مەن بەرەمٸز. جارقىن بولاشاققا بٸرگە قادام باسۋ ٷشٸن كٷش جۇمىلدىرامىز. باۋىرلاس حالىقتارىمىزدىڭ يگٸلٸگٸ ٷشٸن ستراتەگييالىق سەرٸكتەستٸكتٸ نىعايتا تٷسەمٸز. مەن بۇعان كەمٸل سەنەمٸن, – دەدٸ مەملەكەت باسشىسى.
قازاقستان پرەزيدەنتٸ ەكٸ ەل اراسىندا بارلىق دەڭگەيدە بەلسەندٸ ەرٸ تابىستى بايلانىس ورناعانىن اتاپ ٶتتٸ. ٷكٸمەتتەرٸمٸز جٷيەلٸ جۇمىس جٷرگٸزٸپ, ۆەدومستۆوارالىق بايلانىس نىعايىپ كەلەدٸ. ەلدەرٸمٸز كٶپجاقتى قۇرىلىمدار اياسىندا نەتيجەلٸ قارىم-قاتىناس جاسايدى.
مەملەكەت باسشىسىنىڭ ايتۋىنشا, استانا مەن اشحابادتىڭ ٶڭٸرلٸك, حالىقارالىق كٷن تەرتٸبٸندەگٸ كٶپتەگەن مەسەلە بويىنشا كٶزقاراستارى مەن ۇستانىمدارى ۇقساس.
قاسىم-جومارت توقاەۆ كەلٸسسٶزدەر بارىسىندا ساۋدا-ەكونوميكالىق ىقپالداستىققا ايرىقشا نازار اۋداردى. سوڭعى 5 جىلدا ٶزارا ساۋدا كٶلەمٸ 4 ەسەدەن اسىپ, جارتى ميلليارد دوللارعا دەيٸن ۇلعايدى.
قازاقستاندا تٷرٸكمەن كاپيتالى بار 140-قا جۋىق كومپانييا تابىستى جۇمىس ٸستەيدٸ. وسى ارقىلى اتالعان كەسٸپورىندار ەكونوميكالىق بايلانىستى نىعايتۋعا زور ٷلەس قوسىپ كەلەدٸ. قازاقستاننىڭ تٷرٸكمەنستانعا قۇيعان ينۆەستيتسيياسى 120 ميلليون دوللاردان استى.
مەملەكەت باسشىسى مەدەني-گۋمانيتارلىق بايلانىستىڭ دامۋ قارقىنىنا توقتالدى. پرەزيدەنت ەكٸ ەلدٸڭ مەدەنيەت كٷندەرٸن الما-كەزەك ٶتكٸزۋ, كٶرنەكتٸ قايراتكەرلەردٸڭ ەسكەرتكٸشتەرٸن اشۋ شارالارى قوس حالىقتىڭ مەدەني-رۋحاني مۇراسىنا ايتارلىقتاي ٷلەس قوسادى دەپ سانايدى.
