قاسىم-جومارت توقاەۆ پەن ەمومالي راحمون شاعىن جەنە كەڭەيتٸلگەن قۇرامدا جٷرگٸزٸلگەن ەكٸجاقتى كەلٸسسٶزدەر قورىتىندىسى بويىنشا بۇقارالىق اقپارات قۇرالدارى ٷشٸن بريفينگ ٶتكٸزدٸ, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
مەملەكەت باسشىسى جۋرناليستەر الدىندا سٶيلەگەن سٶزٸندە تەجٸكستانعا رەسمي ساپارمەن كەلۋگە شاقىرىپ, قوناقجاي تەجٸك جەرٸندە قۇشاق جايا قارسى العانى ٷشٸن پرەزيدەنت ەمومالي شەرٸپۇلى راحمونعا زور ريزاشىلىعىن بٸلدٸردٸ.
قاسىم-جومارت توقاەۆ تەجٸكستاننىڭ قازاقستان ٷشٸن ٶڭٸردەگٸ ماڭىزدى سەرٸكتەس مەملەكەت قانا ەمەس, تٸلەكتەس ەرٸ باۋىرلاس ەل ەكەنٸن اتاپ ٶتتٸ.
– بٸزدٸڭ حالىقتارىمىزدى دوستىقتىڭ بەرٸك ارقاۋى, ورتاق تاريح, رۋحاني جەنە مەدەني قۇندىلىقتار بٸرٸكتٸرەدٸ, – دەدٸ مەملەكەت باسشىسى.
پرەزيدەنت بٷگٸنگٸ كەلٸسسٶزدەر قازاقستان مەن تەجٸكستان اراسىنداعى قاتىناستاردىڭ جوعارى دەڭگەيدە ەكەنٸن تاعى دا بٸر مەرتە كٶرسەتكەنٸن ايتتى.
قاسىم-جومارت توقاەۆ ەكٸجاقتى جەنە كٶپجاقتى ىقپالداستىقتىڭ ٶزەكتٸ مەسەلەلەرٸ بويىنشا ناقتى كەلٸسٸمدەرگە قول جەتكٸزٸلگەنٸ تۋرالى ايتىپ, ونىڭ ەكٸ ەل حالىقتارىنىڭ ەل-اۋقاتىن ارتتىرۋعا ىقپال ەتەتٸنٸنە سەنٸم بٸلدٸردٸ.
قازاقستان پرەزيدەنتٸنٸڭ پٸكٸرٸنشە, جٷرگٸزٸلگەن كەلٸسسٶزدەردٸڭ تەرەڭ سيمۆولدىق مەنٸ بار. ٶيتكەنٸ ول ەكٸ مەملەكەتتٸڭ تەۋەلسٸزدٸگٸنٸڭ 30 جىلدىق مەرەيتويى اياسىندا ٶتٸپ وتىر.
قاسىم-جومارت توقاەۆ كەزدەسۋ قورىتىندىلارىن جوعارى باعالاي كەلە, تاراپتار كەلەشەك ىقپالداستىقتىڭ نەگٸزگٸ باعىتتارىن ايقىنداي العانىن جەتكٸزدٸ.
– قازاقستان – تەجٸكستاننىڭ نەگٸزگٸ ساۋدا سەرٸكتەستەرٸنٸڭ بٸرٸ. بىلتىرعى جىلدىڭ قورىتىندىسى بويىنشا ٶزارا ساۋدا-ساتتىقتىڭ بۇرىنعى كٶلەمٸن ساقتاپ قانا قويماي, سونداي-اق, تاۋار اينالىمىنىڭ ٶسٸمٸن 800 ميلليون دوللارعا دەيٸن جەتكٸزدٸك. پاندەمييا جاعدايىندا بۇل جامان كٶرسەتكٸش ەمەس, – دەدٸ پرەزيدەنت.
مەملەكەت باسشىسى ٶنەركەسٸپ كووپەراتسيياسى مەن ينۆەستيتسييالىق ىنتىماقتاستىقتى دامىتۋدىڭ ماڭىزدىلىعىنا نازار اۋداردى. ونىڭ ايتۋىنشا, قازاقستان كومپانييالارى تەجٸكستاندا اۆتوموبيل جەنە اۆتوبۋس شىعاراتىن, ترانسفورماتور زاۋىتىن سالاتىن بٸرلەسكەن كەسٸپورىن اشۋعا دايىن. سونىمەن قاتار قازاقستاندىق كەسٸپكەرلەر تەمٸرجول قۇرال-جابدىقتارىن, تەپلوۆوزدار مەن ۆاگونداردى, تٸكۇشاقتاردى, «روگۋن جەس-ٸ» قۇرىلىسى مەن باسقا دا نىساندارعا مەتالل ٶنٸمدەرٸن جەتكٸزۋ ٸسٸن ۇلعايتۋعا مٷددەلٸ.
قاسىم-جومارت توقاەۆ ەكٸ ەل ٷكٸمەتتەرٸنٸڭ اتالعان باعىت بويىنشا جٷيەلٸ كەلٸسسٶزدەر جٷرگٸزٸپ جاتقانىن, بٸرلەسكەن ٸرٸ ٶندٸرٸس جوبالارىن جٷزەگە اسىرۋدى كٶزدەيتٸن بٸرقاتار قۇجاتقا قول قويىلعانىن اتاپ ٶتتٸ.
پرەزيدەنت ٶزارا ساۋدا-ساتتىقتىڭ ۇلعايۋى اۋىل شارۋاشىلىعى سالاسىنداعى ىنتىماقتاستىقتى نىعايتۋعا تىڭ سەرپٸن بەرەتٸنٸنە توقتالدى.
– قازاقستان ٶزارا تيٸمدٸ شارتتار بويىنشا بيداي, ۇن, ەت جەنە سٷت ٶنٸمدەرٸن جەتكٸزۋدٸ ارتتىرۋعا نيەتتٸ. ٶز كەزەگٸندە, تەجٸكستاننىڭ قازاقستانعا جەمٸس-كٶكٶنٸس ٶنٸمدەرٸن ەكسپورتتاۋ مٷمكٸندٸگٸ زور. فەرمەرلەرٸمٸزدٸ قولداۋ, قاجەتسٸز ارالىق كەدەرگٸلەردٸ ازايتۋ ٷشٸن تەجٸكستاننىڭ اۋىل شارۋاشىلىعى ٶنٸمدەرٸن قازاقستان نارىعىنا جەتكٸزۋدٸ قامتاماسىز ەتۋ جٶنٸندەگٸ بٸرلەسكەن كٶتەرمە باسقارۋ ورتالىقتارىن قۇرۋ يدەياسىن قولدادىق, – دەدٸ مەملەكەت باسشىسى.
سونىمەن قاتار قاسىم-جومارت توقاەۆ قازاقستان مەن تەجٸكستان اراسىنداعى كٶلٸك-ترانزيت ەلەۋەتٸن تيٸمدٸ پايدالانۋ قاجەت ەكەنٸن اتاپ ٶتتٸ.
پرەزيدەنت تاسىمال كٶلەمٸن ارتتىرۋعا تىڭ سەرپٸن بەرۋ ماقساتىندا ەكٸ ەل ٷكٸمەتتەرٸنە تاريف ساياساتىن وڭتايلاندىرۋ جەنە تاسىمال تالاپتارىن جاقسارتۋ جۇمىستارىنا قاتىستى شارالار قابىلداۋعا تاپسىرما بەرٸلگەنٸن ايتتى.
قاسىم-جومارت توقاەۆ اتالعان ۋاعدالاستىقتاردىڭ تابىستى جٷزەگە اسىرىلۋى ٶزارا ساۋدا اينالىمىنىڭ مەجەسٸن 1 ميلليارد دوللاردان اسىرۋعا جەنە جاقىن بولاشاقتا بۇل كٶرسەتكٸشتٸ ەكٸ ەسە ۇلعايتۋعا مٷمكٸندٸك بەرەتٸنٸنە سەنٸم بٸلدٸردٸ. بۇدان بٶلەك كەلٸسسٶزدەر بارىسىندا سۋ-ەنەرگەتيكالىق جەنە ەسكەري-تەحنيكالىق سالالارداعى ىقپالداستىق مەسەلەلەرٸ دە تالقىلاندى.
سونىمەن قاتار مەملەكەت باسشىسى مەدەني-گۋمانيتارلىق بايلانىستاردى كەڭەيتۋ, ونىڭ ٸشٸندە, ەكٸ ەلدٸڭ مەدەني كٷندەرٸن ٶزارا الماسىپ ٶتكٸزۋ جايىندا ايتتى.
– قازاقستان تەجٸك ستۋدەنتتەرٸ ٷشٸن بەرٸلەتٸن بٸلٸم گرانتتارىنىڭ سانىن كٶبەيتەدٸ. بۇل بٸزدٸڭ جاستارىمىزدى ودان سايىن جاقىنداتا تٷسەدٸ. ول بٸزدٸڭ ەلدەرٸمٸز اراسىنداعى شىنايى دوستىق قاتىناستاردىڭ ساباقتاستىعىن ساقتاۋعا ىقپال ەتەدٸ, – دەدٸ قاسىم-جومارت توقاەۆ.
پرەزيدەنتتٸڭ ايتۋىنشا, كەلٸسسٶزدەر كەزٸندە ورتالىق ازيياداعى تۇراقتىلىق پەن قاۋٸپسٸزدٸكتٸ قامتاماسىز ەتۋگە قاتىستى ٶزەكتٸ مەسەلەلەرگە ەرەكشە كٶڭٸل بٶلٸنگەن.
اۋعانستانداعى احۋال تۋرالى ايتا كەلە, قاسىم-جومارت توقاەۆ تەجٸك تاراپىنا جەنە ونىڭ باسشىلىعىنا ەلەمدٸك كٷن تەرتٸبٸندەگٸ ٶزەكتٸ پروبلەما بويىنشا مازمۇندى كونسۋلتاتسييا بەرگەنٸ ٷشٸن ريزاشىلىعىن بٸلدٸردٸ.
– قازاقستان ٶڭٸردەگٸ بەيبٸتشٸلٸك پەن تاتۋ كٶرشٸلٸكتٸ ساقتاۋ جەنە ٶزارا سەنٸمدٸ نىعايتۋ ٷشٸن باۋىرلاس مەملەكەتتەردٸڭ كٷش-جٸگەرٸن بٸرٸكتٸرۋدٸ قولدايدى. ورتالىق ازييا – ەكونوميكالىق, كٶلٸك-ترانزيتتٸك جەنە ادامي ەلەۋەتٸ مول, بٸرەگەي مٷمكٸندٸكتەرٸ مەن رەسۋرستارى زور اۋماق, – دەدٸ مەملەكەت باسشىسى.
قاسىم-جومارت توقاەۆ ٶڭٸرلٸك كووپەراتسيياعا تىڭ سەرپٸن بەرۋ ماقساتىندا تاراپتار مەملەكەت باسشىلارى مەن ٷكٸمەتتەرنٸڭ, سونداي-اق, سالالىق مينيسترلٸكتەردٸڭ جەتەكشٸلەرٸ دەڭگەيٸندە جٷرگٸزٸلەتٸن ٶزارا كونسۋلتاتسييالاردى جالعاستىرۋعا ۋاعادالستى.
قازاقستان پرەزيدەنتٸ تەجٸكستان پرەزيدەنتٸن ٶزٸنە ىڭعايلى ۋاقىتتا مەملەكەتتٸك ساپارمەن كەلۋگە شاقىرعانىن ايتتى.
مەملەكەت باسشىسى تەجٸك تاراپىنىڭ 2025 جىلدى حالىقارالىق مۇزدىقتاردى ساقتاۋدىڭ جىلى دەپ جارييالاۋ تۋرالى باستاماسىن قولدايتىنىن جەتكٸزدٸ.
