جۇمىس ساپارى اياسىندا قازاقستان پرەزيدەنتٸ قازان فەدەرالدىق ۋنيۆەرسيتەتٸنە باردى دەپ حابارلايدى "ۇلت اقپارات" اقورداعا سٸلتەمە جاساپ.
وقىتۋشى-پروفەسسورلار قۇرامىمەن كەزدەسۋدٸڭ الدىندا نۇرسۇلتان نازارباەۆ قازان قالاسىندا وقىپ جاتقان قازاقستان ستۋدەنتتەرٸمەن ەڭگٸمەلەستٸ. مەملەكەت باسشىسى جاس قازاقستاندىقتارعا تولاعاي تابىس تٸلەپ, زور جەتٸستٸكتەرگە جەتۋلەرٸنە نيەتتەستٸك بٸلدٸردٸ.
مەملەكەت باسشىسىنا قازان فەدەرالدىق ۋنيۆەرسيتەتٸنٸڭ قۇرمەتتٸ پروفەسسورى اتاعى بەرٸلدٸ.
رەسەي فەدەراتسيياسىنىڭ جەتەكشٸ وقۋ ورىندارىنىڭ بٸرٸ سانالاتىن ۋنيۆەرسيتەت ۇجىمىنا ارنالعان سٶزٸندە قازاقستان پرەزيدەنتٸ بٸلٸم ورداسىنىڭ اكادەمييالىق جەنە عىلىمي بازاسى مىقتى ەكەنٸن, سونداي-اق ونىڭ يننوۆاتسييالار سالاسىنداعى ناقتى جەتٸستٸكتەرٸن اتاپ ٶتتٸ.
– تاريحي دەرەكتەرگە سەيكەس, قازان ۋنيۆەرسيتەتٸندە 1877 جىلدان باستاپ قازاق ينتەلليگەنتسيياسى دا بٸلٸم الا باستاعان. وقۋ ورنىنىڭ قازاقستانمەن تاريحي بايلانىسى بٷگٸنگە دەيٸن جالعاسىپ كەلە جاتقانى قۋانتادى. قازٸرگٸ ۋاقىتتا مۇندا تٷرلٸ ماماندىق بويىنشا 500-دەن استام قازاقستاندىق ستۋدەنت وقيدى, – دەدٸ نۇرسۇلتان نازارباەۆ.
مەملەكەت باسشىسى قازاقستان مەن رەسەيدٸڭ 25 جىلدىق ديپلوماتييالىق قاتىناستارى كەزەڭٸندە ەكٸ جاقتى ساياسي جەنە ەكونوميكالىق ىنتىماقتاستىق ٷلگٸ بولارلىق دەرەجەگە جەتكەنٸن اتاپ ٶتتٸ.
– تىعىز ىنتىماقتاستىعىمىزدىڭ ارقاسىندا تمد كەڭٸستٸگٸندە جاڭا ينتەگراتسييالىق بٸرلەستٸك – ەۋرازييالىق ەكونوميكالىق وداق پايدا بولدى, – دەدٸ قازاقستان پرەزيدەنتٸ.
نۇرسۇلتان نازارباەۆ قازاقستان مەن تاتارستان اراسىنداعى ىنتىماقتاستىقتى استانا مەن مەسكەۋدٸڭ ستراتەگييالىق سەرٸكتەستٸگٸنٸڭ ماڭىزدى ەلەمەنتٸ دەپ اتادى.
– قازاقستان ٷشٸن باۋىرلاس تاتار حالقىنىڭ ورنى ەرەكشە. بٸزدٸڭ تاريحي تامىرىمىز ورتاق, تٸلٸمٸز, ەدەت-عۇرپىمىز بەن سالت-دەستٷرٸمٸز ۇقساس. ەلدەرٸمٸز اراسىنداعى تاريحي دوستىق دەنەكەرٸ قازاقستان مەن تاتارستاننىڭ قازٸرگٸ كەزەڭدەگٸ ىنتىماقتاستىعى ٷشٸن بەرٸك نەگٸز بولىپ وتىر, – دەدٸ مەملەكەت باسشىسى.
نۇرسۇلتان نازارباەۆ ەكٸ مەدەنيەت پەن حالىقتى جاقىنداستىرا تٷسۋ ٸسٸندە تاتار دياسپوراسى ماڭىزدى رٶل اتقاراتىنىنا نازار اۋداردى.
قازاقستان پرەزيدەنتٸ تاتارستان رەسپۋبليكاسىمەن بٸرلەسە جٷزەگە اسىرىلىپ جاتقان جوبالار جٶنٸندە ايتتى.
– بٸز ماشينا جاساۋ, مۇناي حيميياسى, ەسكەري-تەحنيكالىق جەنە كٶلٸك-لوگيستيكالىق ىنتىماقتاستىق سالالارىندا تٷرلٸ ينۆەستيتسييالىق جوبالاردى بٸرلەسە ٸسكە اسىرىپ كەلەمٸز. بٸزدٸڭ ەلوردالارىمىز – استانا مەن قازان اراسىندا باۋىرلاستىق بايلانىس ورناعان, ال الماتى مەن قازان سەرٸكتەس قالالار سانالادى, – دەدٸ مەملەكەت باسشىسى.
نۇرسۇلتان نازارباەۆ قازاقستاننىڭ تسيفرلاندىرۋ جەنە تەحنولوگييالىق رەۆوليۋتسييا جاعدايىنداعى ەكونوميكالىق دامۋ ٷدەرٸسٸ جٶنٸندە ايتتى.
مەملەكەت باسشىسى ادامي كاپيتالدىڭ ەلەۋەتٸن ارتتىرۋ جەنە ينتەللەكتۋالدى ۇلت قالىپتاستىرۋ ٷشٸن قازاقستان تاراپىنان اتقارىلىپ جاتقان جۇمىستار جٶنٸندە كەڭٸنەن ەڭگٸمەلەدٸ.
سونىمەن قاتار, نۇرسۇلتان نازارباەۆ «تٸلدٸڭ ٷشتۇعىرلىلىعى» جوباسىنىڭ ٸسكە اسىرىلۋ بارىسى جەنە ەلٸمٸزدٸڭ ورتا بٸلٸم بەرۋ جٷيەسٸنە ٸت-تەحنولوگييالاردى ەنگٸزۋ جٶنٸندە ايتتى.
مەملەكەت باسشىسى بٷگٸندە قازاقستاندا حالىقارالىق باعدارلامالاردىڭ تالاپتارىنا سەيكەس بالالاردى جاراتىلىستانۋ-ماتەماتيكا پەندەرٸ بويىنشا وقىتۋعا باعدارلانعان 20 زيياتكەرلٸك مەكتەپ سالىنعانىن اتاپ ٶتتٸ.
– يندۋسترييالىق-يننوۆاتسييالىق دامۋ ٷدەرٸسٸنٸڭ تالاپتارىن ەسكەرٸپ, تەحنيكالىق جەنە كەسٸبي بٸلٸم بەرۋ ٸسٸنٸڭ قۇرىلىمى مەن مازمۇنى جاڭعىرتىلۋدا. قازاقستاندا ەلەمدٸك دەڭگەيدەگٸ جوعارى وقۋ ورنى سانالاتىن «نازارباەۆ ۋنيۆەرسيتەتٸنٸڭ» سالىنۋى ەلٸمٸزدٸڭ جوعارى بٸلٸم بەرۋ سالاسىنداعى ەڭ ٸرٸ جەنە ماڭىزدى جوباسىنا اينالدى. بۇل – حالىقارالىق ستاندارتتارعا, دەربەستٸك جەنە اكادەمييالىق ەركٸندٸك قاعيداتتارىنا سەيكەس جۇمىس ٸستەيتٸن قازاقستانداعى العاشقى ۋنيۆەرسيتەت, – دەدٸ قازاقستان پرەزيدەنتٸ.
نۇرسۇلتان نازارباەۆ قازاقستاندىقتارعا ەلەمنٸڭ ٷزدٸك ۋنيۆەرسيتەتتەرٸندە بٸلٸم الۋعا مٷمكٸندٸك بەرگەن «بولاشاق» باعدارلاماسىنىڭ نەتيجەلەرٸ جٶنٸندە دە ەڭگٸمەلەدٸ.
مەملەكەت باسشىسى قازاقستان مەن رەسەي اراسىنداعى تاتۋ كٶرشٸلٸك پەن دوستىق قاتىناستاردى نىعايتۋ قاجەتتٸگٸنە نازار اۋدارىپ, بۇل مەسەلەدە جاستار ماڭىزدى رٶل اتقاراتىنىن اتاپ ٶتتٸ.
وسىعان وراي نۇرسۇلتان نازارباەۆ استانا مەن مەسكەۋ ىنتىماقتاستىعىن ودان ەرٸ ٸلگەرٸلەتۋ ٷدەرٸسٸنە ەكٸ ەلدٸڭ ٶسكەلەڭ ۇرپاعىن بەلسەندٸ تٷردە تارتۋدى كٶزدەيتٸن بٸرقاتار ٸس-شارا ۇيىمداستىرۋدى ۇسىندى.
– قازاقستان مەن رەسەيدٸڭ جاس كٶشباسشىلارىنىڭ فورۋمىن ۇيىمداستىرۋدى ۇسىنامىن. بۇل باسقوسۋ جاستارعا مەملەكەتتەرٸمٸزدٸ دامىتۋدىڭ ٶزەكتٸ مەسەلەلەرٸنە قاتىستى ٶز ويلارىن ورتاعا سالۋعا جەنە ناقتى ۇسىنىستار ەزٸرلەۋگە مٷمكٸندٸك بەرەدٸ. سونداي-اق, مەدەني بايلانىستارعا تىڭ سەرپٸن بەرٸپ, ەلدەرٸمٸزدٸڭ دارىندى جەنە شىعارماشىل جاستارىنا قولداۋ كٶرسەتۋ ماقساتىمەن جاس ورىنداۋشىلاردىڭ, سۋرەتشٸلەر مەن مۋزىكانتتاردىڭ جىل سايىنعى بايقاۋلارىن ٶتكٸزۋدٸ جانداندىرۋ كەرەك, – دەدٸ مەملەكەت باسشىسى.
قازاقستان پرەزيدەنتٸ سپورت سالاسىنداعى ىنتىماقتاستىقتى دا نىعايتۋ قاجەتتٸگٸن اتاپ ٶتتٸ.
– بٸزدٸڭ جاس سپورتشىلارىمىز اراسىنداعى بايلانىستار ٶزەكتٸ بولىپ سانالادى. ەكٸ ەل جاستارىنىڭ اراسىندا تۇراقتى تٷردە تۋرنيرلەر ٶتكٸزۋدٸ ستۋدەنتتەر قاۋىمى قولدايدى دەپ ويلايمىن, – دەدٸ نۇرسۇلتان نازارباەۆ.
سوڭىندا مەملەكەت باسشىسى قازاقستان-تاتارستان دوستىعى مەن ٶزارا تٷسٸنٸستٸگٸنٸڭ ٸزگٸ دەستٷرٸ حالىقتارىمىزدىڭ يگٸلٸگٸ ٷشٸن جالعاسىن تاۋىپ, نىعايا بەرەتٸنٸنە سەنٸم بٸلدٸردٸ.
قۇرمەتتٸ پروفەسسور اتاعىن بەرۋ رەسٸمٸ اياقتالعان سوڭ قازاقستان پرەزيدەنتٸ قازان فەدەرالدىق ۋنيۆەرسيتەتٸنٸڭ قۇرمەتتٸ قوناقتار كٸتابىنا قولتاڭبا قالدىردى.
