قازاقستاننىڭ جەنە رەسەيدٸڭ پوشتا قىزمەتتەرٸ قازپوشتانىڭ «قورعاس – شىعىس قاقپاسى» اەا» جەنە «جاركەنت» حالىقارالىق پوشتا الماسۋ ورنىنداعى بوند قويمالارى ارقىلى ترانزيتتٸك تاسىمال كٶلەمٸن ارتتىرماق, دەپ حابارلايدى «قازپوشتا» اق باسپاسٶز قىزمەتٸ.
تاراپتار تىڭ لوگيستيكالىق شەشٸمدەر نەگٸزٸندە حالىقارالىق پوشتا جٶنەلتٸلٸمدەرٸن ەۋروپا جەنە تمد ەلدەرٸنە جەتكٸزۋدٸ وڭتايلاندىرۋدى جوسپارلاپ وتىر. بۇل ٶز كەزەگٸندە ترانسشەكارالىق ەلەكتروندىق كوممەرتسييانىڭ دامۋىنا وڭ ىقپالىن تيگٸزەدٸ.
بٷگٸن «قازپوشتا» اق باسقارما تٶراعاسى قانات الپىسباەۆ جەنە «رەسەي پوشتاسى» اق باس ديرەكتورى ماكسيم اكيموۆ پەتەربور حالىقارالىق ەكونوميكالىق فورۋمى اياسىندا ستراتەگييالىق ىنتىماقتاستىق تۋرالى مەموراندۋمعا قول قويدى. قۇجات كٶرشٸلەس ەلدەردەگٸ پوشتا قىزمەتتەرٸنٸڭ حالىقارالىق پوشتا جٶنەلتٸلٸمدەرٸن ساقتاۋعا جەنە تاسىمالداۋعا بايلانىستى ترانزيتتٸك لوگيستيكالىق شەشٸمدەر سالاسىنداعى ىقپالداستىقتى دامىتۋعا باعىتتالعان.
«بٸز ٷلكەن ترانزيتتٸك ەلەۋەتكە جەنە لوگيستيكالىق ينفراقۇرىلىمعا يەمٸز. قولىمىزداعى قوردىڭ سينەرگيياسى باسىمدىققا يە باعىتتاردا ىنتىماقتاستىقتى كەڭەيتۋگە جول اشادى. ونىڭ ٸشٸندە ترانزيتتٸك اعىنداردى ارتتىرۋعا, وڭتايلى لوگيستيكالىق باعدارلاردى قولدانۋعا, ە-commerce دامۋىنا جاڭا سەرپٸن بەرۋگە مٷمكٸندٸك بەرەدٸ. قازپوشتا «قورعاس – شىعىس بەكەتٸ» ارنايى ەكونوميكالىق ايماعىندا جەنە «جاركەنت» حالىقارالىق پوشتا الماسۋ ورنىندا ورنالاسقان بوند قويمالارىن دامىتۋعا باسا نازار اۋدارىپ وتىر. بٸزدٸڭ قۋاتتىلىقتاردى بارىنشا ماكسيمالدى دەڭگەيدە قولدانامىز», - دەپ اتاپ ٶتتٸ «قازپوشتا» اق باسقارما تٶراعاسى قانات الپىسباەۆ.
قازاقستاندىق جەنە رەسەيلٸك پوشتا وپەراتورلارى بٸرلەسە لوگيستيكالىق ٶنٸمدەردٸ, ونىڭ ٸشٸندە ترانزيتتٸك باعدارلاردى دامىتۋعا مٷددەلٸ. سەرٸكتەستەر قولدانىستاعى ەۋروپاداعى ينفراقۇرىلىم ارقىلى حالىقارالىق پوشتا الماسۋدى جەدەلدەتۋدٸ جوسپارلاپ وتىر.
«ەۋروپادان, اقش-تان جەنە قىتايدان كەلەتٸن ەلەكتروندىق كوممەرتسييانىڭ اعىنى ارتىپ جاتقانىن ەسكەرسەك, ەەو ەلدەرٸنٸڭ پوشتا ەكٸمشٸلٸكتەرٸ اراسىندا تيٸمدٸ لوگيستيكا قۇرۋ اسا ماڭىزدى. قازپوشتامەن بٸرلەسە جاڭا تيٸمدٸ باعدارلاردى قالىپتاستىرىپ, جٶنەلتٸلٸمدەردٸ جەدەل جەنە قاۋٸپسٸز جەتكٸزۋدٸ جەنە بٸزدٸڭ ەلدەرٸمٸزدٸڭ ترانزيتتٸك ەلەۋەتٸن ٸسكە اسىرۋعا مٷمكٸندٸك بەرەدٸ», - دەپ اتاپ ٶتتٸ «پوچتا روسسيي» اق باس ديرەكتورى ماكسيم اكيموۆ.
ىنتىماقتاستىقتىڭ العاشقى كەزەڭٸندە ترانزيتتٸڭ كٶلەمٸ بولجام بويىنشا بٸر ايدا كەمٸندە 24 توننا قۇرايدى. ونىڭ كٶلەمٸ كەلەشەكتە نارىقتىڭ سۇرانىسىنا بايلانىستى ەسەلەنەدٸ.
2020 جىلى قازاقستاننان رەسەيگە 380 مىڭ جەنە كەرٸ باعىتتا 297 مىڭعا جۋىق حالىقارالىق پوشتا جٶنەلتٸلٸمٸ جەتكٸزٸلگەن. قازاقستان اۋماعى ارقىلى قىتايدان رەسەيگە ترانزيت كٶلەمٸ 327 توننادان استى. بٷگٸندە قر جەنە رف اراسىنداعى پوشتا الماسۋ ەۋە جەنە جەر ٷستٸ كٶلٸكتەرٸ ارقىلى جٷرگٸزٸلەدٸ.
