19-20 قازاندا ات سپورتى حالىقارالىق فەدەراتسيياسىنىڭ (FEI) پرەزيدەنتٸ ينگمار دە ۆوس قازاقستان رەسپۋبليكاسىنا ساپارمەن كەلدٸ, دەپ حابارلايدى "ۇلت اقپارات" ات سپورتى فەدەراتسيياسىنا سٸلتەمە جاساپ.
ينگمار دە ۆوس ٶڭٸردە ات سپورتىن دامىتۋ مەسەلەلەرٸن تالقىلاۋ ماقساتىندا العاش رەت ورتالىق ازييا ەلدەرٸنە كەلدٸ. ساپار بارىسىندا دە ۆوس مىرزا قازاقستان رەسپۋبليكاسىنىڭ ات سپورتى فەدەراتسيياسىنىڭ پرەزيدەنتٸ بەرٸك يماشەۆپەن, رەسپۋبليكانىڭ ۇلتتىق وليمپيادا كوميتەتٸنٸڭ باسشىلىعىمەن, ۇلتتىق پاراليمپيادالىق كوميتەتتٸڭ باسشىلىعىمەن كەزدەسۋلەر ٶتكٸزدٸ. سونداي-اق, دە ۆوس مىرزا ەلٸمٸزدٸڭ ات سپورتى ينفراقۇرىلىمىمەن تانىسىپ, الماتى مەن الماتى وبلىسىنىڭ بٸرقاتار ات-سپورتتىق كلۋبتارىن ارالادى.
سونىمەن قاتار, حالىقارالىق ات سپورتى فەدەراتسيياسىنىڭ پرەزيدەنتٸ قازاقستان چەمپيوناتىنىڭ جەڭٸمپازدارى مەن جٷلدەگەرلەرٸن ماراپاتتاۋ رەسٸمٸنە قاتىستى.
سونداي-اق, FEI دەلەگاتسيياسىنىڭ قۇرامىندا رەسەي ات سپورتى فەدەراتسيياسىنىڭ دەلەگاتسيياسى بولدى. ونى رەسەي فەدەراتسيياسىنىڭ پرەزيدەنتٸ مارينا سەچينا باستاپ كەلدٸ. قازاقستان مەن رەسەي ات سپورتى فەدەراتسييالارى اراسىندا ٶڭٸردە ات سپورتىن دامىتۋ جەنە قولداۋ ماقساتىندا ىنتىماقتاستىق تۋرالى مەموراندۋمعا قول قويىلدى.
ەسكە سالا كەتسەك, قازاقستاندا تۇڭعىش ات سپورتى مەكتەبٸ 1956 جىلى اشىلدى. قازاقستاندىق شاباندوزدار بٸرنەشە رەت ازييا چەمپيوناتتارىنىڭ, ەلەم كۋبوگى كەزەڭدەرٸنٸڭ جەنە ات سپورتى بويىنشا قر اۋماعىندا جەنە ودان تىس جەرلەردە حالىقارالىق تۋرنيرلەردٸڭ جٷلدەگەرلەرٸ اتاندى.
