قازاقستان رەسپۋبليكاسى پرەمەر-مينيسترٸنٸڭ ورىنباسارى رومان سكلياردىڭ جەتەكشٸلٸگٸمەن ورتالىق مەملەكەتتٸك ورگاندار باسشىلىعىنىڭ, تٷركٸستان وبلىسىنىڭ ەكٸمٸ ٶمٸرزاق شٶكەەۆتٸڭ قاتىسۋىمەن قازاقستاندىق دەلەگاتسييا ٶزبەكستان رەسپۋبليكاسىنىڭ تاشكەنت قالاسىنا رەسمي ساپارمەن باردى. "ۇلت اقپارات" بۇل تۋرالى primeminister.kz سايتىنا سٸلتەمە جاساپ.
ساپار بارىسىندا ٶزبەكستان رەسپۋبليكاسىنىڭ پرەمەر-مينيسترٸ ابدۋللا اريپوۆپەن, پرەمەر-مينيستردٸڭ بٸرٸنشٸ ورىنباسارى اچيلباي راماتوۆپەن, ٶزبەكستان رەسپۋبليكاسى پرەمەر-مينيسترٸنٸڭ ورىنباسارى — ينۆەستيتسييالار جەنە سىرتقى ساۋدا مينيسترٸ ساردور ٶمٸرزاقوۆپەن كەزدەسۋ ٶتتٸ.
كٷن تەرتٸبٸندەگٸ ٶزەكتٸ مەسەلەلەر بويىنشا ەكٸ جاققا تيٸمدٸ ٶزارا ٸس-قيمىل بويىنشا ۋاعدالاستىقتارعا قول جەتكٸزٸلدٸ. كەزدەسۋلەردە قازاق-ٶزبەك ستراتەگييالىق سەرٸكتەستٸگٸ ەلەمدەگٸ اعىمداعى ەپيدەميولوگييالىق جاعدايعا قاراماستان, دەستٷرلٸ تٷردە جوعارى دەڭگەيدە جەنە سەرپٸندٸ تٷردە دامىپ كەلە جاتقانى اتاپ ٶتٸلدٸ. قول جەتكٸزٸلگەن ۋاعدالاستىقتاردى ٸسكە اسىرۋ بارىسى مەن ٶزارا تيٸمدٸ ىنتىماقتاستىقتىڭ پەرسپەكتيۆالىق باعىتتارى كەزەكتٸ رەت تىڭعىلىقتى تالقىلاندى.
ساۋدا-ەكونوميكالىق بايلانىستاردى نىعايتۋ ماقساتىندا اۆتوموبيل جاساۋ, ەكسپورتتى شوعىرلاندىرا وتىرىپ, اۋىل شارۋاشىلىعى, ٷشٸنشٸ ەلدەردٸڭ نارىقتارىندا سۇرانىسقا يە مۋلتيمودالدىق جەتكٸزٸلٸمدەردٸ (اۆتو/تەمٸرجول/ەۋە) قالىپتاستىرۋ جٶنٸندەگٸ جوبالار قارالدى.
قازاقستان تاراپى ەكسپورتتىق نارىقتاردىڭ ٸرٸ ساۋدا جەلٸلەرٸنە شىعۋ ٷشٸن اۋىل شارۋاشىلىعى ٶنٸمٸن جەتكٸلٸكتٸ كٶلەمدە شوعىرلاندىرۋعا مٷمكٸندٸك بەرەتٸن كٶتەرمە-تاراتۋ ورتالىقتارىنىڭ مەملەكەتارالىق تارماقتالعان جەلٸسٸن قۇرۋدى ۇسىندى.
ٶز كەزەگٸندە ٶزبەكستان پرەمەر-مينيسترٸ تەرمەز-مازاري-شاريف ساۋدا-لوگيستيكالىق ورتالىعى اياسىنداعى ىنتىماقتاستىق مەسەلەلەرٸن قاراستىرۋدى ۇسىندى.
ساپار بارىسىندا كٶلٸك, اۋىل شارۋاشىلىعى ماشينالارىن جاساۋ, جەڭٸل, فارماتسەۆتيكالىق, تاماق ٶنەركەسٸبٸ, سونداي-اق ميكرو, شاعىن جەنە ورتا كەسٸپكەرلٸك, بٸلٸم بەرۋ سالالارىن قامتيتىن پراكتيكالىق شارالار جوسپارىنا قول قويىلدى.
