ٶزبەكستانمەن ٶزەكتٸ دٸني مەسەلەلەر بويىنشا ورتاق پەتۋا قابىلدانادى, دەپ حابارلايدى قازاقستان مۇسىلماندارى دٸني باسقارماسىنىڭ باسپاسٶز قىزمەتٸ.
قازاقستان مۇسىلماندارى دٸني باسقارماسىنىڭ تٶراعاسى سەرٸكباي قاجى ورازدىڭ ٶزبەكستانعا جاساعان رەسمي ساپارى بارىسىندا ەكٸ ەلدٸڭ دٸني مەرەكەلەرٸنە قاتىستى ورتاق پەتۋا شىعارۋ تۋرالى كەلٸسٸم جاسالدى.
باس مٷفتي سەرٸكباي قاجى ساتىبالدىۇلى مەن ٶزبەكستان مۇسىلماندارى دٸني باسقارماسىنىڭ تٶراعاسى وسمانحان قاجى اليموۆتىڭ قاتىسۋىمەن ٶتكەن ەكٸ جاقتى كەزدەسۋدە دٸني مەرەكەلەردٸ بٸرٸزگە تٷسٸرۋ مەسەلەسٸ تالقىلاندى.
رەسمي باسقوسۋدا سەرٸكباي قاجى وراز قازاق-ٶزبەك ۇلتىنىڭ ۇستاناتىن مەزھابى مەن دٸني سەنٸمٸ بٸر ەكەنٸن اتاپ ٶتٸپ, دٸني مەرەكەلەردٸ بٸرٸزگە تٷسٸرۋ قاجەتتٸگٸن سٶز ەتتٸ. ٶز كەزەگٸندە ٶزبەكستان مٷفتيٸ وسمانحان اليموۆ بۇل ۇسىنىستى قولدايتىنىن مەلٸمدەپ, باۋىرلاس ەلدەردٸڭ دٸني سالاداعى بايلانىسىن ودان ارى نىعايتا تٷسۋ كەرەك ەكەنٸن تٸلگە تيەك ەتتٸ.
ەكٸ جاقتى كەزدەسۋ نەتيجەسٸندە ورتاق مەموراندۋم قابىلداندى.
"تاراپتار دٸني مەرەكەلەردٸ (ورازا, قۇربان ايت, ت.ب.) ھيجري جىل ساناۋى بويىنشا بٸرٸزدٸ ٶتكٸزۋگە, زاماناۋي ٶزەكتٸ مەسەلەلەردە ورتاق پەتۋا, شەشٸم شىعارۋعا مٸندەتتەلەدٸ", – دەلٸنگەن ٶزارا ىنتىماقتاستىق تۋرالى مەموراندۋم مەتٸنٸندە.
"ٶزدەرٸڭٸزگە بەلگٸلٸ, وسىعان دەيٸن بٸزدٸڭ ارامىزدا دٸني مەرەكەلەردٸڭ كٷنٸنە قاتىستى ايىرماشىلىقتار بولدى. وسى ولقىلىقتىڭ ورنىن تولتىرۋ ماقساتىندا ٶزبەكستاندىق ەرٸپتەستەرٸمٸزبەن كەلٸسٸم نەگٸزٸندە ٶزارا ىنتىماقتاستىق تۋرالى مەموراندۋم قابىلدادىق. مەموراندۋمدا كٶرسەتٸلگەن مەسەلەلەر بويىنشا ٶزەكتٸ تاقىرىپتار اياسىندا ورتاق پەتۋالار مەن شەشٸمدەر قابىلدايتىن بولامىز", – دەدٸ باس مٷفتي سەرٸكباي قاجى وراز ٶزبەكستاندىق باق ٶكٸلدەرٸنە بەرگەن سۇحباتىندا.
