قازاقستان رەسپۋبليكاسى مەن ٶزبەكستان رەسپۋبليكاسىنىڭ ٷكٸمەتتٸك دەلەگاتسييالارى ٶزبەكستاننىڭ سىردارييا اۋدانى مەن قازاقستاننىڭ تٷركٸستان وبلىسىنىڭ اۋماقتارىنىڭ بٸر بٶلٸگٸنٸڭ سۋ باسۋىنا ەكەلگەن ساردوبا سۋ قويماسىنداعى تٶتەنشە جاعداي سالدارىن جويۋ جٶنٸندەگٸ مەسەلەلەردٸ بٸرلەسٸپ شەشۋ جٶنٸندەگٸ كەزدەسۋ ٶتكٸزدٸ, دەپ حابارلايدى primeminister.kz.
قر پرەمەر-مينيسترٸنٸڭ ورىنباسارى رومان سكلياردىڭ جەتەكشٸلٸگٸمەن قازاقستان رەسپۋبليكاسىنىڭ دەلەگاتسيياسىنىڭ قۇرامىنا تٷركٸستان وبلىسىنىڭ ەكٸمٸ ٶمٸرزاق شٶكەەۆ, قر ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ پەن قازاقستاننىڭ ٶزبەكستانداعى ەلشٸسٸ دارحان ساتىبالدى كٸردٸ.
پرەمەر-مينيستردٸڭ ورىنباسارى س. ۋمۋرزاكوۆ باستاعان ٶزبەكستان رەسپۋبليكاسىنىڭ دەلەگاتسيياسىنىڭ قۇرامىنا ٶر سۋ شارۋاشىلىعى مينيسترٸ ش. حامراەۆ پەن سىردارييا وبلىسىنىڭ حوكيمٸ گ. ميرزاەۆ كٸردٸ.
ٷكٸمەتتٸك دەلەگاتسييالار ەكٸ ەلدٸڭ سۋ استىندا قالعان اۋماقتارىن تٸكۇشاقپەن ۇشىپ ارالاپ شىقتى, ونىڭ بارىسىندا تاراپتار ساردوبا سۋ قويماسىنىڭ دامباسىنان سۋ اعىنىنىڭ تولىق توقتاعانىنا كٶز جەتكٸزدٸ.
وسى كٷنٸ كەلٸسسٶز جٷرگٸزٸلدٸ, وندا تاراپتار ورىن العان جاعدايدى تالقىلاپ, تٶتەنشە جاعدايدىڭ سالدارىن جويۋ بويىنشا بٸرلەسكەن جۇمىستى اتقارۋعا كەلٸستٸ.
قازٸرگٸ تاڭدا ٶزبەك تاراپى ٶزبەكستان اۋماعىندا بٶگەتتٸڭ بۇزىلۋىنىڭ سالدارىن جويۋ جۇمىستارىن جٷرگٸزۋمەن قاتار, تٷركٸستان وبلىسىنا, ەڭ الدىمەن فيردوۋسي جەنە ٶرگەباس اۋىلدارىنا, سۋ باسۋ سالدارىن جويۋعا جەردەمدەسۋ ٷشٸن 100-دەن استام تەحنيكا مەن مامانداردى جٸبەرگەن.
كەلٸسسٶز كەزٸندە تاراپتار ساردوبا سۋ قويماسىن قالپىنا كەلتٸرۋ مەسەلەسٸ جٶنٸندە ٶزارا كەلٸسٸلگەن جۇمىستاردى ۇيىمداستىرۋ تۋرالى كەلٸسٸمگە قول جەتكٸزدٸ.
كەزدەسۋ سوڭىندا تاراپتار ەكٸ ەل اراسىنداعى دەستٷرلٸ دوستىق پەن ستراتەگييالىق ەرٸپتەستٸك ساباقتاستىعىنداعى تىعىز ىنتىماقتاستىعىن ودان ەرٸ جالعاستىرۋعا نيەتتەستٸگٸن بٸلدٸردٸ.
