فوتو: اقوردا
قازاقستان مەن موڭعولييا پرەزيدەنتتەرٸ باق ٶكٸلدەرٸنە ارنالعان بريفينگ ٶتكٸزدٸ, دەپ حابارلايدى Ult.kz.
مەملەكەت باسشىسى موڭعولييانى ايماقتاعى ماڭىزدى سەرٸكتەس ەرٸ تاتۋ كٶرشٸ رەتٸندە اتاپ, پرەزيدەنت ۋحنااگيين حۋرەلسۋحتىڭ ەلٸمٸزگە ساپارىنا ايرىقشا مەن بەرٸپ وتىرعانىن ايتتى.
– بٸزدٸڭ تاريحىمىز بەن تامىرىمىز – ورتاق. ەكٸ ەل دە كٶشپەندٸلەر ٶركەنيەتٸ مەن «كيٸز ٷيلەر» مەدەنيەتٸنٸڭ مۇراگەرٸ سانالادى. قوس حالىقتىڭ بولمىسى مەن رۋحاني دٷنيەسٸ, ٶمٸر سالتى مەن ەدەت-عۇرپى – ٷندەس. سوندىقتان بٸز ەردايىم بٸر-بٸرٸمٸزگە تٸلەكتەس بولىپ, جەتٸستٸكتەرٸمٸزگە شىنايى قۋانامىز. سوڭعى جىلدارى قازاقستان مەن موڭعولييانىڭ قارىم-قاتىناسى تىڭ قارقىنمەن دامىپ كەلە جاتىر. وسىدان بٸر جارىم جىل بۇرىن موڭعوليياعا مەملەكەتتٸك ساپارمەن بارعانىمدى بٸلەسٸزدەر. قادٸرلٸ پرەزيدەنت ۋحنااگيين حۋرەلسۋح مىرزانىڭ جەنە بارشا موڭعول حالقىنىڭ ىقىلاس-ٸلتيپاتىن ەردايىم ريزاشىلىقپەن ەسكە الامىن. سول ساپار بارىسىندا Cتراتەگييالىق ەرٸپتەستٸك تۋرالى دەكلاراتسيياعا قول قويدىق. بۇل – مىڭجىلدىق باۋىرلاستىعىمىزدى بٸرجولا بەكٸتە تٷسكەن تاريحي قۇجات. قازٸرگٸ تاڭدا ەكٸ ەلدٸڭ پارلامەنتتەرٸ مەن قۇزىرلى مينيسترلٸكتەرٸ تىعىز بايلانىس ورناتقان. ٷكٸمەتارالىق كوميسسييا جەنە ٸسكەرلٸك كەڭەس تابىستى جۇمىس ٸستەپ كەلەدٸ. پرەزيدەنت حۋرەلسۋحتىڭ بٷگٸنگٸ ساپارى وسى ىنتىماقتاستىقتى نىعايتا تٷسەرٸ انىق, – دەدٸ قازاقستان پرەزيدەنتٸ.
قازاقستان پرەزيدەنتٸ ەلدەرٸمٸزدٸڭ بٸلٸم-عىلىم سالاسىنداعى ىنتىماقتاستىعىن نىعايتۋعا مول مٷمكٸندٸك بارىن اتاپ ٶتتٸ.
– بىلتىر استانادا ٶتكەن «Silk Way Star» حالىقارالىق ۆوكالدىق كونكۋرسىندا موڭعولييانىڭ ميشەل اتتى ەنشٸسٸ بٸرٸنشٸ ورىن الىپ, كٶرەرمەننٸڭ ىستىق ىقىلاسىنا بٶلەندٸ. مۇنداي جوبالار حالىقتارىمىزدىڭ عاسىرلار بويى قالىپتاسقان رۋحاني بايلانىسىن بەكەمدەيتٸنٸ سٶزسٸز, – دەدٸ قازاقستان پرەزيدەنتٸ.
قاسىم-جومارت توقاەۆ قازاقستان جىل سايىن موڭعول ازاماتتارىنا بٸلٸم گرانتتارىن بٶلٸپ كەلە جاتقانىنا نازار اۋداردى.
– بٸز گرانت سانىن كٶبەيتٸپ, موڭعوليياعا قاجەتتٸ ماماندار دايىنداۋ ٸسٸنە اتسالىسۋعا ەزٸرمٸز. بيىل موڭعولييادا «Study in Kazakhstan» بٸلٸم جەرمەڭكەسٸن ٶتكٸزۋ جوسپارلانۋدا. سونىمەن قاتار بٸز ۇلان-باتىر قالاسىندا قازاقستاننىڭ ٸرگەلٸ ۋنيۆەرسيتەتٸنٸڭ فيليالىن اشۋدى ۇسىندىق. بۇعان قوسا, ەكٸ ەلدٸڭ قالالارى اراسىنداعى باۋىرلاستىق قارىم-قاتىناستى ودان ەرٸ دامىتۋعا كەلٸستٸك. بۇل شارالار ەلدەرٸمٸزدٸڭ دوستىعىن بەكەمدەۋگە, ساۋدا-ەكونوميكالىق جەنە مەدەني-گۋمانيتارلىق بايلانىستى كٷشەيتۋگە جول اشادى. وسى جۇمىستى جالعاستىرا بەرۋ ماڭىزدى دەپ سانايمىن, – دەدٸ مەملەكەت باسشىسى.
قاسىم-جومارت توقاەۆ موڭعولييا پرەزيدەنتٸنٸڭ قازاقستانعا مەملەكەتتٸك ساپارى ٶتە نەتيجەلٸ ٶتٸپ جاتقانىن ايتتى.
– قازاقستان مەن موڭعولييانىڭ ايماقتىق جەنە جاھاندىق دەڭگەيدەگٸ كٶپتەگەن ٶزەكتٸ مەسەلە بويىنشا ۇستانىمدارى – ۇقساس. ەرتەڭ ٶتەتٸن ەكولوگييالىق سامميت – سونىڭ ايقىن كٶرٸنٸسٸ. بٸز موڭعولييامەن ىنتىماقتاستىقتى دامىتۋعا ايرىقشا كٶڭٸل بٶلەمٸز. حالىقارالىق ۇيىمدار اياسىندا بٸز بٸر-بٸرٸمٸزگە ٷنەمٸ قولداۋ كٶرسەتٸپ كەلەمٸز. بۇل ەلدەرٸمٸزدٸڭ ستراتەگييالىق سەرٸكتەستٸگٸ جەنە ٶزارا سەنٸمٸنٸڭ ناقتى كٶرٸنٸسٸ ەكەنٸ انىق. مەن مۇنى جوعارى باعالايمىن, – دەدٸ قازاقستان پرەزيدەنتٸ.
