ٸشكٸ ٸستەر مينيسترلٸگٸنٸڭ كٶشٸ-قون قىزمەتٸ قوس ازاماتتىققا قارسى كەلٸسٸمنٸڭ نە ٷشٸن ەزٸرلەنگەنٸن تٷسٸندٸردٸ, دەپ حابارلايدى Sputnik قازاقستان تٸلشٸسٸ.
كوميتەت تٶراعاسىنىڭ ورىنباسارى سابىرجان سەيٸتجانوۆتىڭ ايتۋىنشا, اتالعان قۇجاتتىڭ نەگٸزگٸ ماقساتى – قوس ازاماتتىققا جول بەرمەۋ. بۇدان بٶلەك, قۇجات رەسٸمدەۋ جۇمىستارى جەڭٸلدەي تٷسەدٸ.
"نەگٸزگٸ مەسەلە, قوس ازاماتتىق دەيمٸز عوي. زاڭناما بويىنشا بٸزدە قوس ازاماتتىق قاراستىرىلماعان. قىتايدا دا سولاي. ٶتكەن مامىر ايىندا قىتايدىڭ سىرتقى ٸستەر مينيسترلٸگٸنٸڭ ٶكٸلدەرٸ كەلگەن. سول كەزدە بٸز ولارمەن وسى مەسەلەنٸ تالقىلادىق. بٸز 2014 جىلدان بەرٸ قوس ازاماتتىققا قارسى كەلٸسٸمدٸ ەزٸرلەپ جاتىرمىز. ونى قىتاي تاراپىنا جٸبەرگەن بولاتىنبىز. قازٸر ولار دا وسى قۇجاتتى قاراپ جاتىر", - دەدٸ سەيٸتجانوۆ Sputnik قازاقستان تٸلشٸسٸنە بەرگەن سۇقباتىندا.
ونىڭ ايتۋىنشا, قازٸرگٸ جوبا بويىنشا قىتايدان كەلگەن ورالماندار قازاقستان ازاماتتىعىن السا, بۇل تۋرالى مەلٸمەت بٸردەن كٶرشٸ مەملەكەتكە جٸبەرٸلەدٸ.
"قىتاي تاراپى كەرەكتٸ بەلگٸ قويىپ, ولاردى ٶز ازاماتتىعىنان شىعاراتىن بولادى. ەندٸ, قازٸر ونىڭ بەرٸ قارالۋدا. ەگەر كەلٸسٸمدٸ قابىلداساق, ازاماتتىق العان ادامدار جايلى اقپارات بەرۋٸمٸزدٸ سۇرادى. قازٸر بٸز ونىڭ فورماسىن, مەحانيزمدەرٸن قاراپ جاتىرمىز. بەرۋدٸڭ قاجەتٸ بار ما, جوق پا? تٶلقۇجاتپەن بەرەمٸز بە? دەگەن مەسەلە شەشٸلۋٸ كەرەك. مۇنى جۇمىس بارىسىندا انىقتايمىز", - دەدٸ سەيٸتجانوۆ.
ماماننىڭ سٶزٸنە قاراعاندا, قىتايمەن اراداعى كەلٸسٸم رەسٸمدەلسە, قازاقستان ازاماتتىعىن العاندار بويىنشا ٶزارا اقپارات الماسۋ جەڭٸلدەي تٷسەدٸ.
"قازٸرگٸ تەرتٸپ بويىنشا قانداستارىمىز ازاماتتىق العاننان كەيٸن قىتاي ەلشٸلٸگٸنە بارىپ, ارىز جازۋى قاجەت. مەسەلەن, بٸر ادام قازاقستان ازاماتتىعىن الدى دەلٸك. سودان كەيٸن ەلشٸلٸككە بارىپ, ارىز جازادى دا, قىتاي ازاماتتىعىنان باس تارتادى. بٸراق بۇل كەيبٸر ازاماتتار ٷشٸن قولايسىز. سەبەبٸ بٸرەۋلەر الىس جەردە تۇرادى, وندايدا بارىپ-كەلۋ وڭاي ەمەس. وسىعان بايلانىستى بٸز بۇل تەرتٸپتٸ جەڭٸلدەتۋدٸ قاراستىرىپ جاتىرمىز. كەلٸسٸم رەسٸمدەلسە, قانداستارىمىزعا ەلشٸلٸككە بارۋدىڭ قاجەتٸ بولمايدى. بٸز ٶزٸمٸز اقپارات الماساتىن بولامىز", - دەيدٸ سەيٸتجانوۆ.
