2019 جىلعى 21-23 سەۋٸردە قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆتىڭ شاقىرۋىمەن كورەيا رەسپۋبليكاسىنىڭ پرەزيدەنتٸ مۋن چجە ين قازاقستان رەسپۋبليكاسىنا مەملەكەتتٸك ساپارمەن كەلدٸ.
2019 جىلعى 22 سەۋٸردە نۇر-سۇلتان قالاسىنداعى كەلٸسسٶزدەر بارىسىندا ەكٸ مەملەكەت باسشىلارى (بۇدان ەرٸ – تاراپتار) قازاقستان رەسپۋبليكاسى (بۇدان ەرٸ – قازاقستان) مەن كورەيا رەسپۋبليكاسى (بۇدان ەرٸ – كورەيا) اراسىنداعى ستراتەگييالىق ەرٸپتەستٸكتٸ ورناتۋدىڭ 10 جىلدىق مەرەيتويى قارساڭىندا ٶزارا سەنٸم مەن ٶزارا قۇرمەت كٶرسەتۋگە نەگٸزدەلگەن جوعارى دەڭگەيدەگٸ ەكٸ جاقتى ىنتىماقتاستىقتىڭ دامۋىن قاناعاتتانعاندىقپەن اتاپ ٶتتٸ. ەكٸ ەل اراسىنداعى ەرەكشە دوستىق قارىم-قاتىناستاردى راستاي وتىرىپ, تاراپتار ساياسي, ساۋدا-ەكونوميكالىق, ينۆەستيتسييالىق, يننوۆاتسييالىق, مەدەني, سپورت جەنە تۋريستٸك سالالارداعى ٶزارا تيٸمدٸ جەنە پراكتيكالىق ىنتىماقتاستىقتى نىعايتۋ جٶنٸندە ورتاق پٸكٸرگە كەلدٸ.
قازاقستان تاراپى ينفراقۇرىلىمدى دامىتۋدىڭ «نۇرلى جول» مەملەكەتتٸك باعدارلاماسىن, ونىڭ ٸشٸندە يننوۆاتسييالىق يندۋسترييالاندىرۋ مەسەلەسٸ بويىنشا كورەيامەن ىنتىماقتاستىقتىڭ ماڭىزدىلىعىن اتاپ ٶتتٸ. كورەيا تاراپى ەلەم مەن ەكونوميكانىڭ سينەرگيياسىنا نەگٸزدەلە وتىرىپ, ەكونوميكالىق دامۋعا قول جەتكٸزگەن قازاقستان «جاڭا سولتٷستٸك ساياسات» ستراتەگيياسىنداعى نەگٸزگٸ ەرٸپتەستەردٸڭ بٸرٸ بولىپ تابىلاتىنىن اتاپ ٶتتٸ. تاراپتار «نۇرلى جول» باعدارلاماسى مەن «جاڭا سولتٷستٸك ساياسات» ستراتەگيياسىن ٷيلەسٸمدٸ جٷزەگە اسىرۋ ٷشٸن ىنتىماقتاستىقتى نىعايتۋ قاجەت دەگەن ورتاق پٸكٸرگە كەلدٸ.
1. تاراپتار ەكٸ ەلدٸڭ اراسىنداعى ساياسي سەنٸمدٸ نىعايتۋدا تىعىز ىنتىماقتاستىق ورناتۋعا, پراكتيكالىق ىنتىماقتاستىقتى كەڭەيتۋگە جەنە ستراتەگييالىق ەرٸپتەستٸك نەگٸزٸندە ەكٸ ەلدٸڭ اراسىنداعى دوستىقتى دامىتۋعا كەلٸستٸ.
2. تاراپتار كورەيا تٷبەگٸنٸڭ دەنۋكلەاريزاتسييا مەسەلەسٸن قوسا العاندا, جاھاندىق كٷن تەرتٸبٸندەگٸ كٶپتەگەن مەسەلەلەر بويىنشا ەكٸ ەلدٸڭ ورتاق ۇستانىمعا يە ەكەنٸن اتاپ ٶتتٸ, سونداي-اق ٶڭٸرلٸك جەنە حالىقارالىق دەڭگەيلەردە بەيبٸتشٸلٸك پەن قاۋٸپسٸزدٸكتٸ نىعايتۋ سالاسىنداعى ەكٸجاقتى ىنتىماقتاستىقتى جالعاستىرۋعا ۋاعدالاستى.
3. كورەيا ورتالىق ازييا ەلدەرٸنٸڭ كٷش-جٸگەرٸمەن ٶڭٸردە يادرولىق قارۋدان ازات ايماق قۇرۋ تەجٸريبەسٸنە نازار اۋداردى. تاراپتار قازاقستاننىڭ دەنۋكلەاريزاتسييا مەن جاپپاي قىرىپ-جويۋ قارۋدى تاراتپاۋ سالاسىنداعى تەجٸريبەسٸمەن بٶلٸسۋگە دايىندىعىن ەسكەرە وتىرىپ, وسى باعىتتا ديالوگ پەن ىنتىماقتاستىقتى ودان ەرٸ جالعاستىرۋعا شەشتٸ.
4. تاراپتار كحدر يادرولىق پروبلەماسىن بەيبٸت جولمەن رەتتەۋ جەنە كورەيارالىق قاتىناستاردى دامىتۋ كورەيا تٷبەگٸندە عانا ەمەس, بٷكٸل ەلەمدە بەيبٸتشٸلٸك پەن تۇراقتىلىقتى نىعايتۋعا ىقپال ەتەدٸ دەگەن پٸكٸرگە كەلدٸ. وسى تۇرعىدا قازاقستان كورەيانىڭ تولىق دەنۋكلەاريزاتسيياعا قول جەتكٸزۋ جەنە كورەيا تٷبەگٸندە تۇراقتى بەيبٸت جٷيەنٸ قۇرۋ ٸسٸندە, سونداي-اق كورەيارالىق قارىم-قاتىناستاردى دامىتۋدا ٶزٸنٸڭ دەيەكتٸ قولداۋىن راستادى.
5. تاراپتار قازاقستان رەسپۋبليكاسىنىڭ تۇڭعىش پرەزيدەنتٸ – ەلباسى قورى مەن كورەي قورى اراسىنداعى يارولىق قارۋدى تاراتپاۋ جەنە كورەيا تٷبەگٸنٸڭ دەنۋكلەاريزاتسييا مەسەلەلەرٸن تەرەڭ تالقىلاۋىن وڭ باعالادى جەنە ەكٸ قور اراسىندا كەيٸنگٸ كونسۋلتاتسييالار ٶتكٸزۋ جٶنٸندە كٷش سالۋعا ۋاعدالاستى.
6. تاراپتار قازاقستان مەن كورەيا اراسىنداعى ەكٸجاقتى تاۋار اينالىمىنىڭ ٶسۋٸنە قاناعاتتانۋشىلىق بٸلدٸرٸپ, ساۋدا-ەكونوميكالىق جەنە ينۆەستيتسييالىق سالالارداعى ٶزارا تيٸمدٸ ەكونوميكالىق ىنتىماقتاستىقتى دامىتۋ ٷشٸن بٸرلەسكەن كٷش-جٸگەرلەرٸن جۇمساۋعا كەلٸستٸ. ينفراقۇرىلىمىنىڭ قۇرىلىسى, اۋىل شارۋاشىلىعى, دەنساۋلىق ساقتاۋ جەنە مەدەنيەت سيياقتى تٷرلٸ سالالارداعى ٶزارا ٸس-قيمىلدى دامىتۋ بويىنشا ناقتى باعىتتار كٶرسەتٸلگەن قازاقستان رەسپۋبليكاسى مەن كورەيا رەسپۋبليكاسىنىڭ «سامال جەل» جاڭا (جاڭارتىلعان) ەكونوميكالىق ىنتىماقتاستىق باعدارلاماسىنا قول قويۋدى قۇپتادى. تاراپتار وسى باعدارلامانىڭ ورىندالۋ بارىسىن ٷكٸمەتارالىق كوميسسييا شەڭبەرٸندە ٷنەمٸ باقىلاۋعا ۋاعدالاستى.
7. تاراپتار ساۋدا-ەكونوميكالىق جەنە عىلىمي-تەحنيكالىق ىنتىماقتاستىق جٶنٸندەگٸ ٷكٸمەتارالىق كوميسسييا ساۋدا جەنە ينۆەستيتسييالار سالاسىنداعى ەكٸجاقتى قارىم-قاتىناستاردى دامىتۋدا ماڭىزدى رٶل اتقاراتىنىن راستادى جەنە 2019 جىلعى 20 ناۋرىزدا ٶتكەن كوميسسييانىڭ 8-شٸ وتىرىسىنىڭ نەتيجەلەرٸن قۇپتادى.
8. تاراپتار 2019 جىلعى 22 سەۋٸردە نۇر-سۇلتان قالاسىندا ٶتكەن بيزنەس-فورۋمنىڭ قورىتىندىسىن جوعارى باعالادى جەنە ٸسكەر توپتار ٶكٸلدەرٸنٸڭ ۋاعدالاستىقتارىن تابىستى جٷزەگە اسىرۋ ٷشٸن ىنتىماقتاسۋعا ۋاعدالاستى, سونداي-اق كورەيانىڭ پرەزيدەنتٸ مۋن چجە يننٸڭ قازاقستانعا ساپارى اياسىندا قول قويىلعان كوممەرتسييالىق قۇجاتتار ساۋدا-ەكونوميكالىق ىنتىماقتاستىقتى ودان ەرٸ كەڭەيتۋگە ٷلەس قوساتىنىن اتاپ ٶتتٸ. وسى ماقساتتا ەكٸ ەلدٸڭ كٶشباسشىلارى قازاقستان مەن كورەيانىڭ ٸسكەر توپتارى اراسىنداعى ٶزارا ٸس-قيمىلدى ودان ەرٸ جانداندىرۋ ٷشٸن قولايلى جاعداي جاساۋدى قولدادى.
9. كورەي تاراپى «تسيفرلىق قازاقستان 2018-2022» مەملەكەتتٸك باعدارلاماسىنا قاتىسۋعا قىزىعۋشىلىق تانىتىپ, ەكونوميكانىڭ بارلىق سالالارىن تسيفرلاندىرۋ بويىنشا تەجٸريبەسٸمەن بٶلٸسۋگە دايىن ەكەندٸگٸن بٸلدٸردٸ. سونداي-اق, قازاقستان كورەي تاراپىنىڭ نۇر-سۇلتان قالاسىندا قازاقستان-كورەيا بٸرلەسكەن حالىقارالىق IT-ورتالىعىن قۇرۋ تۋرالى باستاماسىن قولدادى.
10. تاراپتار پەرسپەكتيۆالى سالالاردا, ونىڭ ٸشٸندە 4-شٸ ٶنەركەسٸپتٸك رەۆوليۋتسييا سالاسىندا ٶزارا تيٸمدٸ ىنتىماقتاستىقتىڭ قاجەتتٸلٸگٸن تانىدى جەنە جوعارى تەحنولوگييالار سالاسىنداعى بٸرلەسكەن جوبالاردى ٷنەمٸ كەڭەيتۋگە ۇمتىلاتىن بولادى. ەكٸ مەملەكەت باسشىلارى قازاقستاننىڭ تسيفرلىق دامۋ, قورعانىس جەنە اەروعارىش ٶنەركەسٸبٸ مينيسترلٸگٸ مەن كورەيانىڭ عىلىم جەنە اقپاراتتىق-كوممۋنيكاتسييالىق تەحنولوگييالار مينيسترلٸگٸ اراسىنداعى 4-شٸ ٶنەركەسٸپتٸك رەۆوليۋتسييا سالاسىنداعى ىنتىماقتاستىق تۋرالى مەموراندۋمعا قول قويۋدى قۇپتادى. سونداي-اق, تاراپتار ەكٸ ەلدٸڭ 4-شٸ ٶنەركەسٸپتٸك رەۆوليۋتسييا دەۋٸرٸنە تابىستى كٸرە الاتىنىنا جەنە كورەيانىڭ وسى ەلدە العاش رەت ەنگٸزٸلگەن 5G موبيلدٸ جەلٸلەر پايدالانۋ تەجٸريبەسٸ ارقىلى يننوۆاتسييالاردى ينكليۋزيۆتٸ ٶسٸرۋ مٷمكٸندٸكتەرٸن پايدالانا الاتىنىنا سەنٸم بٸلدٸردٸ.
11. تاراپتار دەنساۋلىق ساقتاۋ سالاسىنداعى, اتاپ ايتقاندا, دەنساۋلىقتى ساقتاندىرۋ جٷيەسٸن دامىتۋ, دەنساۋلىق ساقتاۋ, مەديتسينالىق بٸلٸم مەن عىلىم, فارماتسييا سالالارىنداعى مەملەكەتتٸك-جەكەشەلٸك ەرٸپتەستٸكتٸ دامىتۋ, اۋرۋلاردى دياگنوستيكالاۋ مەن ەمدەۋدە زاماناۋي تەحنولوگييالاردى پايدالانۋ بويىنشا تەجٸريبە الماسۋداعى ىنتىماقتاستىقتىڭ ماڭىزدىلىعىن اتاپ ٶتتٸ.
12. تاراپتار «ٷلكەن الماتى اينالما اۆتوكٶلٸك جولىنىڭ قۇرىلىسى» (ٷاااج) جوباسى اياسىندا جۇمىستاردىڭ ساپالى جەنە ۋاقىتىلى اياقتالاتىنىنا سەنٸم بٸلدٸردٸ. مەملەكەت باسشىلارى ٷاااج جوباسى شەڭبەرٸندە تابىستى ٶزارا ٸس-قيمىل قازاقستاننىڭ ستراتەگييالىق جوبالارىنا كورەيانىڭ ودان ەرٸ قاتىسۋى ٷشٸن سەرپٸن بەرەتٸنٸنە تٷسٸنٸستٸك بٸلدٸردٸ.
13. تاراپتار قازاقستان مەن كورەيا اراسىنداعى كٶلٸك قاتىناستارىن دامىتۋ بويىنشا بٸرلەسكەن كٷش-جٸگەردٸ جالعاستىرۋعا بەل بايلاعانىن بٸلدٸردٸ. وسىعان وراي, لوگيستيكا جەنە ترانزيت سالاسىنداعى ىنتىماقتاستىقتى ەرەكشە اتاپ ٶتتٸ. ەكٸ ەل باسشىلارى وسى سالاداعى ىنتىماقتاستىقتى تەرەڭدەتۋدٸڭ جەنە ٶزارا تيٸمدٸ باعىتتاردى قاراستىرۋدىڭ ماڭىزدىلىعىن باسا ايتتى. قازاقستان ليانيۋنگانداعى (قىتاي) قازاقستاندىق تەرمينالدى پايدالانۋدى كەڭەيتۋ بويىنشا ىنتىماقتاستىققا مٷددەلٸ ەكەنٸن بٸلدٸردٸ, ال كورەي تاراپى بۇل ٷشٸن بٸرلەسٸپ كٷش سالۋدى ۇسىندى.
14. تاراپتار «ارال تەڭٸزٸنٸڭ قۇرعاق تٷبٸنٸڭ فيتومەليوراتسيياسى» جوباسىن قوسا العاندا ورمان شارۋاشىلىعى سالاسىنداعى ىنتىماقتاستىقتىڭ نەتيجەلەرٸن جوعارى باعالاي وتىرىپ, ورتالىق ازييا ايماعىنىڭ ورمان سەلدٸرەۋٸن الدىن الۋ ٷشٸن حالىقارالىق ۇيىمدارمەن, ونىڭ ٸشٸندە ازييا ورمان شارۋاشىلىعى ۇيىمىمەن (AFoCO) ورمان شارۋاشىلىعى سالاسىنداعى ىنتىماقتاستىقتى نىعايتۋ قاجەتتٸگٸ تۋرالى پٸكٸر بٸلدٸردٸ.
15. تاراپتار عارىش سالاسىنداعى ىنتىماقتاستىققا دايىن ەكەندٸكتەرٸن راستادى جەنە عارىش كەڭٸستٸگٸن بەيبٸت ماقساتتا بٸرلەسٸپ زەرتتەۋ ەكٸ ەلدٸڭ عارىش قىزمەتٸنٸڭ دامۋىنا ٷلەس قوساتىنى تۋرالى پٸكٸر بٸلدٸردٸ. وسىعان وراي, مەملەكەت باسشىلارى قازاقستاننىڭ تسيفرلىق دامۋ, قورعانىس جەنە اەروعارىش ٶنەركەسٸپ مينيسترلٸگٸ مەن كورەيانىڭ عىلىم جەنە اقپاراتتىق-كوممۋنيكاتسييالىق تەحنولوگييالار مينيسترلٸگٸ اراسىنداعى عارىش كەڭٸستٸگٸن بەيبٸت ماقساتتا بٸرٸگٸپ زەرتتەۋ جەنە پايدالانۋ سالاسىنداعى ٶزارا تٷسٸنٸستٸك تۋرالى مەموراندۋمعا قول قويۋدى قۇپتادى.
16. تاراپتار قازاقستاننىڭ بٸلٸم جەنە عىلىم مينيسترلٸگٸ مەن كورەيانىڭ بٸلٸم مينيسترلٸگٸ اراسىنداعى بٸلٸم بەرۋ سالاسىنداعى ىنتىماقتاستىق جٶنٸندەگٸ ٶزارا تٷسٸنٸستٸك تۋرالى مەموراندۋمعا قول قويۋدى قۇپتاي وتىرىپ, كورەيا ٷكٸمەتٸنٸڭ تٷرلٸ باعدارلامالارى بويىنشا قازاقستاندىق ازاماتتارعا قولداۋ كٶرسەتۋدٸ كٷشەيتۋ ارقىلى بٸلٸم بەرۋ سالاسىنداعى ادامي رەسۋرستارمەن الماسۋدى جانداندىرۋ تۋرالى شەشٸم قابىلدادى.
سونداي-اق, تاراپتار تٷرلٸ سالالاردا, ونىڭ ٸشٸندە مەدەني-گۋمانيتارلىق سالادا الماسۋدى كەڭەيتۋگە ۋەدەلەستٸ جەنە, ەسٸرەسە, ديپلوماتييالىق قارىم-قاتىناستار ورناتىلۋىنىڭ 30-جىلدىعىنا وراي 2022 جىلدى مەدەني الماسۋ جىلى دەپ بەلگٸلەپ, تٷرلٸ مەرەيتويلىق ٸس-شارالاردى ٶتكٸزۋگە كەلٸستٸ.
17. قازاقستان تاراپى قازاقستاننىڭ مەملەكەتتٸك قىزمەتكەرلەرٸنٸڭ ەلەۋەتٸن نىعايتۋداعى كورەيانىڭ رٶلٸن جوعارى باعالادى. تاراپتار قازاقستاندا كادرلاردى باسقارۋ جٷيەسٸن جاڭعىرتۋ ٷشٸن بٸرلەسٸپ كٷش سالۋعا دايىن ەكەندٸكتەرٸن راستادى.
18. تاراپتار قازاقستان رەسپۋبليكاسى مەن كورەيا رەسپۋبليكاسى اراسىنداعى سوتتالعان ادامداردى بەرۋ تۋرالى شارتقا قول قويۋدى قۇپتاي وتىرىپ, اتالعان شارتتىڭ كٷشٸنە تەز ارادا ەنۋٸ ٶزارا تٷسٸنٸستٸك پەن ٶزارا سەنٸمدٸ نىعايتۋعا ىقپال ەتەتٸندٸگٸن, سونداي-اق قۇقىقتىق سالاداعى ىنتىماقتاستىقتى جاڭا دەڭگەيگە شىعاراتىنىن اتاپ ٶتتٸ.
19. تاراپتار قازاقستان مەن كورەيا اراسىنداعى ەسكەري-تەحنيكالىق ىنتىماقتاستىق جٶنٸندەگٸ بٸرلەسكەن كوميتەتتٸڭ تابىستى ٸسكە قوسىلۋىن قۇپتادى, 2019 جىلعى 27-28 اقپاندا نۇر-سۇلتان قالاسىندا ٶتكەن بٸرٸنشٸ وتىرىستىڭ نەتيجەلەرٸنە قاناعاتتانۋشىلىق بٸلدٸردٸ. بولاشاقتاعى ىنتىماقتاستىق ٷشٸن جاعىمدى ٷردٸستەردٸ اتاپ, ەكٸ ەلدٸڭ ەسكەري-ٶنەركەسٸپتٸك كەشەندەرٸ اراسىنداعى بايلانىستاردى جانداندىرۋعا ٷمٸت بٸلدٸردٸ.
20. تاراپتار ازييا ٶڭٸرٸندەگٸ سەنٸمدٸ كٷشەيتۋ ارقىلى بەيبٸتشٸلٸك پەن تۇراقتىلىقتى جەنە حالىقارالىق قاۋىمداستىقتىڭ ورنىقتى دامۋىن نىعايتۋ بويىنشا بٸرلەسكەن كٷش-جٸگەر سالۋدى جالعاستىرۋ قاجەتتٸگٸ تۋرالى ورتاق پٸكٸر بٸلدٸردٸ. تاراپتار ديالوگ ارقىلى الماسۋدى كەڭەيتۋگە, ىنتىماقتاستىقتى نىعايتۋعا جەنە ٶزارا سەنٸمدٸ تەرەڭدەتۋگە ىقپال ەتەتٸن ازيياداعى ٶزارا ٸس-قيمىل جەنە سەنٸم شارالارى كەڭەسٸنٸڭ (اٶسشك) تۇعىرناماسىن جوعارى باعالادى.
تاراپتار ەلدەرٸ ٷيلەستٸرەتٸن اٶسشك ٶلشەمدەرٸنٸڭ شەڭبەرٸندە تيٸستٸ ٸس-شارالار ٶتكٸزۋ جولىمەن اٶسشك-نٸڭ سەنٸم شارالارىن ودان ەرٸ ٸلگەرٸلەتۋ ٷشٸن دەيەكتٸ تٷردە كٷش سالۋعا كەلٸستٸ.
21. تاراپتار بۇۇ-نى قوسا العاندا, حالىقارالىق ۇيىمداردا ٶزارا ىنتىماقتاستىقتى نىعايتۋدى جالعاستىرۋدى جاقتادى. كورەيا بۇۇ قاۋٸپسٸزدٸك كەڭەسٸنٸڭ 2017-2018 جىلدارداعى تۇراقتى ەمەس مٷشەسٸ رەتٸندە قازاقستاننىڭ بەلسەندٸ قىزمەتٸن, سونداي-اق بەيبٸتشٸلٸك پەن تۇراقتىلىقتى نىعايتۋداعى قازاقستاننىڭ دەلدالدىق رٶلٸن جوعارى باعالادى.
22. تاراپتار 2007 جىلى جۇمىسىن باستاعاننان بەرٸ «ورتالىق ازييا – كورەيا رەسپۋبليكاسى» فورۋمى تۇراقتى كٶپجاقتى كونسۋلتاتيۆتٸك ديالوگ رەتٸندە تابىستى دامىپ, كورەيا مەن ورتالىق ازييا ەلدەرٸ اراسىندا ٶزارا سەنٸمدٸ نىعايتۋعا جەنە الماسۋلاردى جانداندىرۋعا ٷلەس قوسقانىن اتاپ ٶتتٸ جەنە فورۋمدى دامىتۋ ٷشٸن بٸرلەسكەن كٷش-جٸگەر سالۋعا كەلٸستٸ. تاراپتار 2019 جىلعى قازاندا نۇر-سۇلتان قالاسىندا سىرتقى ٸستەر مينيسترلەرٸ دەڭگەيٸندە «ورتالىق ازييا - كورەيا رەسپۋبليكاسى» 12-شٸ فورۋمىن ٶتكٸزۋدٸ قۇپتادى. تاراپتار 2017 جىلى رەسمي تٷردە اشىلعان «ورتالىق ازييا - كورەيا رەسپۋبليكاسى» فورۋمىنىڭ حاتشىلىعى كورەيا مەن ورتالىق ازييا ەلدەرٸ اراسىنداعى ەكٸجاقتى جەنە كٶپجاقتى ىنتىماقتاستىقتىڭ جاڭا جوبالارىن انىقتاۋعا جەنە ٸلگەرٸلەتۋگە مٷمكٸندٸك تۋعىزاتىنىن اتاپ ٶتٸپ, حاتشىلىقتى كٷشەيتۋ ارقىلى جوبالاردى كەڭەيتۋ ەرٸ دامىتۋ جولدارىن بەلسەندٸ تٷردە قاراستىرۋعا نيەتتەستٸگٸن راستادى.
23. تاراپتار ەكٸ ەل پارلامەنتتەرٸ اراسىنداعى ەكٸجاقتى قارىم-قاتىناستاردى جوعارى باعالادى, سونداي-اق قازاقستان پارلامەنتٸنٸڭ مەجٸلٸسٸ, كورەيانىڭ ۇلتتىق اسسامبلەياسى جەنە رەسەي فەدەراتسيياسىنىڭ مەملەكەتتٸك دۋماسى 2019 جىلعى 23-24 قىركٷيەكتە نۇر-سۇلتاندا «ٷلكەن ەۋرازييا: ديالوگ. سەنٸمدٸلٸك. ەرٸپتەستٸك» تاقىرىبىندا ۇيىمداستىراتىن ەۋرازييا ەلدەرٸ پارلامەنتتەرٸ سپيكەرلەرٸنٸڭ 4-شٸ كەڭەسٸن تابىستى ٶتكٸزۋ ٷشٸن كٷش سالۋعا ۋەدەلەستٸ.
24. تاراپتار كورەيا پرەزيدەنتٸ مۋن چجە يننٸڭ قازاقستانعا جاساعان مەملەكەتتٸك ساپارىنىڭ قورىتىندىلارىنا قاناعاتتانۋشىلىق بٸلدٸرٸپ, جوعارعى دەڭگەيدەگٸ بەلسەندٸ ٶزارا ٸس-قيمىل ەكٸجاقتى قاتىناستاردىڭ دامۋىنا ايتارلىقتاي سەرپٸن بەرەتٸنٸن ەرەكشە اتاپ ٶتتٸ. پرەزيدەنت مۋن چجە ين قازاقستاننىڭ ٷكٸمەتٸ مەن حالقىنا قوناقجايلىلىق ٷشٸن العىسىن بٸلدٸرٸپ, قازاقستان پرەزيدەنتٸ ق.توقاەۆتٸ ەكٸ تاراپقا ىڭعايلى ۋاقىتتا كورەياعا ساپارمەن كەلۋگە شاقىردى. پرەزيدەنت ق.توقاەۆ شاقىرۋدى العىسپەن قابىلدادى.
نۇر-سۇلتان قالاسى
2019 جىلعى 22 سەۋٸر
