قازاقستان پرەمەر-مينيسترٸ ەليحان سمايىلوۆ ەلٸمٸزگە رەسمي ساپارمەن كەلگەن گرۋزييا پرەمەر-مينيسترٸ يراكليي گاريباشۆيليمەن كەلٸسسٶز جٷرگٸزدٸ, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
كەزدەسۋ بارىسىندا تاراپتار ساۋدا-ەكونوميكالىق ىنتىماقتاستىق, ٶزارا ينۆەستيتسييالار مەن بيزنەس-بايلانىستاردى كەڭەيتۋ, ەكٸ ەلدٸڭ تۋريستٸك ەلەۋەتٸن دامىتۋ, جاڭا ەۋە رەيستەرٸن اشۋ, سونداي-اق مەدەني-گۋمانيتارلىق سالاداعى ٶزارا ٸس-قيمىل مەسەلەلەرٸن تالقىلادى.
ەليحان سمايىلوۆ قازٸرگٸ ۋاقىتتا بٸرلەسكەن كٷش-جٸگەردٸڭ ارقاسىندا ٶزارا تاۋار اينالىمىنىڭ رەكوردتىق كٶرسەتكٸشتەرگە جەتكەنٸن اتاپ ٶتتٸ. تاۋار اينالىمى $31,7 ملن-نان $147,7 ملن-عا دەيٸن ٶستٸ, بۇل ٶتكەن جىلدىڭ ۇقساس كەزەڭٸمەن سالىستارعاندا 4,7 ەسە كٶپ.
«وڭ ديناميكانى ساقتاۋ ٷشٸن بٸزدە بارلىق مٷمكٸندٸكتەر مەن قۇرالدار بار. بٷگٸن قول قويىلعان ٶزارا تاۋار اينالىمىنىڭ نومەنكلاتۋراسىن كەڭەيتۋ جٶنٸندەگٸ 2023-2026 جىلدارعا ارنالعان جول كارتاسى ەكٸ ەل اراسىنداعى ساۋداعا قوسىمشا سەرپٸن بەرەتٸنٸنە سەنٸمدٸمٸن», — دەدٸ قر پرەمەر-مينيسترٸ.
ٶز كەزەگٸندە يراكليي گاريباشۆيلي قازاقستان مەن گرۋزييانىڭ ازىق-تٷلٸك قاۋٸپسٸزدٸگٸ مەن جٷك تاسىمالداۋدى قوسا العاندا, كٶپتەگەن سالادا ىنتىماقتاستىقتى كەڭەيتۋ بويىنشا ەلەۋەتٸ زور ەكەنٸن اتاپ ٶتتٸ.
«ەكٸ ەل اراسىندا ساۋدا, ينۆەستيتسييالىق جەنە بيزنەس-ىنتىماقتاستىق قارقىندى دامىپ كەلەدٸ. بٸرلەسكەن جوبالار اياسىندا تابىستى كووپەراتسييانىڭ كٶپتەگەن مىسالدارى بار. سونىمەن بٸرگە بٸز ەكٸ ەل ەكونوميكاسىن دامىتۋ ٷشٸن ودان دا كٶپ جۇمىس جاساي الامىز. سوندىقتان جاڭا مٷمكٸندٸكتەر مەن ٶزارا تيٸمدٸ باعىتتاردى قاراستىرۋ قاجەت», — دەدٸ يراكليي گاريباشۆيلي.
كەزدەسۋدە تاراپتار ترانسكاسپيي حالىقارالىق كٶلٸك باعدارىن (تحكب) دامىتۋ مەسەلەلەرٸن دە تالقىلادى.
ونىڭ بەسەكەگە قابٸلەتتٸلٸگٸن ارتتىرۋ ٷشٸن تەمٸرجول ۋچاسكەلەرٸ مەن تەڭٸز پورتتارىنداعى ينفراقۇرىلىمدىق شەكتەۋلەردٸ الىپ تاستاۋ, سونداي-اق قولدانىستاعى تاريفتەردٸ قايتا قاراۋ قاجەتتٸگٸ اتاپ ٶتٸلدٸ.
«بۇل جوبا ەكٸ ەل ٷشٸن ستراتەگييالىق ماڭىزعا يە. قازاقستان تاراپتار مٷددەلەرٸنٸڭ تەڭگەرٸمٸن ساقتاي وتىرىپ, ٶڭٸردٸڭ كٶلٸك-ترانزيت ەلەۋەتٸن دامىتۋ جٶنٸندەگٸ بارلىق باستامالاردى قولدايدى. جالپى تحكب ەلەۋەتٸن ارتتىرۋ ٷشٸن باسقا قاتىسۋشىلارمەن بٸرگە «تار» تۇستارىن سينحروندى جويۋ جەنە ونىڭ ەلەۋەتٸن دامىتۋ بويىنشا 2022-2025 جىلدارعا ارنالعان جول كارتاسىن ەزٸرلەۋدٸ ۇسىنامىز», — دەدٸ ەليحان سمايىلوۆ.
سونىمەن قاتار قر پرەمەر-مينيسترٸ ەكٸ ەل اراسىنداعى تۋريستٸك ەلەۋەتتٸ, ونىڭ ٸشٸندە ەكو- جەنە ەتنو-تۋريزم تۇرعىسىنان دامىتۋدىڭ ماڭىزدىلىعىن ەرەكشە اتاپ ٶتتٸ.
بٷگٸنگٸ تاڭدا قازاقستان گرۋزيياعا 34 تٸكەلەي ەۋە رەيسٸن جٷزەگە اسىرادى. بۇل ورايدا قازاقستاننىڭ 12 ەۋەجايىندا شەتەلدٸك ەۋە كومپانييالارى ٷشٸن اشىق اسپان رەجيمٸ ەنگٸزٸلدٸ. ونىڭ اياسىندا رەيستەر سانى بويىنشا بارلىق شەكتەۋدٸ الىپ تاستاۋ كٶزدەلگەن.
كەزدەسۋ قورىتىندىسى بويىنشا تاراپتار بٸرقاتار ەكٸجاقتى قۇجاتتارعا قول قويدى: قازاقستان مەن گرۋزييا اراسىنداعى ٶزارا تاۋار اينالىمىنىڭ نومەنكلاتۋراسىن كەڭەيتۋ جٶنٸندەگٸ 2023-2026 جىلدارعا ارنالعان جول كارتاسى, قازاقستاننىڭ تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸ مەن گرۋزييانىڭ ەكونوميكا جەنە تۇراقتى دامۋ مينيسترلٸگٸ اراسىنداعى ىنتىماقتاستىق مەموراندۋمى, سونداي-اق «قازاقستان تەمٸر جولى» ۇك» اق مەن «گرۋزييا تەمٸر جولى» اق اراسىنداعى ىنتىماقتاستىق تۋرالى مەموراندۋم.
