قازاقستان پرەزيدەنتٸ قاسىم-جومارت توقاەۆ ەۋروپا كەڭەسٸ پارلامەنتتٸك اسسامبلەياسىنىڭ تٶراعاسى ريك دەمستٸ قابىلدادى, دەپ حابارلايدى "ۇلت اقپارات" اقورداعا سٸلتەمە جاساپ.
كەزدەسۋ بارىسىندا قازاقستان مەن ەۋروپا كەڭەسٸ اراسىنداعى ىنتىماقتاستىقتىڭ دامۋ پەرسپەكتيۆالارى تالقىلاندى. سونداي-اق ايماقتىڭ كٷن تەرتٸبٸنٸڭ ٶزەكتٸ مەسەلەلەرٸ, ونىڭ ٸشٸندە اۋعانستانداعى احۋال سٶز بولدى.
قاسىم-جومارت توقاەۆ ريك دەمسكە ٸلتيپات بٸلدٸرە وتىرىپ, ونىڭ ساپارى اتاۋلى داتا – قازاقستان تەۋەلسٸزدٸگٸنٸڭ 30 جىلدىعىمەن تۇسپا-تۇس كەلگەنٸن اتاپ ٶتتٸ.
– سٸزدٸڭ ساپارىڭىزدى دەل ۋاقىتىندا جاسالدى دەپ سانايمىن. ٶيتكەنٸ ول بٸزگە قول جەتكٸزگەن جەتٸستٸكتەرٸمٸزدٸ قورىتىندىلاۋعا جەنە ىنتىماقتاستىقتىڭ جاڭا باعىتتارىن پىسىقتاۋعا مٷمكٸندٸك بەرەدٸ, – دەدٸ پرەزيدەنت.
مەملەكەت باسشىسى ەۋروپا كەڭەسٸ پارلامەنتتٸك اسسامبلەياسىمەن جان-جاقتى ديالوگتى جالعاستىرۋدىڭ ماڭىزدى ەكەنٸن اتاپ ٶتتٸ. سونىمەن قاتار قاسىم-جومارت توقاەۆ ريك دەمسكە ادام قۇقىقتارى مەن زاڭ ٷستەمدٸگٸن نىعايتۋعا جەنە جەمقورلىققا قارسى كٷرەسكە باعىتتالعان قازاقستانداعى دەموكراتييالىق رەفورمالاردىڭ جٷزەگە اسىرىلۋى جٶنٸندە ايتتى.
ەۋروپا كەڭەسٸ پارلامەنتتٸك اسسامبلەياسىنىڭ تٶراعاسى قازاقستاندا جٷرگٸزٸلٸپ جاتقان ساياسي رەفورمالاردى قۇپتاپ, ەلٸمٸزدٸڭ ازاماتتىق جەنە ساياسي قۇقىقتار تۋرالى حالىقارالىق پاكتٸنٸڭ ەكٸنشٸ فاكۋلتاتيۆتٸك حاتتاماسىنا قول قويعانىن ەرەكشە اتاپ ٶتتٸ.
