ەزەربايجاننىڭ ەكونوميكا مينيسترٸ ميكايل دجابباروۆ, ەزەربايجان ينۆەستيتسييالىق حولدينگٸنٸڭ باس اتقارۋشى ديرەكتورى رۋسلان اليحانوۆ جەنە SOCAR پرەزيدەنتٸ م.ا. – بٸرٸنشٸ ۆيتسە-پرەزيدەنتٸ روۆشان نادجاف جەنە باسقا دا رەسمي لاۋازىم ٶكٸلدەرٸمەن ەڭگٸمەلەسۋ بارىسىندا قازاقستاندىق دەلەگاتسييا ەلٸمٸزدٸڭ ەۋروپاعا ەكسپورتتىق جٷك اعىندارىن ترانسكاسپيي باعىتى بويىنشا قايتا باعدارلاۋدىڭ ٶزەكتٸلٸگٸ كٷن تەرتٸبٸنە شىققانىن ايتتى.
تاراپتار ەزەربايجان ارقىلى مۇناي تاسىمالداۋعا قاتىستى ىنتىماقتاستىقتىڭ ماڭىزدىلىعىنا توقتالىپ, بۇل قازٸرگٸ قولدانىستاعى باعىتتارعا بالاما باعىت ەكەنٸن اتاپ ٶتتٸ. قازاقستاندىق دەلەگاتسييا ەزەربايجان رەسپۋبليكاسىنىڭ تسيفرلىق دامۋ جەنە كٶلٸك مينيسترٸ راشاد نابيەۆپەن دە كەزدەستٸ.
كەزدەسۋ بارىسىندا دەلٸز بويىنشا كٶلٸك تاريفتەرٸن بٸرٸزدەندٸرۋ, ەكٸ ەل ارقىلى ٶتەتٸن حالىقارالىق كٶلٸك دەلٸزدەرٸندە جٷك تاسىمالداۋ كٶلەمٸن ۇلعايتۋ ٷشٸن كەدەندٸك رەسٸمدەردٸ رەتتەستٸرۋ مەسەلەلەرٸ تالقىلاندى.
ايماقتا بولىپ جاتقان قاقتىعىس وقيعالارى مەن گەوساياسي جاعدايدىڭ كٷردەلەنۋٸ جاڭا اقيقاتتى الدىمىزعا شىعاردى. قازٸردٸڭ ٶزٸندە سۇرانىس ۇسىنىستان اسىپ كەتۋ قاۋپٸ تۋىندادى. اتالعان فاكتورلار نەگٸزٸندە جەتكٸزۋ قۇنى دا, كٷتۋ ۋاقىتى دا ارتىپ, ونىڭ تۇتىنۋشىعا كەرٸ ەسەرٸن تيگٸزەرٸ انىق. بۇل شىندىق ىنتىماقتاستىقتىڭ جاڭا شەڭبەرٸن قاراستىرۋدى جەنە ترانزيتتٸك جەنە كٶلٸكتٸك كوممۋنيكاتسييالاردى جاڭاشا قۇرۋدى تالاپ ەتەدٸ.
كەزدەسۋدە ەزەربايجان مەن قازاقستاننىڭ گەوگرافييالىق ەرەكشەلٸكتەرٸ - ولاردىڭ ەۋروپا مەن ازييانىڭ ٸرٸ ەكونوميكالىق ورتالىقتارىنىڭ اراسىندا ورنالاسۋى ەلدەر اراسىنداعى تيٸمدٸ جەنە جاقسى جولعا قويىلعان كٶلٸك جەلٸسٸن قامتاماسىز ەتۋ ٷشٸن ناقتى العىشارتتار جاساعانى باسا ايتىلدى.
باكۋ-تبيليسي-كارس تەمٸرجول جەلٸسٸ قۇرىلىسىنىڭ اياقتالۋى, بۇل مارشرۋتتى دامىتۋعا قوسىمشا سەرپٸن بەرمەك. بٸر ناقتى ەسەپ, قىتايدان قازاقستان ارقىلى تٷركيياعا تاۋار جەتكٸزۋ مەرزٸمٸ 12 كٷنگە دەيٸن قىسقارعانى سوعان دەيەك.
ەكٸ جاقتى كەزدەسۋ نەتيجەسٸندە "سامۇرىق-قازىنا" اق مەن ەزەربايجان رەسپۋبليكاسىنىڭ تسيفرلىق دامۋ جەنە كٶلٸك مينيسترلٸگٸ اراسىندا بٸرلەسكەن كەسٸپورىن قۇرۋ جەنە كٶلٸك-لوگيستيكالىق قىزمەتتٸ جٷزەگە اسىرۋ تۋرالى حاتتاماعا قول قويىلدى.
