اقش-تىڭ قازاقستانداعى ەلشٸسٸ دجوردج كرول بولاشاقتا ەكٸ ەل اراسىندا ۆيزاسىز تەرتٸپ بولۋى مٷمكٸن ەكەنٸن جوققا شىعارمادى. بۇل تۋرالى ول بٷگٸن مەملەكەت باسشىسى نۇرسۇلتان نازارباەۆتىڭ ۆاشينگتونعا رەسمي ساپارىنىڭ قورىتىندىسىنا وراي باق ٶكٸلدەرٸمەن بولعان كەزدەسۋدە ايتتى, دەپ حابارلايدى "ۇلت اقپارات".
«اقش-تىڭ ۆيزا ساياساتى نەگٸزٸنەن كٶپتەگەن اگەنتتٸكتەرگە, اتاپ ايتقاندا ەل ٷكٸمەتٸنە, مەملەكەتتٸك دەپارتامەنتكە قاتىستى. بٸز قازاقستاندىقتاردىڭ امەريكاعا كەلۋٸن جەڭٸلدەتۋدٸ قالايمىز. قازٸرگٸ ۋاقىتتا ۆيزانى 10 جىلعا بەرەمٸز. بۇرىن 5 جىل بولاتىن. مۇنان ارى قالاي كەڭەيتە الاتىندىعىمىزدى قاراستىرامىز. اقش پەن قازاقستان اراسىندا ۆيزاسىز رەجيم قاشان ورنايتىندىعىن دٶپ باسىپ ايتا المايمىن. دەگەنمەن, ونىڭ بولۋى مٷمكٸن ەكەندٸگٸن دە جوققا شىعارمايمىن. قازٸر بٸز بۇل ٶزەكتٸ مەسەلەنٸ ساتىلاي شەشٸپ جاتىرمىز», - دەيدٸ دجوردج كرول اقش ەلشٸلٸگٸندەگٸ جۋرناليستەرمەن ٶتكەن دٶڭگەلەك ٷستەل بارىسىندا.
مۇنىڭ الدىندا نۇرسۇلتان نازارباەۆ امەريكانىڭ پرەزيدەنتٸ دونالد ترامپقا قازاقستانداعى اقش ازاماتتارى ٷشٸن ەنگٸزٸلگەن ۆيزاسىز تەرتٸپكە قاتىستى جاۋاپ كٷتەتٸنٸن ايتقان بولاتىن.
