نۇر-سۇلتان قالاسىندا قازاقستان-امەريكا جاستار فورۋمى ٶتٸپ جاتىر, دەپ حابارلايدى قازاقپارات.
جاستار ۇيىمدارىنىڭ نەتۆوركينگ جەنە تەجٸريبە الماسۋ جوباسى اياسىندا ٶتكەن شاراعا اقش پەن قازاقستان اۋماعىندا تٸركەلگەن جاستار ۇيىمدارىنىڭ ٶكٸلدەرٸ مەن ەكٸ ەلدٸڭ بٸرلەسكەن جوبالارىنا تارتىلعان بەلسەندٸلەر قاتىستى.
فورۋمعا قر اقپارات جەنە قوعامدىق دامۋ مينيسترٸنٸڭ ورىنباسارى دانييار ەسين قاتىسىپ, ٶز قۇتتىقتاۋىن جەتكٸزدٸ.
«نۇر-سۇلتانعا قوش كەلدٸڭٸزدەر! بٸزدٸڭ قالانىڭ ەرەكشە ميسسيياسى بار. تۇڭعىش پرەزيدەنتٸمٸز - ەلباسى نۇرسۇلتان نازارباەۆتىڭ دانا ساياساتىنىڭ ارقاسىندا استانامىز ەلەمدە بەيبٸتشٸلٸك قالىپتاستىرۋعا بەلسەندٸ اتسالىسىپ كەلەدٸ. ەلەمدٸك دٸندەر سەزٸ سيياقتى اۋقىمدى شارالارعا الاڭ ۇسىنۋ دەستٷرگە ارنالعان. بٷگٸنگٸ فورۋم دا سونداي پايدالى شارانىڭ بٸرٸ بولادى دەگەن ٷمٸت بار. ەڭ باستىسى, بيىل ەلٸمٸزدە جاستار جىلى ٶتٸپ جاتىر. بٷگٸنگٸ فورۋم ارقىلى ەكٸ ەل جاستارىنىڭ تىعىز قارىم-قاتىناسىن جولعا قويا الامىز. فورۋم عىلىم, مەدەنيەت, سپورت سالاسىنداعى بٸرلەسكەن جوبالاردىڭ جٷزەگە اسۋىنا جول اشىپ, ٷزدٸك تەجٸريبەلەردٸ بٶلٸسۋگە مٷمكٸندٸك بەرەدٸ دەگەن ٷمٸتتەمٸز», - دەدٸ ۆيتسە-مينيستر.
فورۋم اياسىندا «Bolashaq» قاۋىمداستىعى, ازاماتتىق باستامالاردى قولداۋ ورتالىعى جەنە «Kazakhstan Trade Council» بٸرلەسكەن جوبالاردى جٷزەگە اسىرۋ بويىنشا ٷشجاقتى مەموراندۋم جاساستى. سونداي-اق, «Jas Otan» جەنە «Indiana University Fencing Club» اراسىندا, «استانا جاستارى» جەنە «Words Can Soar» حالىقارالىق ۇيىمىنىڭ اراسىندا كەلٸسٸمدەرگە قول قويىلدى.
