2018 جىلعى بٸرٸنشٸ توقسانىندا قازاقستاننىڭ سىرتقى قارىزى 0,8 ميلليارد اقش دوللارىنا قىسقارىپ, 166,6 ميلليارد اقش دوللارىن قۇرادى, دەپ حابارلادى ۇلتتىق بانكتٸڭ باسپاسٶز قىزمەتٸ.
"قارىزدىڭ ازايۋىنا قىتايدىڭ مەملەكەتتٸك جەنە قارجىلىق ۇيىمدارىنان تارتىلعان سىرتقى قارىزداردىڭ ٶتەلۋٸ, سونداي-اق قازاقستاندىق ەميتەنتتەردٸڭ بورىشتىق باعالى قاعازدارىنىڭ نارىقتىق قۇنىنىڭ تٶمەندەۋٸ جەنە سونىڭ سالدارىنان ولارعا سۇرانىستىڭ قۇلدىراۋى سەبەپ بولدى", — دەپ جازىلعان حابارلامادا.
بەيرەزيدەنتتەردٸڭ قولدارىنداعى ۇلتتىق بانكتٸڭ 1,4 ميللارد اقش دوللارىنا تەڭ قىسقا مەرزٸمدٸ نوتتارى وسى كەزەڭ ٸشٸندە 3 ەسەدەن استام ۇلعايدى.
2018 جىلدىڭ 1 سەۋٸرٸندە 27,1 ميلليارد اقش دوللارىن قۇراعان مەملەكەت باقىلايتىن ۇيىمداردىڭ سىرتقى بورىشى (بانكتەر مەن مەملەكەتتٸك سەكتور كاپيتالىنا 50%-دان استام تٸكەلەي نەمەسە جاناما قاتىساتىن ۇيىمدار) جەكە قاراستىرىلادى. 2018 جىلدىڭ بٸرٸنشٸ توقسانىندا شەتەلدٸك ەنشٸلەس ۇيىمداردان الىناتىن سىرتقى قارىزداردى يگەرۋدٸ جالعاستىرۋ ەسەبٸنەن قىتاي بانكتەرٸ الدىنداعى كرەديتتەر مەرزٸمٸنەن بۇرىن ٶتەلدٸ, سونداي-اق كۆازيمەملەكەتتٸك ەميتەنتتەر ەۋرووبليگاتسييالارىنىڭ نارىقتىق قۇنى تٶمەندەدٸ, سونىڭ ارقاسىندا قارىز 0,3 ميلليارد دوللارعا ازايدى.
