ەلباسى نۇرسۇلتان نازارباەۆ قىتايعا مەملەكەتتٸك ساپارى اياسىندا قىتايلىق بيزنەس كاپيتاندارىمەن كەزدەسۋ ٶتكٸزۋدە, دەپ حابارلايدى قازاقپارات تٸلشٸسٸ.
«قىتاي حالىق رەسپۋبليكاسى قازاقستان ٷشٸن اسا ماڭىزدى ستراتەگييالىق سەرٸكتەس سانالادى. بٸزدٸڭ ەلدەرٸمٸز اراسىنداعى قارىم-قاتىناس دوستىققا, ٶزارا سەنٸمگە نەگٸزدەلگەن. قىتاي - بٸزدٸڭ ساۋدا-ساتتىعىمىز بەن ٶزارا ينۆەستيتسييامىزدا ماڭىزدا ورىنعا يە. تەۋەلسٸزدٸك جىلدارىندا قىتاي بٸزدٸڭ ەلٸمٸزگە شامامەن 17 ملرد دوللار ينۆەستيتسييا سالدى. مەملەكەتتەرٸمٸز اراسىنداعى تاۋار اينالىمى ارتىپ كەلەدٸ. تەك 2017 جىلى عانا بٸزدٸڭ باعالاۋىمىزشا, 10,5 ملرد دوللار, قىتايلىق دەرەك بويىنشا 18 ملرد دوللاردى قۇراپ, ٶسٸم 33 پايىزدى قۇرادى», - دەدٸ ەلباسى.
قازاقستان پرەزيدەنتٸ بٷگٸندە قازاقستاندا قىتايلىق كومپانييالاردىڭ قاتىسۋىمەن ەكونوميكانىڭ مۇناي-گاز, حيمييا, تاماق ٶنەركەسٸبٸ, ماشينا جاساۋ, جەڭٸل ٶنەركەسٸپ سىندى تٷرلٸ سالالارىندا 1200-دەن استام كەسٸپورىن, سونىمەن قاتار قىتايلىق ٸرٸ ٷش بانك تابىستى جۇمىس ٸستەپ جاتقانىن ايتتى.
«بٷگٸن ماعان بايان ەتكەندەي, ٸسكەرلٸك كەڭەستٸڭ وتىرىسى ٶتتٸ. ونىڭ جۇمىسىنا ەكٸ تاراپتان 300-دەن استام بيزنەس ٶكٸلدەرٸ قاتىستى. 13 ملرد دوللاردان استام سوماعا شامامەن 40 قۇجاتقا قول قويىلدى», - دەدٸ نۇرسۇلتان نازارباەۆ.
ايتا كەتەيٸك, ەلباسى نۇرسۇلتان نازارباەۆ قىتايعا مەملەكەتتٸك ساپارمەن كەلٸپ, كەشە قحر تٶراعاسى سي تسزينپينمەن كەڭەيتٸلگەن قۇرامدا كەلٸسسٶزدەر ٶتكٸزدٸ.
نەتيجەسٸندە بٸرنەشە قۇجاتقا قول قويىلدى.
سونىمەن قاتار مەملەكەت باسشىسى قحر مەملەكەتتٸك كەڭەسٸنٸڭ پرەمەرٸ لي كەتسيانمەن, قر پرەزيدەنتٸ بٷكٸلقىتايلىق حالىق ٶكٸلدەرٸ جينالىسى تۇراقتى كوميتەتٸنٸڭ تٶراعاسى لي چجانشۋمەن كەزدەستٸ.
بٷگٸن, 8 ماۋسىم كٷنٸ نۇرسۇلتان نازارباەۆ بەيجٸڭدە حالىق باتىرلارى ەسكەرتكٸشٸنە گٷلدەستەسٸن قويۋ شاراسىنا قاتىستى.
ال 10 ماۋسىم كٷنٸ قر پرەزيدەنتٸ تسينداو قالاسىندا ٶتەتٸن شانحاي ىنتىماقتاستىق ۇيىمىنا مٷشە مەملەكەتتەر باسشىلارىنىڭ كەڭەسٸنە قاتىسادى دەپ كٷتٸلۋدە.
