قازاقستان قىتاي ارقىلى جىلىنا 2 ملن توننا كٶمٸر ەكسپورتقا شىعارادى. بۇل تۋرالى بٷگٸن ورتالىق كوممۋنيكاتسييالار قىزمەتٸندەگٸ بريفينگتە قر يندۋسترييا جەنە ينفراقۇرىلىمدىق دامۋ مينيسترٸ رومان سكليار ايتتى, دەپ حابارلايدى قازاقپارات.
«بٷگٸندە بۇل باعىتتاعى تيٸمدٸ جۇمىستى بايقاپ وتىرمىز. مۇنداي تەجٸريبەنٸ جالعاستىرۋ جاڭا جٸبەك جولىن نىعايتىپ, دامىتا تٷسۋگە قىزمەت ەتەتٸن بولادى. بٸز كٶلٸك-لوگيستيكالىق قۋاتتى ودان ارى دامىتۋعا, كٶلٸكتٸك ەلەۋەتتٸ تولىققاندى پايدالانۋعا نيەتتٸمٸز. بۇل ٶزارا تيٸمدٸ تاۋار اينالىمىن ارتتىرۋعا مٷمكٸندٸك بەرەدٸ. بۇعان قوسا, مەملەكەت باسشىسىنىڭ ساپارى اياسىندا جىلىنا 2 ملن تونناعا جۋىق قازاقستان كٶمٸرٸن قىتايدىڭ ليانيۋنگان پورتى ارقىلى وڭتٷستٸك شىعىس ازييا ەلدەرٸنە تاسىمالداۋ تۋرالى الدىن الا ۋاعدالاستىققا قول جەتكٸزٸلدٸ.سونىمەن قاتار پرەزيدەنتتٸڭ ساپارى اياسىندا اۆياتسييالىق ٸزدەۋ جەنە ازاماتتىق كەمەلەردٸ قۇتقارۋ سالاسىنداعى ىنتىماقتاستىق تۋرالى ٶتە ماڭىزدى ٷكٸمەتارالىق كەلٸسٸمگە قول قويىلدى», - دەدٸ ول قر پرەزيدەنتٸ قاسىم-جومارت توقاەۆتىڭ قىتايعا ساپارىنا وراي.
سونىمەن قاتار مينيستر قازاقستان مەن قىتايدىڭ تەرمينالداردى جەنە كٶلٸكتٸك ينفراقۇرىلىمداردى بٸرلەسٸپ پايدالانۋدىڭ ەلەۋەتٸ زور ەكەندٸگٸن باسا ايتتى. بۇل باعىتتاعى ەكٸ ەلدٸڭ ىنتىماقتاستىعى كونتەينەرلٸك تاسىمالدىڭ ارتا تٷسۋٸنە سەپتٸگٸن تيگٸزەدٸ.
«نۇرلى جول» باعدارلاماسىن «بٸر جول - بٸر بەلدەۋ» باستاماسىمەن تٷيٸندەستٸرۋ جوسپارىن جٷزەگە اسىرۋ اياسىندا 4 جىلدىڭ ٸشٸندە قىتاي-ەۋروپا-قىتاي باعدارىنداعى كونتەينەرلٸك تاسىمال كٶلەمٸ 15 ەسە ٶستٸ. بۇل باعىتتا 2014 جىلى كونتەينەرلٸك جٷك تاسىمالىنىڭ كٶلەمٸ 21 مىڭ بولسا, ٶتكەن جىلدىڭ قورىتىندىسىندا 310 مىڭ كونتەينەرگە جەتتٸ. جىل سايىنعى ٶسٸم 50 پايىزدان اسىپ تٷسەدٸ«, - دەدٸ رومان سكليار.
