22 مامىردا قازاقستان اۋىل شارۋاشىلىعى مينيسترلٸگٸ قىرعىزستاننان كارتوپ, الما مەن قۇرما ەكەلۋگە سالىنعان تىيىمنىڭ كٷشٸن جويدى. قىرعىزستان ٷكٸمەتٸنٸڭ باسپاسٶز قىزمەتٸنە سٸلتەگەن ازاتتىقتىڭ قىرعىز قىزمەتٸ تىيىمدى الىپ تاستاۋ تۋرالى كەلٸسٸم جاسالعانىن حابارلادى.
قازاقستان تاراپى مۇنداي تىيىمدى 19 اقپاندا قويعان. ەلدٸڭ اۋىل شارۋاشىلىعى مينيسترلٸگٸ قىرعىزستاننان تۇتىنۋعا ارنالعان جەنە تۇقىم رەتٸندە قولدانىلاتىن كارتوپتى, الما مەن قۇرمانى, ٶزبەكستاننان اناردى الىپ كٸرۋگە تىيىم سالعان. مينيسترلٸك بۇعان "وسى ەلدەردەن كەلەتٸن تاۋارلار اراسىندا تالاپقا ساي ەمەس ٶنٸمنٸڭ جيٸلەپ كەتۋٸ سەبەپ" دەگەن.
سول كەزدە قىرعىزستان اۋىل شارۋاشىلىعى مينيسترلٸگٸ نۋربەك مۋراشەۆ "قازاقستان تاراپى سۋ كٶلەمٸن باقىلاپ وتىرۋ ٷشٸن ورتو-توكوي جەنە كيروۆ بٶگەندەرٸنە باقىلاۋ كامەراسىن ورناتۋدى سۇرادى. بٸشكەك بۇعان كەلٸسپەگەن سوڭ نۇر-سۇلتان بٸرنەشە اۋىل شارۋاشىلىعى تاۋارىنا شەكتەۋ قويدى" دەپ مەلٸمدەگەن.
28 اقپاندا نۇر-سۇلتاندا ٶتكەن ٷكٸمەتارالىق كەلٸسسٶزدە قازاقستان تاراپى تىيىمداردى الىپ تاستاۋعا دايىن ەكەنٸن ايتقان. ەكٸ ەل كەلٸسسٶزدەن سوڭ قىرعىزستاندا تاۋارلاردى تەكسەرۋدٸ كٷشەيتۋ بويىنشا جول كارتاسىنا قول قويعان. 17 پۋنكتٸدەن تۇراتىن قۇجاتتاعى العاشقى مٸندەتتەمەلەردٸ بٸشكەك بيىلعى شٸلدەگە دەيٸن ورىنداۋى تيٸس.
