قازاقستان ۇلتتىق بانكٸ تٶتەنشە جاعداي باستالعان سەتتەن باستاپ ٸشكٸ نارىقتاعى احۋالدى جٸتٸ باقىلاۋىندا ۇستاپ وتىر, دەپ حابارلايدى قازاقپارات.
بانك ٶتٸمدٸلٸگٸن قولداۋ ٷشٸن ۇلتتىق بانك ستاندارتتى قۇرالدارعا قوسىمشا قازاقستان قور بيرجاسىندا (KASE) رەپو وپەراتسييالارى ارقىلى ٶتٸمدٸلٸكتٸ 3 ايعا دەيٸنگٸ مەرزٸمگە قولداۋ تەتٸگٸن پايدالانا باستادى.
ەكٸنشٸ دەڭگەيلٸ بانكتەردٸڭ بارلىق قاجەتتٸلٸكتەرٸ تولىق كٶلەمدە قاناعاتتاندىرىلىپ وتىر.
الماتى قالاسى مەن باسقا دا ٶڭٸرلەردەگٸ احۋال تۇراقتالىپ, بايلانىس تەتٸكتەرٸ رەت-رەتٸمەن قالپىنا كەلۋٸنە بايلانىستى 2022 جىلعى 12 قاڭتاردان باستاپ قازاقستان قور بيرجاسىنىڭ ۆاليۋتا الاڭىندا ساۋدا-ساتتىق, ەكٸنشٸ دەڭگەيلٸ بانكتەردٸڭ جەنە بانكتٸك ەمەس ايىرباستاۋ پۋنكتتەرٸنٸڭ ۆاليۋتالىق ايىرباستاۋ وپەراتسييالارى, سونداي-اق حالىقارالىق تٶلەمدەر مەن اۋدارىمدار قايتا جاندانادى.
ورىن العان كەلەڭسٸز وقيعالار كەزٸندە قارجىلىق تۇراقتىلىققا قولداۋ كٶرسەتۋ ماقساتىندا مەملەكەت باسشىسىنىڭ تاپسىرماسىنا سەيكەس, ۇلتتىق بانك قاجەتتٸلٸككە قاراي ٶزٸنٸڭ تٸكەلەي قاتىسۋىمەن جاعداي تولىق تۇراقتالعانشا ۆاليۋتالىق ينتەرۆەنتسييالار جٷرگٸزۋ جەنە نارىقتىڭ ٸشكٸ, سىرتقى قاتىسۋشىلارى تاراپىنان تەڭگەگە دەگەن سەنٸمدٸ قالپىنا كەلتٸرۋ ارقىلى ۆاليۋتا نارىعىنىڭ تەڭگەرٸمدٸلٸگٸن قامتاماسىز ەتەدٸ.
