2017 جىلدىڭ 1 قازانىندا ٶتكەن جىلدىڭ سەيكەس كەزەڭٸمەن سالىستىرعاندا قازاقستان حالقىنىڭ سانى 231 مىڭ ادامعا كٶبەيدٸ. بۇل تۋرالى "ۇلت اقپارات" قر ۇلتتىق ەكونوميكا مينيسترلٸگٸنٸڭ باسپاسٶز قىزمەتٸنە سٸلتەمە جاساپ حابارلايدى.
«2017 جىلعى 1 قازاندا ەلٸمٸزدەگٸ حالىق سانى 18 096,9 مىڭ ادامدى قۇرادى. ونىڭ ٸشٸندە قالالىقتار - 10 383, 3 مىڭ (57,4%), اۋىلدىقتار - 7 713,6 مىڭ ادام (42,6%). 2016 جىلعى 1 قازانمەن سالىستىرعاندا حالىق سانى 231,3 مىڭ ادامعا نەمەسە 1,3% ٶستٸ», - دەلٸنگەن ۆەدومستۆو اقپاراتىندا.
احات ورگاندارى ۇسىنعان ازاماتتىق حال اكتٸلەرٸ جازبالارىنداعى مەلٸمەتتەردٸ ٶڭدەۋ نەتيجەسٸندە 2017 جىلعى قاڭتار-قىركٷيەكتە دٷنيەگە كەلگەندەر سانى 293,3 مىڭ ادامدى قۇراعان. بۇل 2016 جىلعى قاڭتار-قىركٷيەككە قاراعاندا 6,2 پايىز از.
2017 جىلعى قاڭتار-قىركٷيەكتە رەسپۋبليكا حالقىنىڭ تابيعي ٶسٸمٸ 2016 جىلعى قاڭتار-قىركٷيەكپەن سالىستىرعاندا 18 مىڭ ادامعا نەمەسە 8,5 پايىزعا كەمٸپ, 194,9 مىڭ ادامدى قۇرادى.
قاراستىرىلىپ وتىرعان كەزەڭ ٸشٸندە 98,4 مىڭ ادام ٶمٸردەن وزعان. بۇل 2016 جىلعى قاڭتار-قىركٷيەككە قاراعاندا 1,3 پايىزعا از.
2017 جىلعى قاڭتار-قىركٷيەكتە رەسپۋبليكادا 1 جاسقا دەيٸنگٸ 2386 نەرەستە ٶلٸمٸ تٸركەلدٸ. 2016 جىلعى قاڭتار-قىركٷيەكپەن سالىستىرعاندا, 1 جاسقا دەيٸنگٸ شەتٸنەگەن نەرەستە سانى 13 پايىزعا كەمٸدٸ. نەرەستە ٶلٸم-جٸتٸمٸنٸڭ نەگٸزگٸ سەبەبٸ - پەريناتالدىق كەزەڭدە پايدا بولاتىن جاعدايلار. ودان 2017 جىلعى قاڭتار-قىركٷيەكتە 1195 نەرەستە قايتىس بولىپ, نەرەستەلەر اراسىنداعى جالپى ٶلٸم سانىنىڭ 50,1 پايىزىن قۇرادى. تۋا بٸتكەن اۋىتقۋلاردان 574, تىنىس ورگاندارى اۋرۋلارىنان - 151 جەنە جازاتايىم جاعدايدان, ۋلانۋدان جەنە جاراقاتتان - 129 نەرەستە قايتىس بولدى.
