2020 جىلدىڭ سوڭىنا دەيٸن قازاقستان حالقىنىڭ 99,3% كەڭ جولاقتى ينتەرنەتتٸ پايدالاناتىن بولادى, – دەپ حابارلايدى «ۇلت اقپارات».
بۇل تۋرالى قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸ حابارلادى.
اقپاراتقا سەيكەس, بيىلعى جىل باسىنان بەرٸ 649 شالعاي اۋىلعا تالشىقتى-وپتيكالىق بايلانىس جەلٸلەرٸ تارتىلىپ, كەڭ جولاقتى ينتەرنەت قوسىلدى. ال 2020 جىلدىڭ سوڭىنا دەيٸن بايلانىس وپەراتورلارى بارلىعى 1250-دەن استام اۋىلدى ساپالى ينتەرنەتپەن قامتاماسىز ەتەتٸن بولادى.
«ول ٷشٸن 20 مىڭ شاقىرىم تالشىقتى-وپتيكالىق بايلانىس جەلٸسٸ تارتىلۋدا. مەملەكەتتٸك-جەكەشەلٸك ەرٸپتەستٸك اياسىندا جٷزەگە اسىرىلىپ جاتقان جوبا 2018 جىلى باستالدى. ونىڭ باستى ماقساتى – 3700-دەن استام مەملەكەتتٸك ورگان مەن بيۋدجەتتٸك ۇيىمداردى, ونىڭ ٸشٸندە مەكتەپ, اۋرۋحانا, ەكٸمدٸك جەنە تاعى باسقاسىن كەڭ جولاقتى ينتەرنەتكە قوسۋ. سونىمەن قاتار, جوبا جٷزەگە اسىرىلا باستاعالى بەرٸ شالعايداعى 962 اۋىل جىلدامدىعى جوعارى ينتەرنەتپەن قامتىلدى», - دەدٸ ۆەدومستۆودان.
قر تسيفرلىق دامۋ مينيسترلٸگٸ تەلەكوممۋنيكاتسييا كوميتەتٸنٸڭ تٶراعاسى ۆيتاليي ياروشەنكونىڭ ايتۋىنشا, بۇل جوبا باسقا دا جوبالاردى جٷزەگە اسىرۋعا مٷمكٸندٸك تۋعىزباق.
«شالعايداعى اۋىلدارعا جىلدامدىعى جوعارى ينتەرنەتتٸ تارتۋ ٷشٸن ينفراقۇرىلىم قاجەت. قازٸر بايلانىس وپەراتورلارى تيٸستٸ ينفراقۇرىلىم - «وپتيكا» جەلٸسٸن تارتىپ جاتىر. بۇل, موبيلدٸك وپەراتورلارعا وسى «وپتوتالشىققا» قوسىلۋعا جەنە ساپالى ينتەرنەتپەن قامتۋعا مٷمكٸندٸك بەرەدٸ. وسىلايشا, 3G/4G موبيلدٸ تەحنولوگيياسى نەمەسە سىمسىز بايلانىسۋ تەحنولوگيياسى بويىنشا بٸر اۋىل عانا ەمەس, جاقىن ماڭداعى اۋىلدار دا كەڭ جولاقتى ينتەرنەتكە قوسىلادى», - دەپ اتاپ ٶتتٸ ۆ.ياروشەنكو.
مينيسترلٸك قازاقستاندا ينتەرنەت جەلٸسٸن ودان ەرٸ دامىتۋعا باعىتتالعان تاعى بٸر جوبا ٸسكە اسىرىلىپ جاتقانىن ەسكە سالدى.
«ونىڭ اياسىندا, 2020 جىلدىڭ سوڭىنا دەيٸن ۇيالى بايلانىس وپەراتورلارى 3G/4G موبيلدٸك جەنە FWA - FixedWireless Access سىمسىز بايلانىسۋ تەحنولوگييالارىن قولدانا وتىرىپ, تۇرعىن سانى 250-دەن كٶپ اۋىلداردىڭ بەرٸن كەڭ جولاقتى ينتەرنەتكە قوسادى. مينيسترلٸك ۇيالى بايلانىس وپەراتورلارىمەن بٸرگە ىنتىماقتاستىق تۋرالى تيٸستٸ مەموراندۋمعا قول قويدى. وسىلايشا, وسى جىلدىڭ سوڭىنا قاراي ەل حالقىنىڭ 99,3% كەڭ جولاقتى ينتەرنەتتٸ پايدالاناتىن بولادى», - دەدٸ ۆەدومستۆودان.
