«قازاقستان حالقىنا» قورىنىڭ تٶراعاسى بولات جەمٸشەۆ قور جۇمىسى تۋرالى ايتا كەلە, ەڭ الدىمەن كٸمدەرگە كٶمەك كٶرسەتٸلەتٸنٸن مەلٸم ەتتٸ, دەپ حابارلايدى قازاقپارات.
«ەرينە, قور حالىقتىڭ ەلەۋمەتتٸك جاعدايىن جاقسارتۋ جولىندا جۇمىس ٸستەيدٸ. دەگەنمەن بٸر قورعا سەنٸم ارتىپ, سودان ەلدٸڭ جاعدايى جاقسارىپ كەتەدٸ دەگەن قاتە تٷسٸنٸك. بٸز مەملەكەتتٸك ورگاندار ٸسكە اسىرىپ جاتقان ەلەۋمەتتٸك قولداۋ شارالارىن قايتالامايمىز. قازٸر بٸز ۇيىمداستىرۋ جۇمىسىمەن اينالىسىپ جاتىرمىز. سونىمەن قاتار العاشقى كٶمەك بەرۋ شاراسىن دا قولعا الدىق. بٸزدٸڭ العاشقى قايىرىمدىلىق جوبامىز - جاپپاي تەرتٸپسٸزدٸك كەزٸندە قىزمەت بارىسىندا قازا بولعان قۇقىق قورعاۋ جەنە ەسكەريلەردٸڭ وتباسىنا كٶمەك. جەنە اۋىر دەرتكە شالدىققان بالالارعا كٶمەك كٶرسەتكٸمٸز كەلەدٸ. بٷگٸندە جۇمىس وسى باعىتتا جٷرٸپ جاتىر. ەرينە, مەملەكەت تاراپىنان كٶمەك كٶرسەتٸلٸپ جاتىر, دەگەنمەن قولداۋ جاعى جەتپەي جاتقان جاندار دا بارشىلىق», - دەدٸ بولات جەمٸشەۆ «حابار 24» ارناسىنىڭ «وشاكباەۆ LIVE» تەلەباعدارلاماسىنىڭ ەفيرٸندە.
سونداي-اق, ەفير قوناعى قوردىڭ شتاتىنا قاتىستى تٷسٸنٸك بەردٸ.
«قوردىڭ شتاتى ٷلكەن ەمەس, بار-جوعى 25 ادام. ەسكەرەتٸن جايت, قورعا كٷنٸنە ەلدٸڭ تٷكپٸر-تٷكپٸرٸنەن قانشاما قاراجات تٷسٸپ جاتىر. 25 ادام ونىڭ بەرٸنە ەسەپ جٷرگٸزە المايدى. سوندىقتان بٸز ٶڭٸرلەر بويىنشا قوعامدىق قايىرىمدىلىق ۇيىمدارىمەن بٸرٸگٸپ جۇمىس ٸستەيتٸن بولامىز. بٸز ولاردى قارجىلاندىرمايمىز, تەك سەرٸكتەس رەتٸندە جۇمىس ٸستەيمٸز. ياعني اتالعان قوعامدىق ۇيىمدار بٸزگە كٶمەككە مۇقتاج جاندار مەن ولاردىڭ قۇجاتتارىن رەسٸمدەپ بەرەدٸ. ال بٸز بەرٸن تەكسەرٸپ, قايىرىمدىلىق جاساۋ تۋرالى شەشٸم قابىلدايمىز», - دەيدٸ ول.
