بٷگٸنگٸ تاڭدا قازاقستان قالالارىنا 498 جاساندى تىنىس الۋ اپپاراتى جەتكٸزٸلدٸ, دەپ حابارلايدى "ۇلت اقپارات" قر يندۋسترييا جەنە ينفراقۇرىلىمدىق دامۋ مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
ونىڭ ٸشٸندە نۇر-سۇلتان قالاسىنا 126, الماتىعا 64, شىمكەنتكە 156 اپپارات جەتكٸزٸلٸپ, قاجەتتٸلٸك تولىق ٶتەلدٸ. سونداي-اق, اقمولا وبلىسى 3, الماتى وبلىسى 32, اقتٶبە وبلىسىنا 25, قىزىلوردا وبلىسىنا 53 جەنە پاۆلودار وبلىسىنا 39 جاساندى تىنىس الۋ اپپاراتىن الدى. تاعى دا وسىنداي 276 اپپارات الماتى, اقتٶبە, پاۆلودار, تٷركٸستان جەنە قاراعاندى وبلىستارىنا بەرٸلەدٸ. 377 اپپاراتى ستەندتٸ سىناقتاردان ٶتٸپ جاتسا, 349-ى جٸبەرۋگە دايىن.
جالپى بيىلعى 15 قازانعا دەيٸن ەلٸمٸزدٸڭ بارلىق ٶڭٸرٸنە 1,5 مىڭداي جاساندى تىنىس الۋ اپپاراتىن جەتكٸزۋ جوسپارلانىپ وتىر. قازاقستاندا مەملەكەتتٸڭ قاتىسۋىمەن «قازاقستان اسەلسان ينجينيرينگ» جشس (نۇر-سۇلتان قالاسى) جەنە «تىنىس» اق (كٶكشەتاۋ قالاسى) كەسٸپورىندارى جاساندى تىنىس الۋ اپپاراتىن شىعارادى. بۇل كەسٸپورىندار - «قازاقستان ينجينيرينگ» ۇلتتىق كومپانيياسىنىڭ ەنشٸلەس ۇيىمدارى.
كوروناۆيرۋس پاندەميياسىنا بايلانىستى ەلدە قالىپتاسقان ەپيدەميولوگييالىق جاعدايعا وراي جاساندى تىنىس الۋ اپپاراتتارى جەتٸسپەۋشٸلٸگٸن ەسكەرٸپ, «قازاقستان اسەلسان ينجينيرينگ» جشس قىسقا ۋاقىت ٸشٸندە ٶكپەنٸ جاساندى جەلدەتەتٸن ستاتسيونارلىق اپپاراتتار ٶندٸرٸسٸن يگەردٸ. ال «تىنىس» اق «كٶكشەتاۋ-4پ» جاساندى تىنىس الۋ 680 موبيلدٸ اپپاراتىن شىعارادى.
مەديتسينا ماماندارىنىڭ پٸكٸرٸنشە, اپپارات قولدانۋعا ىڭعايلى ەرٸ سەنٸمدٸ جەنە ەلەكتر قۋاتىنا تەۋەلدٸ ەمەس. كەسٸپورىننىڭ ٶندٸرٸستٸك قۋاتى ايىنا 500 اپپارات شىعارۋعا جەتەدٸ.
ودان بٶلەك, «تىنىس» اق جاساندى تىنىس الۋ پورتاتيۆتٸ اپپاراتتارىن, «كٶكشەتاۋ 3» مەديتسينالىق بۇيىمداردىڭ تٷرلٸ نومەنكلاتۋراسىن, ونىڭ ٸشٸندە كٶپ رەتتٸك بەتپەردەلەردٸ, مٷگەدەكتەرگە ارنالعان اربالاردى جەنە ت. ب. زاتتاردى شىعارىپ جاتىر.
«بۇل كەسٸپورىنداردىڭ نەگٸزگٸ قىزمەتٸ قازاقستان رەسپۋبليكاسىنىڭ جەنە ٶزگە دە ەلدەردٸڭ قارۋلى كٷشتەرٸنٸڭ قاجەتتٸلٸكتەرٸ ٷشٸن جوعارى تەحنولوگييالىق ٶنٸمدەر شىعارۋعا باعىتتالعان. ال جاساندى تىنىس الۋ ٶندٸرٸسٸ مەديتسينالىق مەكەمەلەردٸڭ قاجەتتٸلٸكتەرٸن ٶتەۋگە باعىتتالعان مەملەكەتتٸك تاپسىرىس اياسىندا جولعا قويىلدى. كەسٸپورىندار قوسىمشا قاجەتتٸلٸك تۋىنداعان جاعدايدا مەديتسينالىق تەحنيكا مەن كەز كەلگەن ٶنٸمدٸ قاجەت مٶلشەردە ٶندٸرٸپ, جەتكٸزە الادى», - دەلٸنگەن حابارلامادا.
