«قازاقستان عارىش ساپارى» اق پرەزيدەنتٸ مەن ۇلتتىق عارىش اگەنتتٸگٸ تٶراعاسىنىڭ ورىنباسارى لاۋازىمدى قىزمەتٸن اسىرا پايدالاندى دەگەن كٷدٸككە ٸلٸنٸپ وتىر, دەپ حابارلايدى "ۇلت اقپارات".
نۇر-سۇلتان قالاسىنىڭ سىبايلاس جەمقورلىققا قارسى قىزمەتٸ «جەردٸ قاشىقتىقتان زوندتاۋ عارىش جٷيەسٸ» (جقزعج) جوباسىن جٷزەگە اسىرۋعا بٶلٸنگەن قاراجاتتىڭ جىمقىرىلۋىنا قاتىستى ٸستٸ تەرگەۋدە. تەرگەۋ بارىسىندا «قازاقستان عارىش ساپارى» اق پرەزيدەنتٸ مەن ۇلتتىق عارىش اگەنتتٸگٸ تٶراعاسى ورىنباسارىنىڭ لاۋازىمدى قىزمەتٸن اسىرا پايدالانعانى انىقتالعان.
«قوعامنىڭ بۇرىنعى باسشىسى 2009 جىلدىڭ 6 قازانىندا قارجىلىق-ەكونوميكالىق نەگٸزسٸز فرانتسۋزدىق «EADSAstrium» كومپانيياسىمەن قۇنى 260 ملن ەۋرو تۇراتىن ەكٸ سپۋتنيك جەتكٸزۋ تۋرالى كەلٸسٸمگە كەلگەن. سونىمەن قاتار قوعامنىڭ تاعى بٸر بۇرىنعى پرەزيدەنتٸ, كەيٸن مينيسترلٸكتەردٸڭ بٸرٸندە ۆيتسە-مينيستر بولعان ادام «استانا بانكٸ» اق-عا 1,6 ملرد تەڭگەنٸ نەگٸزسٸز سالۋىنا قاتىستى كٷدٸككە ٸلٸندٸ. اتالمىش بانكتەگٸ دەفولتقا بايلانىستى قاراجات قايتپاي قالعان», - دەپ حابارلايدى سىبايلاس جەمقورلىققا قارسى ٸس-قيمىل اگەنتتٸگٸنەن.
جەمقورلىققا قارسى كٷرەس قىزمەتكەرلەرٸ «قازاقستان عارىش ساپارى» مەن قازعارىشتىڭ وسى ٸسكە قاتىستى لاۋازىمدى تۇلعالارىنىڭ ٷيٸنە تٸنتۋ جٷرگٸزگەن. تٸنتۋ بارىسىندا ماڭىزدى قۇجاتتار مەن زاتتار, سونىمەن قاتار ۇلتتىق جەنە شەتەلدٸك ۆاليۋتاداعى قاراجات تەركٸلەنگەن.
«سونىمەن بٸرگە جوبانى جٷزەگە اسىرۋعا قاتىسقان لاۋازىمدى تۇلعالارعا قاتىستى قازٸر تەرگەۋ امالدارى جٷرگٸزٸلٸپ جاتىر. تەرگەۋ جالعاسۋدا» دەلٸنگەن حابارلامادا.
