ەلوردادا «رۋحاني جاڭعىرۋ» قازاقستاندىق قوعامدىق دامۋ ينستيتۋتى قازاقستان حالقىنىڭ جالپى تاريحي-مەدەني مۇراسىنا ەتنوستاردىڭ قوسقان ٷلەسٸ تۋرالى زەرتتەۋدٸڭ نەتيجەسٸن تانىستىردى. بۇل ەڭبەك ەل دامۋىنا ەلەۋلٸ ٷلەس قوسقان 50 كٶرنەكتٸ تۇلعادان تۇراتىن بٸرەگەي مەلٸمەتتەر بازاسى تٷرٸندە ۇسىنىلدى, دەپ حابارلايدى قازاقپارات.
«بٸزدٸڭ ەلٸمٸز تەۋەلسٸز ۇلتتىق مەملەكەتتٸلٸكتٸڭ ٶزٸندٸك ٷلگٸسٸن قۇرا الدى, ونىڭ نەگٸزگٸ قۇرامداستارى: پاتريوتيزم, ەتنومەدەني دەستٷرلەر مەن قوعامدىق كەلٸسٸم قۇندىلىقتارى بولىپ تابىلادى. سوندىقتان «رۋحاني جاڭعىرۋ» اياسىندا جٷزەگە اسىرىلاتىن وسىنداي جوبالار ۇلتتىق بٸرلٸكتٸ نىعايتۋدا ەرەكشە ماڭىزعا يە بولادى. بٸزدٸڭ تاريحي-مەدەني مۇرامىز – ەلدە تۇراتىن بارلىق ەتنوستاردىڭ ورتاق رۋحاني جەنە زيياتكەرلٸك ٷلەسٸنٸڭ نەتيجەسٸ ەكەنٸن ناقتى مىسالدار ارقىلى كٶرسەتكٸمٸز كەلەدٸ», - دەپ اتاپ ٶتتٸ «رۋحاني جاڭعىرۋ» قازاقستاندىق قوعامدىق دامۋ ينستيتۋتى» كەاق باسقارما تٶراعاسى كەمەلبەك ويشىباەۆ «قازاقستان ەتنوستارى: ەلٸمٸزدٸڭ دامۋىنا قوسقان ٷلەستەرٸ. بٸز بٸرگەمٸز» اتتى رەسپۋبليكالىق عىلىمي-تەجٸريبەلٸك كونفەرەنتسييادا.
وسى ورايدا ول قازاق جەرٸندەگٸ دامۋ ٷردٸسٸنە لايىقتى ٷلەستەرٸن قوسقان تٷرلٸ ەتنوس ٶكٸلدەرٸنەن تۇراتىن تانىمال تۇلعالاردىڭ مەلٸمەتتەر بازاسى قۇرىلعانىن اتاپ ٶتتٸ. بۇل جۇمىستار اياسىندا قىزۋ پٸكٸرسايىستار ۇيىمداستىرىلدى.
«تالقىلاۋ شارالارىنان كەيٸن ەڭ تانىمال 50 ادادى ٸرٸكتەپ, ولارعا قاتىستى كٸتاپ شىعارىلدى. وسى تۇلعالاردى ٷلگٸ ەتە وتىرىپ, بٸز جاس بۋىندى تەربيەلەيتٸن بولامىز»,- دەدٸ كەمەلبەك ويشىباەۆ.
ولاردىڭ اراسىندا كومپوزيتور, پروفەسسور برۋسيلوۆسكيي ەۆگەنيي گريگورەۆيچ, اڭىزعا اينالعان فولكلوريست, ەتنوگراف, كومپوزيتور زاتاەۆيچ الەكساندر ۆيكتوروۆيچ تە بار.
ايتا كەتۋ كەرەك, حح عاسىردىڭ باسى مەن ورتاسىنىڭ مەدەنيەت جەنە قوعام قايراتكەرلەرٸمەن قاتار, ەڭبەكتە گەرولد بەلگەر, نينا پاترۋشەۆا, اناتوليي حراپاتىي, دەنيس تەن جەنە باسقا دا قازٸرگٸ قازاقستاننىڭ دامۋىنا ٷلەس قوسقان قازاقستاندىقتاردىڭ ەڭبەگٸ اتاپ ٶتٸلدٸ.
ٶز كەزەگٸندە قوعامنىڭ جاڭعىرۋىن زەرتتەۋ جەنە تالداۋ باسقارماسىنىڭ جالپى ۇلتتىق كەلٸسٸم سالاسىنداعى پروتسەستەردٸ زەرتتەۋ توبىنىڭ باس ساراپشى-مەنەدجەرٸ رۋزييا قاماروۆا بيىل ەلٸمٸزدٸڭ تٶرت قالاسىندا كونفەرەنتسييا اياسىندا ديالوگ الاڭى قۇرىلعانىن اتاپ ٶتتٸ.
«وسى كونفەرەنتسييا اياسىندا بٸرنەشە قالادا تٶرت ديالوگ الاڭدارىن قۇردىق. وسى ورايدا ٶسكەمەن, اقتٶبە, پەتروپاۆل جەنە شىمكەنت قالالارى قامتىلدى. وسى ديالوگ الاڭدارىندا بٸزدٸڭ الدىڭعى قاتارلى تاريحشىلارىمىز, ارحيۆ سالاسىنىڭ, ەتنومەدەني بٸرلەستٸكتەردٸڭ ٶكٸلدەرٸ شاقىرتىلدى. بۇل تۇرعىدا قازاقستاننىڭ دامۋىنا قوسقان ٷلەسٸ بويىنشا قاي تۇلعالاردى بەلگٸلەۋدٸڭ ەدٸستەمەسٸ پىسىقتالدى. وسى تٶرت ديالوگ الاڭى قورىتىندىسى بويىنشا بٸرٸنشٸ كەزەڭدە 50 تۇلعانى ٸرٸكتەپ, ولاردىڭ ٶمٸربايانى اياسىندا بٸزدە كٸتاپ باسىلىپ شىعارىلدى. بٸراق تا بۇل اتقارىلاتىن جۇمىستاردىڭ تەك باستاۋى بولىپ وتىر. بۇدان كەيٸن بٸز وسى تٸزٸمدٸ كەڭەيتۋ ٷشٸن جۇمىستاردى جالعاستىرماقپىز. اتاپ ايتقاندا, قازاقستان تاريحىندا ەلٸمٸزدەگٸ بارلىق ەتنوستاردىڭ قوسقان ٷلەسٸ قامتىلادى جەنە بٸز ونى ۇمىتا المايمىز», - دەدٸ رۋزييا قاماروۆا.
.jpeg)