مەملەكەت كەسٸپكەرلٸكتٸ «داعدارىسقا قارسى» كرەديتتەۋدەن بٸرتٸندەپ شىعىپ كەلە جاتىر, دەپ حابارلايدى قازاقپارات ranking.kz پورتالىنا سٸلتەمە جاساپ.
ٶتكەن جىلى قازاقستاندىقتاردى كوروناۆيرۋس ينفەكتسيياسىنان قورعاۋ ٷشٸن ۇزاقمەرزٸمدٸ كارانتيندٸك جەنە شەكتەۋ ٸس-شارالارى ەنگٸزٸلگەن ەدٸ. دەل وسى جايت ەل ەكونوميكاسىنا تەرٸس ەسەرٸن تيگٸزدٸ. بيزنەس پەن ازاماتتاردىڭ ەكونوميكالىق بەلسەندٸلٸگٸ ايتارلىقتاي تٶمەندەپ, كٶپتەگەن كەسٸپورىن ٶندٸرٸسٸن قىسقارتتى نەمەسە سۇرانىستىڭ جوقتىعىنان قىزمەتٸن توقتاتۋعا مەجبٷر بولدى. 2020 جىلدىڭ باسىنان 2021 جىلدىڭ ناۋرىزىنا دەيٸن ٸسكەرلٸك بەلسەندٸلٸك يندەكسٸ تەرٸس ايماقتا تۇردى. پاندەمييانىڭ كٷردەلٸ كەزەڭٸندە ەل پرەزيدەنتٸ ەكونوميكانىڭ ودان ارى قۇلدىراۋىنا جول بەرمەۋ ٷشٸن قولداۋ ٸس-شارالارىن قولعا الۋدى تاپسىردى. وسىدان كەيٸن داعدارىسقا قارسى ٸس-شارالارعا 6,3 ترلن تەڭگە بٶلٸندٸ.
بۇل باستامالاردى جٷزەگە اسىرۋعا قاتىسقان ۆەدومستۆولاردىڭ بٸرٸ – قر ۇلتتىق بانكٸ. رەتتەۋشٸ ٷلەسٸ 2,3 ترلن تەڭگەنٸ نەمەسە داعدارىسقا قارسى ٸس-شارالار كٶلەمٸنٸڭ ٷشتەن بٸرٸن قۇرادى.
وتاندىق كەسٸپورىندارعا جالپى سوماسى 977,2 ملرد تەڭگە بولاتىن 3 362 جەڭٸلدەتٸلگەن زايم بەرٸلدٸ. بۇل ەكونوميكانىڭ باسىم سالالارىندا, ونىڭ ٸشٸندە قايتا ٶڭدەۋ ٶنەركەسٸبٸ مەن اگروٶنەركەسٸپ كەشەنٸندە جۇمىس ٸستەيتٸن كەسٸپورىندارعا ٶندٸرٸستٸك ەلەۋەتٸن ساقتاۋعا مٷمكٸندٸك بەردٸ.
قولداۋ ٸس-شارالارىنىڭ ارقاسىندا 1,5 مىڭ كەسٸپكەر ٸسكەرلٸك بەلسەندٸلٸگٸن ساقتاپ, 95 مىڭنان استام ازاماتتىڭ تۇراقتى جۇمىسپەن قامتىلۋىنا مٷمكٸندٸك بەردٸ. رەتتەۋشٸ بٶلگەن قاراجات 1,1 ترلن تەڭگەگە 11,5 مىڭنان استام جوبانى قارجىلاندىرۋعا باعىتتالدى. سونىمەن قاتار مەملەكەت باسشىسىنىڭ تاپسىرماسىمەن ۇلتتىق بانك جۇمىسپەن قامتۋ جول كارتاسىن جٷزەگە اسىرۋعا قاتىستى. بانك باعدارلاماعا بٶلٸنگەن 1,1 ترلن تەڭگەنٸڭ 800 ملرد تەڭگەسٸن قامتاماسىز ەتتٸ. بۇل 2020 جىلدىڭ قورىتىندىسىندا 6,5 مىڭنان استام ينفراقۇرىلىمدىق جوبانى جٷزەگە اسىرۋعا جۇمىس ورىندارىن ساقتاپ قالۋعا, ەلٸمٸزدٸڭ بارلىق ٶڭٸرٸندە 238,9 مىڭ ۋاقىتشا جەنە 6,6 تۇراقتى جۇمىس ورنىن اشۋعا مٷمكٸندٸك بەردٸ.
ەكونوميكا ٶسٸمٸنٸڭ قارقىنى قايتا قالپىنا كەلگەننەن كەيٸن ۇلتتىق بانك مەملەكەتتٸك باعدارلامالاردى قولداۋدان بٸرتٸندەپ باس تارتا باستادى. ەكونوميكانى كرەديتتەۋ باعدارلاماسىنان شىعۋ ەڭ الدىممەن قارجىلاندىرۋ تەك قانا نارىقتىق پرينتسيپتەرمەن جٷزەگە اسىرىلۋى ٷشٸن قاجەت. قارجى نارىعىنىڭ تابىستى دامۋى اقشا رەسۋرستارىنىڭ قۇنىن نارىق انىقتايتىن بەسەكەلەستٸك ورتانىڭ قالىپتاسۋىمەن تٸكەلەي بايلانىستى. رەتتەۋشٸنٸڭ كرەديتتەۋ باعدارلاماسىنا قاتىسۋىن جالعاستىرۋى باقىلاۋسىز ينفلياتسييانىڭ ٶسۋٸنە, ۆاليۋتا نارىعىنىڭ تۇراقسىزدانۋىنا, سونىڭ سالدارىنان ۇزاقمەرزٸمدٸ ەكونوميكالىق ٶسٸمنٸڭ تٶمەندەۋٸنە الىپ كەلۋٸ مٷمكٸن.
