قر دەنساۋلىق ساقتاۋ مينيسترٸنٸڭ بٸرٸنشٸ ورىنباسارى مارات شورانوۆ ٷكٸمەت وتىرىسىندا قازاقستاننىڭ ەپيداحۋال بويىنشا ەلەم ەلدەرٸنٸڭ اراسنىدا قانداي ورىندا تۇرعانىن اتادى, دەپ حابارلايدى قازاقپارات.
«ەلەمدە كۆي-دٸڭ 248 ميلليوننان استام جاعدايى تٸركەلگەن. تەۋلٸگٸنە 300 مىڭنان استام جاعداي تٸركەلەدٸ. 5 ميلليوننان استام ادام قايتىس بولدى.
دٷنيەجٷزٸلٸك دەنساۋلىق ساقتاۋ ۇيىمىنىڭ ەۋروپا ٶڭٸرٸنٸڭ دەرەكتەرٸ بويىنشا سوڭعى ەكٸ اپتادا 53 ەلدٸڭ 45-ٸندە سىرقاتتانۋدىڭ ٶسۋٸ بايقالادى», - دەدٸ مارات شورانوۆ.
ۆيتسە-ۆينيستردٸڭ دەرەگٸ بويىنشا, سوڭعى 14 كٷندە سىرقاتتانۋ دەڭگەيٸ ماجارستاندا بارىنشا ۇلعايعان.
«بۇل ەلدە اۋرۋ 230 پايىزدان ارتىق, پولشادا – 200 پايىزدان ارتىق, اۋسترييادا – 100 پايىزدان ارتىق, ەزەربايجان جەنە گەرمانييادا 80 پايىزدان ارتىق ٶسكەن.
سىرقاتتانۋدىڭ ٶسۋٸ ەۋروپانىڭ 9 ەلٸندە تٶمەندەدٸ. ونىڭ ٸشٸندە يزرايلدە 57 پايىز, تٷركييادا 9 پايىز, يسپانييادا 7 پايىز كەمٸگەن. قازاقستاندا سوڭعى ەكٸ اپتادا اۋرۋ 11 پايىز تٶمەندەدٸ.
ەلەمدٸك رەيتينگكە سەيكەس 222 ەلدٸڭ ٸشٸندە قازاقستان سىرقاتتانۋ كٶرسەتكٸشٸ بويىنشا 105 ورىندا, ٶلٸم كٶرسەتكٸشٸ بويىنشا 102 ورىندا تۇر», - دەدٸ ۆيتسە-مينيستر.
