2018 جىلدىڭ قاڭتارىنان قازاقستان بٸرٸككەن ۇلتتار ۇيىمىنىڭ قاۋٸپسٸزدٸك كەڭەسٸنە تٶراعالىق ەتەتٸن بولادى. بۇل تۋرالى بٷگٸن اقوردادا قازاقستانداعى تٶتەنشە جەنە ٶكٸلەتتٸ ەلشٸ بولىپ تاعايىندالعان بٸرقاتار شەتەلدٸڭ ديپلوماتىنان سەنٸم گراموتاسىن قابىلداعان ەلباسى نۇرسۇلتان نازارباەۆ ايتتى, دەپ حابارلايدى "ۇلت اقپارات".
«2018 جىلدىڭ قاڭتار ايىندا بٸزدٸڭ ەل بۇۇ قاۋٸپسٸزدٸك كەڭەسٸنە بٸرٸنشە رەت تٶراعالىق ەتەتٸن بولادى. وسى حالىقارالىق ورگان اياسىندا بٸز بارلىق ەرٸپتەستەرمەن تابىستى جۇمىس ٸستەۋگە نيەتتٸمٸز», - دەپ اتاپ ٶتتٸ مەملەكەت باسشىسى.
سونىمەن قاتار ەلباسى قازاقستاننىڭ بٷگٸنگٸ ەكونوميكاسى ٸسكەرلٸك ىنتىماقتاستىققا كەڭ مٷمكٸنشٸلٸك, زور ەلەۋەت اشىپ وتىرعانىن باسا ايتتى.
«بٸز شەتەلدٸك ەرٸپتەستەرمەن ساۋدا-ەكونوميكالىق قارىم-قاتىناسىمىزدى نىعايتۋعا مٷددەلٸمٸز. قازاقستاندا ەۋرازييالىق ەكونوميكالىق وداققا, ورتالىق ازييا مەن قىتاي نارىعىنا شىعاتىن ينفراقۇرىلىم قالىپتاستى. ەكونوميكالىق ىنتىماقتاستىق پەن دامۋ ۇيىمىنىڭ, ەۋروپالىق وداق پەن ازييانىڭ كٶپتەگەن ەلدەرٸ ٷشٸن ۆيزاسىز رەجٸم ەنگٸزٸلدٸ», - دەدٸ قازاقستان پرەزيدەنتٸ.
نۇرسۇلتان نازارباەۆ ينۆەستورلار مەن بيزنەسمەندەردٸڭ ٶزارا تيٸمدٸ ٸس-قيمىل ورناتۋ ماقساتىندا ەلٸمٸزدە قازاقينۆەست, قازاقەكسپورت ۇلتتىق كومپانييالارى قۇرىلعانىن ەسكە سالدى.
«ەكسپو-نىڭ مۇراسى رەتٸندە بٸرنەشە ٸرٸ نىساندار جۇمىسىن باستايتىن بولادى. ولار: استانا حالىقارالىق قارجى ورتالىعى, جاسىل تەحنولوگييالاردى دامىتۋ جٶنٸندەگٸ بۇۇ-نىڭ حالىقارالىق ورتالىعى جەنە ٸت-ستارتاپتاردىڭ حالىقارالىق تەحنوپاركٸ. سٸزدەردٸڭ ەلدەرٸڭٸز وسى جوبالاردى ٸسكە اسىرۋعا بەلسەندٸ قاتىسادى دەپ سەنەمٸن», - دەدٸ ەلباسى شەتەلدٸك ديپلوماتتارعا قاراتا.
.jpeg)