اتىراۋدا كٶكتەمگٸ بالىق اۋلاۋ ماۋسىمىندا 6,5 مىڭ تونناعا جۋىق بالىق اۋلاندى, دەپ حابارلايدى "ۇلت اقپارات".
ٶڭٸرلٸك كوممۋنيكاتسييالار قىزمەتٸنٸڭ حابارلاۋىنشا, 6 492 توننا بالىق اۋلانىپ, بەلگٸلەنگەن ليميت 87 %-عا يگەرٸلگەن.
اتىراۋ وبلىستىق بالىق شارۋاشىلىعى باسقارماسىنىڭ اقپاراتىنا سٷيەنسەك, بيىل كٶكتەمگٸ بالىق اۋلاۋ ماۋسىمىنا جايىق-كاسپيي باسسەينٸ بويىنشا 7434 توننا كۆوتا بٶلٸنگەن. ونىڭ ٸشٸندە كاسپيي تەڭٸزٸنەن – 3 190 توننا, جايىق ٶزەنٸنەن – 2 223 توننا, قيعاش ٶزەنٸنەن – 2 021 توننا بالىق اۋلانۋى جوسپارلانعان. ٶتكەن جىلمەن سالىستىرعاندا, كەسٸبي تٷردە بالىق اۋلاۋ كٶلەمٸ 794 تونناعا ٶسكەن. ال, بىلتىر 5 698 توننا بولاتىن.
«بيىل اۋلانعان بالىقتىڭ 5000 تونناسى ٶڭدەلٸپ, 4069 تونناسى رەسەي فەدەراتسيياسى, ۋكراينا, ەزەربايجان جەنە يزرايل ەلدەرٸنە ەكسپورتتالدى. قازٸر اتىراۋ وبلىسىنىڭ اۋماعىندا تٷرلٸ مەنشٸك نىسانىنداعى 18 ٶندٸرٸستٸك كەسٸپورىن بالىق اۋلاۋ جەنە قايتا ٶڭدەۋمەن اينالىسادى. ونىڭ اراسىندا ەكٸ بەكٸرە بالىعىن ٶسٸرۋ زاۋىتى بار. ولار – «جايىق-اتىراۋ» بەكٸرە بالىق ٶسٸرۋ زاۋىتى» رمقك, «اتىراۋ بەكٸرە بالىق ٶسٸرۋ زاۋىتى» رمقك» -دەدٸ وبلىستىق بالىق شارۋاشىلىعى باسقارماسىنىڭ باسشىسى ارتۋر سەدٸبەكۇلى.
سونداي-اق, بيىل مەملەكەتتٸك تاپسىرىستى ورىنداۋ ماقساتىندا بەكٸرە بالىعىن ٶسٸرۋ زاۋىتتارى ٷشٸن 269 دانا بالىق اۋلاندى. ٶتكەن جىلى بەكٸرە تۇقىمداس 241 بالىق اۋلانعان ەدٸ. اتالعان ەكٸ زاۋىت جىل سايىن كاسپيي تەڭٸزٸنە جاساندى جولمەن ٶسٸرٸلگەن 7 ملن-نان استام بەكٸرە شاباقتارىن جٸبەرەدٸ.
