ەلوردادا 8 - 9 قىركٷيەكتە ازىق-تٷلٸك قاۋٸپسٸزدٸگٸ جٶنٸندەگٸ يسلام ۇيىمى باس اسسامبلەياسىنىڭ (اقيۇ) تٶرتٸنشٸ سەسسيياسى ٶتتٸ, دەپ حابارلايدى اۋىل شارۋاشىلىعى مينيسترلٸگٸنٸڭ باسپاسٶز قىزمەتٸ.
ٸس-شارا «پوست-پاندەمييالىق ەلەمدەگٸ يسلام ىنتىماقتاستىعى ۇيىمىنىڭ ازىق-تٷلٸك جٷيەلەرٸ» تاقىرىبىمەن ونلاين فورماتتا ۇيىمداستىرىلدى.
قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆ يسلام ەلەمٸ ٷشٸن ازىق-تٷلٸك قاۋٸپسٸزدٸگٸ جٶنٸندەگٸ يسلام ۇيىمىنىڭ ماڭىزدىلىعىن بٸرنەشە رەت اتاپ ٶتكەن بولاتىن. باس اسسامبلەيا قاتىسۋشىلارىنا ارناعان العى سٶزٸندە مەملەكەت باسشىسى كوروناۆيرۋس پاندەميياسى جەنە جاھاندىق كليماتتىڭ ٶزگەرۋٸ جاعدايىندا ازىق-تٷلٸك قاۋٸپسٸزدٸگٸ جٶنٸندەگٸ ۇيىمنىڭ رٶلٸ دە ەرەكشە ارتقانىن اتاپ ٶتٸپ, قاتىسۋشى ەلدەردٸ يسلام ىنتىماقتاستىعى ۇيىمىنىڭ (يىۇ) ازىق-تٷلٸك قاۋٸپسٸزدٸگٸ رەزەرۆتەرٸن جەنە استىق قورىن قۇرۋ جٶنٸندەگٸ باستاماسىن قولداۋعا شاقىردى.
«قازاقستان يسلام ىنتىماقتاستىعى ۇيىمىنىڭ بەلسەندٸ جەنە جاۋاپتى مٷشەسٸ. سونداي-اق, شەتەلگە 7 مل .تونناعا دەيٸن بيداي ەكسپورتتاي وتىرىپ, ازىق-تٷلٸك بيدايى مەن ۇندى ەكسپورتتاۋشى ٸرٸ وندىققا كٸرەدٸ. جىل سايىن قازاقستان كٶمەككە مۇقتاج يىۇ-نا مٷشە ەلدەرگە گۋمانيتارلىق كٶمەك رەتٸندە بيداي مەن ۇن جٸبەرەدٸ. بٸزدٸڭ تەجٸريبەمٸز تۇراقتى تٷردە ٶسٸپ كەلە جاتقان يسلام ەلەمٸندەگٸ ازىق - تٷلٸك قاۋٸپسٸزدٸگٸ مەسەلەلەرٸن شەشۋدە پايدالى بولاتىنىنا سەنٸمدٸمٸن», - دەلٸنگەن مەملەكەت باسشىسىنىڭ باس اسسامبلەيا قاتىسۋشىلارىنا ارنالعان حاتىندا.
شارا بارىسىندا تٷركييا رەسپۋبليكاسى ازىق-تٷلٸك قاۋٸپسٸزدٸگٸ جٶنٸندەگٸ يسلام ۇيىمىنا تٶراعالىقتى قازاقستانعا بٸر جىل مەرزٸمگە بەردٸ. اۋىل شارۋاشىلىعى مينيسترٸ ەربول قاراشٶكەەۆ ٶز سٶزٸندە يىۇ ازىق-تٷلٸك جٷيەسٸن دامىتۋ, بەكٸتٸلگەن باعدارلامالاردى ٸسكە اسىرۋدىڭ ساپالى دەڭگەيٸن قامتاماسىز ەتۋ, ۇيىمنىڭ گۋمانيتارلىق باعدارلامالارى, كليماتتىڭ ٶزگەرۋٸنە بايلانىستى تەۋەكەلدەر, اۋىل شارۋاشىلىعىنداعى سۋ رەسۋرستارىن تيٸمدٸ پايدالانۋ مەسەلەلەرٸ سيياقتى اسپەكتٸلەردٸڭ ماڭىزدىلىعىن اتاپ ٶتٸپ, قازاقستاننىڭ الداعى تٶراعالىق ەتۋ كەزەڭٸندە بەرٸلگەن باعىتتار تۇراقتى جالعاستىرىلاتىنان جەتكٸزدٸ.
«قازاقستاندا 200 ملن گەكتاردان استام اۋىل شارۋاشىلىعى جەرٸ بار, بۇل ەلەمدٸك رەسۋرستاردىڭ 4% - ىن, جايىلىمدىق رەسۋرستاردىڭ 180 ملن گەكتاردان استامىن قۇرايدى. قازاقستان يسلام ىنتىماقتاستىعى ۇيىمىنىڭ بەلسەندٸ ەرٸ جاۋاپتى جەنە ەكولوگييالىق تازا اگرارلىق ٶنٸمنٸڭ ٸرٸ ٶندٸرۋشٸلەرٸ مەن ەكسپورتتاۋشىلارىنىڭ بٸرٸ بولا وتىرىپ, يىۇ كەڭٸستٸگٸندە ازىق-تٷلٸك قاۋٸپسٸزدٸگٸ مەسەلەلەرٸن شەشۋگە ٶز ٷلەسٸن قوسۋعا دايىن», - دەپ اتاپ ٶتتٸ ە.قاراشٶكەەۆ.
تٶرتٸنشٸ باس اسسامبلەيانىڭ قورىتىندىسى بويىنشا ازىق-تٷلٸك قاۋٸپسٸزدٸگٸ جٶنٸندەگٸ يسلام ۇيىمى 2031 قارارلارى مەن ستراتەگييالىق جوسپارى بەكٸتٸلدٸ. وعان سەيكەس 16 باعدارلامانى جٷزەگە اسىرۋ ارقىلى 5 نەگٸزگٸ باعىت: باسقارۋ, ازىق-تٷلٸك داعدارىسىنا دەن قويۋ, ەلەۋەتتٸ ارتتىرۋ, يندۋسترييانى دامىتۋ جەنە رەسۋرستاردى جۇمىلدىرۋدى ودان ەرٸ دامىتۋ جەنە كٷشەيتۋ جوسپارلانعان.
تاياۋداعى 10 جىلعا ارنالعان نەگٸزگٸ ماقساتتاردىڭ قاتارىندا - داعدارىس جاعدايلارىندا يىۇ ەلدەرٸن قولداۋ ٷشٸن ازىق-تٷلٸك قاۋٸپسٸزدٸگٸنٸڭ رەزەرۆتەرٸن جەنە گۋمانيتارلىق ازىق-تٷلٸك كٶمەگٸ جٶنٸندەگٸ باعدارلامالاردى قۇرۋ, اگرارلىق ازىق-تٷلٸك ٶنەركەسٸبٸنٸڭ بەسەكەگە قابٸلەتتٸلٸگٸن ارتتىرۋ, ارنايى جوبالار مەن ينۆەستيتسييالاردى قولداۋ ٷشٸن قارجىلىق ىنتىماقتاستىققا جەردەمدەسۋ, بيو جەنە اگروتەحنولوگييالاردى دامىتۋ, كليماتقا ەسەر ەتۋ, گەندٸك بانكتەردٸ دامىتۋ جەنە «حالال» تاماق ٶنٸمدەرٸنٸڭ ەكوجٷيەسٸ سيياقتى اسپەكتٸلەردٸ قامتيتىن قاتىسۋشى ەلدەردٸڭ ەلەۋەتٸن دامىتۋ ٷشٸن تەحنيكالىق تەجٸريبەنٸ بەرۋ قاراستىرىلعان.
ٸس-شاراعا ازىق-تٷلٸك قاۋٸپسٸزدٸگٸ جٶنٸندەگٸ يسلام ۇيىمىنا مٷشە 36 مەملەكەت جەنە يسلام ىنتىماقتاستىعى ۇيىمىنىڭ 56 ەلٸنەن جالپى 150-دەن استام قاتىسۋشى قاتىستى. ولاردىڭ قۇرامىندا اۋىل شارۋاشىلىعى مينيسترلەرٸ, حالىقارالىق ۇيىمداردىڭ, يىۇ جەنە ونىڭ ينستيتۋتتارىنىڭ ٶكٸلدەرٸ, سونداي-اق قاتىسۋشى ەلدەردەگٸ ازىق-تٷلٸك قاۋٸپسٸزدٸگٸ مەسەلەلەرٸنە جەتەكشٸلٸك ەتەتٸن باسقا دا جوعارى لاۋازىمدى تۇلعالار بولدى.
