فوتو: اشىق دەرەككٶز
باكۋدە قازاق كينوسىنىڭ ايلىعى باستالدى. سالتاناتتى ٸس-شارا «دوس-مۇقاسان» مۋزىكالىق دراماسىمەن اشىلدى. رەجيسسەر ايدىن ساحاماننىڭ فيلمٸ ەلدٸڭ مۋزىكا ٶنەرٸنە جاڭا سەرپٸن بەرگەن, قازاق روكىنىڭ نەگٸزٸن قالاۋشى تانىمال قازاقستاندىق انسامبلگە ارنالادى, دەپ حابارلايدى Ult.kz.
ٸس-شارا اياسىندا ەزەربايجاندىق تالانتتى ەنشٸلەر مەن مۋزىكانتتاردىڭ قاتىسۋىمەن كونتسەرتتٸك باعدارلاما ۇيىمداستىرىلىپ, بۇل كەش قوس حالىق اراسىنداعى مەدەني بايلانىستىڭ ايقىن كٶرٸنٸسٸنە اينالدى.
كەشكە قازاقستان رەسپۋبليكاسىنىڭ ەزەربايجان رەسپۋبليكاسىنداعى تٶتەنشە جەنە ٶكٸلەتتٸ ەلشٸسٸ ەلٸم بايەل, شىعارماشىلىق جەنە عىلىمي زييالى قاۋىم ٶكٸلدەرٸ, ديپلوماتييالىق كورپۋس مٷشەلەرٸ, باق, باكۋدە تۇراتىن قازاقستاندىقتار مەن قازاق كينوسىن قولداۋشىلار قاتىستى.
«دوس-مۇقاسان» فيلمٸ ەفرات شەرٸپوۆتٸڭ ستسەنارييٸ نەگٸزٸندە قر مەدەنيەت جەنە اقپارات مينيسترلٸگٸ مەن ۇلتتىق كينونى قولداۋ مەملەكەتتٸك ورتالىعىنىڭ قولداۋىمەن تٷسٸرٸلگەن. تۋىندىنىڭ پروديۋسەرٸ – ايگٷل بايبەك.
فيلم جەلٸسٸ پوليتەحنيكالىق ينستيتۋتتىڭ ستۋدەنتتەرٸ قۇرعان انسامبل تاريحىن باياندايدى. جاس مۋزىكانتتاردىڭ ٶنەر مەن عىلىم اراسىنداعى كٷردەلٸ تاڭداۋى, كونتسەرتتەرگە تىيىم سالۋ, پارتييا تاراپىنان قىسىم, وقۋ ورنىنداعى قيىندىقتار سەكٸلدٸ شىنايى ٶمٸرلٸك كەدەرگٸلەر كٶرٸنٸس تابادى.
كينوتۋىندىدا كەيٸپكەرلەردٸڭ تاريحي بەينەسٸن دەل بەرۋ ٷشٸن اكتەرلەر ناقتى پروتوتيپتەرگە ساي تاڭدالعان. تۋىندىنىڭ تاريحي شىندىققا ساي بولۋ ٷشٸن انسامبل مٷشەلەرٸ مۇرات قۇسايىنوۆ پەن دوسىم سٷلەيمەنوۆ ارنايى كەڭەسشٸ رەتٸندە شاقىرىلعان.
باكۋ قالاسىندا ٶتٸپ جاتقان قازاقستان كينوسى ايلىعى اياسىندا ەلٸمٸزدٸڭ زاماناۋي كينوٶنەرٸنٸڭ سان قىرىن تانىتاتىن باسقا دا تۋىندىلاردىڭ كٶرسەتٸلٸمٸ جوسپارلانعان.
